ការរួមភេទគឺជាផ្នែកមួយដ៏សំខាន់សម្រាប់ជីវិតប្រកបដោយសុខភាពល្អ។ ហើយរាល់បញ្ហាដែលជាប់ទាក់ទងនឹងជីវិតផ្លូវភេទ មិនថា ធំឬតូចទេ សុទ្ធតែអាចប៉ះពាល់ដល់សុខភាពផ្លូវចិត្តបានទាំងអស់។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មនុស្សយើងគឺមានរឿងក្នុងផ្លូវចិត្តច្រើនណាស់ ខណៈពេលដែលកំពុងតែរួមភេទដូចជា ការភ្ញាក់ផ្អើលខ្លាំង អារម្មណ៍នៃសេចក្តីស្នេហាជាដើម។ ការរួមភេតគឺជាមុខងារមួយដែលដឹកនាំដោយអ័រម៉ូន ត្រូវបានបង្កើតឡើងដើម្បីផ្តល់គ្រឿងផ្សំដល់ជីវិតរស់នៅ។ បើសិនជាអ្នកមិនសប្បាយចិត្តជាមួយនឹងជីវិតផ្លូវភេទទេ នោះវាអាចនឹងមានហេតុផលច្រើនណាស់នៅពីក្រោយរឿងនេះ ដូចជា ខ្សោយចំណង់ផ្លូវភេទ ស្រ្តីអសមត្ថភាពផ្លូវភេទ និងបុរសងាប់លិង្គជាដើម។ ដើម្បីពង្រឹងដល់ជីវិតផ្លូវភេទ អ្នកត្រូវតែផ្លាស់ប្តូររបៀបរស់នៅមួយចំនួនដូចខាងក្រោមនេះ៖
ឈប់ជក់បារី
បារីផ្ទុកទៅដោយជាតិនីកូទីនដែលអាចទៅធ្វើឲ្យសរសៃឈាមរួមតូច និងបង្កការខូចខាតដល់សរសៃវ៉ែន និងអាក់ទែបាន។ អ្វីដែលគួរឲ្យកត់សម្គាល់ទៀតនោះគឺថា លិង្គរបស់មនុស្សប្រុសមានសរសៃឈាមតូចៗជាច្រើន ដែលងាយនឹងរងការខូចខាតជាពិសេសខ្លាំងណាស់។ មានន័យថា ការជក់បារីអាចមានឥទ្ថិពលអាក្រក់ដល់ជីវីតផ្លូវភេទអ្នក។
បណ្តោយខ្លួនហាត់ប្រាណជាទៀងទាត់
សុខភាពប្រព័ន្ធបេះដូងសរសៃឈាម គឺជារឿងសំខាន់សម្រាប់ចំណង់ផ្លូវភេទ និងការឡើងរឹងរបស់លិង្គ។ ការហាត់ប្រាណអាចជួយអ្នកថែរក្សាប្រព័ន្ធមួយនេះឲ្យកាន់តែមានសុខភាពល្អបាន។ ក្រៅពីនេះ ការហាត់ប្រាណនឹងបង្កើនចំនួនអ័រម៉ូនភេទ ព្រមទាំង Endorphins ដែលត្រូវបានគេដឹងថា ជាអ័រម៉ូនជួយឲ្យមានអារម្មណ៍ល្អ។ វានឹងជួយថែរក្សាចំណង់ផ្លូវភេទកាន់តែល្អថែមទៀត។
គេងគ្រប់គ្រាន់
ការគេងមិនបានគ្រប់គ្រាន់អាចនាំឲ្យលិង្គមិនអាចឡើងរឹងបាន ហើយក៏មានបញ្ហាច្រើនក្នុងការឆ្លើយតបខាងផ្លូវភេទលើស្រ្តីដែរ។ មានអ័រម៉ូនមានប្រយោជន៍មួយចំនួនដែលត្រូវបានបញ្ចេញក្នុងឈាមក្នុងពេលគេង ហើយវាក៏ធ្វើឲ្យមានអារម្មណ៍ល្អដែរ។ (អាន:ថ្នាំងងុយគេង ពេលអ្នកគួរប្រើ)រឿងនេះនឹងបង្កើនចំណង់ផ្លូវភេទ និងពង្រឹងដល់ជីវិតផ្លូវភេទកាន់តែប្រសើជាងមុន។
កាត់បន្ថយការញ៉ាំជាតិកាហ្វេអ៊ីន
ជាតិកាហ្វេអ៊ីនអាចមានឥទ្ធិពលអវិជ្ជមានដល់លំហូរឈាមបាន ដោយសារតែវាដើរតួនាទីធ្វើឲ្យសរសៃឈាមរួមតូច។ ដូច្នេះវានឹងបន្ថយលំហូរឈាមគ្រប់កន្លែងរួមទាំងសរីរាង្គផ្លូវភេទផងដែរ ចុងក្រោយនឹងបង្កជាបញ្ហាជាច្រើនដល់ជីវិតផ្លូវភេទអ្នកជាមិនខាន បើសិនជាទទួលទានច្រើនពេក៕