ភាគច្រើននៃពួកយើងសុទ្ធតែស្គាល់ផ្កាឈូក និងធ្លាប់ទទួលទានគ្រាប់ឈូក ប៉ុន្តែប្រហែលជាមិនដឹងទេថា មើមឈូក ក៏អាចយកមកទទួលទានបានដែរ។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) មើមឈូកត្រូវបានប្រើជាបន្លែ វាជាមានរសជាតិឆ្ងាញ់ខ្លាំងណាស់ និងថែមទាំងអាចផ្ដល់អត្ថប្រយោជន៍គួរអោយភ្ញាក់ផ្អើលចំពោះសុខភាពទៀតផង ហើយមើមឈូកក៏អាចយកមកធ្វើជាបង្អែមដែរ។ ថ្ងៃនេះវេបសាយសុខភាព Health.com.kh នឹងបង្ហាញអោយដឹងពីផលវិជ្ជមាននៃការទទួលទានមើមឈូក ៖
១. កាត់បន្ថយស្ត្រេស
នោះក៏ព្រោះតែមើមឈូកមានផ្ទុកសម្បូរទៅដោយវីតាមីន B ដែលជួយកាត់បន្ថយកម្រិតនៃភាពតានតឹងក្នុងអារម្មណ៍បានយ៉ាងប្រសើរ។ វីតាមីននេះក៏ផ្ដល់នូវថាមពលបន្ថែមដល់រាងកាយបំបាត់ភាពអស់កម្លាំងផងដែរ។
២. បញ្ចុះសម្ពាធឈាម
មើមឈូក ក៏ជាប្រភពដ៏ល្អបំផុតមួយនៃជាតិប៉ូតាស្យូម។ ដូច្នេះហើយទើបការទទួលទានវាអាចជួយរក្សាកម្រិតត្រឹមត្រូវនៃសម្ពាធឈាម ហើយទប់ស្កាត់បញ្ហាសម្ពាធឈាមឡើងខ្ពស់ ឬជំងឺលើសឈាម។
៣. ពង្រឹងប្រព័ន្ធភាពស៊ាំ
មើមឈូក ក៏មានផ្ទុកសម្បូរទៅដោយវីតាមីន C ដែលជួយពង្រឹងបង្កើនប្រព័ន្ធភាពស៊ាំរាងកាយទប់ស្កាត់ប្រយុទ្ធប្រឆាំងនឹងជំងឺជាច្រើន។
៤. បង្កើនសុខភាពភ្នែក
មើមឈូក ក៏ជាប្រភពដ៏ប្រសើរនៃវីតាមីន A ដែលមានប្រសិទ្ធភាពជួយរក្សាសុខភាពភ្នែកមើលឃើញបានកាន់តែច្រើន។ ការទទួលទានមើមឈូកក៏ជួយការពារភ្នែកពីជំងឺពាក់ព័ន្ធផ្សេងៗ រួមទាំងជំងឺភ្នែកឡើងបាយ និងជំងឺខ្សោយភ្នែកផងដែរ។
៥. គ្រប់គ្រងចលនាពោះវៀនល្អប្រសើរ
មើមឈូកមានផ្ទុកសម្បូរទៅដោយជាតិសសៃដែលជួយសម្រួលដល់ចលនានៃពោះវៀនទប់ស្កាត់ ក៏ដូចជាបំបាត់បញ្ហាទល់លាមកគួរអោយកត់សម្គាល់។
៦. ពង្រឹងសុខភាពសាច់ដុំ
មើមឈូកក៏មានផ្ទុកសម្បូរទៅដោយជាតិប្រូតេអ៊ីនដែលធ្វើអោយការទទួលទានវាជាប្រចាំអាចរក្សា និងពង្រឹងសុខភាពសាច់ដុំបានយ៉ាងប្រសើរ៕
