តាំងពីអ្នកធំដឹងក្តីមក តើអ្នកធ្លាប់ត្រូវបានឪពុកម្តាយ និងគ្រូបង្រៀនប្រាប់ថា មួយថ្ងៃញ៉ាំផ្លែប៉ោមមួយផ្លែជួយឲ្យចៀសផុតពីការព្យាបាលជំងឺពីគ្រូពេទ្យដែរទេ?​ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ពិតណាស់ ការញ៉ាំផ្លែប៉ោមអាចមានប្រយោជន៍ច្រើនចំពោះសុខភាព ជាពិសេស កាត់បន្ថយការប្រឈមជំងឺបេះដូង ដាច់សរសៃឈាមខួរក្បាល មហារីក និងការទល់លាមក។ 

យ៉ាងណាមិញ តើអ្នកមានដឹងទេថា ការដែលមានទម្លាប់ញ៉ាំផ្លែប៉ោមក៏អាចជួយពង្រឹងដល់ជីវិតផ្លូវភេទដែរទេ? ការសិក្សាមួយដែលចុះផ្សាយក្នុងសារព័ត៌មាន Archives of Gynaecology and Obstetrics បានបញ្ជាក់ថា ការញ៉ាំផ្លែប៉ោមមួយផ្លែរាល់ថ្ងៃអាចពង្រឹងដល់ភាពស្រើបស្រាលខាងផ្លូវភេទរបស់មនុស្សស្រីបាន។ 

អ្នកស្រាវជ្រាវជនជាតិអ៊ីតាលីបានសិក្សាទៅលើស្រ្តីចំនួន ៧៣១នាក់ អាយុពី ១៨ ទៅ៤៣ឆ្នាំ ដោយសុំឲ្យពួកគេមានទម្លាប់ញ៉ាំអាហារផ្លែប៉ោមជាទៀងទាត់រយៈពេលមួយឆ្នាំ។ ជាមួយគ្នានោះដែរ ពួកគេក៏ត្រូវប្រាប់អំពីសកម្មភាពចំណង់ផ្លូវភេទរបស់ខ្លួនក្នុងក្រដាសតាមដានផងដែរ។ គោលបំណង់នៃការសិក្សានេះគឺដើម្បីកំណត់ថា ការសប្បាយចិត្តខាងផ្លូវភេទទាំងមូលមានលក្ខណៈរបៀបម៉េច និងពួកគេបានរួមភេទញឹកញាប់ប៉ុណ្ណាដែរ។ 

ក្រោយមកទៀត គេបានសង្កេតឃើញថា ស្រ្តីប្រមាណ ៣៤៣នាក់ ដែលញ៉ាំផ្លែប៉ោមរាល់ថ្ងៃគឺមានការចេញទឹករំអិលពីទ្វារមាសល្អជាងក្នុងពេលរួមភេទ ហើយក៏សប្បាយចិត្តជាងដែរ។ សូមបញ្ជាក់ថា ផ្លែប៉ោមសម្បូរទៅដោយអង់ទីអុកស៊ីដង់ និងសារធាតុ Polyphenols ដែលជួយពង្រឹងដល់របត់ឈាមរត់ទៅក្នុងទ្វារមាស ដែលវាកាន់តែងាយស្រួលដល់នាងឈានដល់ចំណុចកំពូល។ 

អ្នកស្រាវជ្រាវបានសន្និដ្ឋានថា ការញ៉ាំផ្លែប៉ោមទៀងទាត់រាល់ថ្ងៃ មានទំនាក់ទំនងកាន់តែល្អក្នុងការជួយឲ្យស្រ្តីវ័យក្មេងមានជីវិតផ្លូវភេទប្រសើជាងមុន។(អាន:ថ្នាំងងុយគេង ពេលអ្នកគួរប្រើ)

ដូច្នេះបើសិនជា អ្នកកំពុងតែស្វែងរកវិធីសាស្រ្តដើម្បីពង្រឹងដល់ជីវិតផ្លូវភេទដែរនោះ មិនបាច់ទៅទិញថ្នាំអ្វីប្រើច្រើនឡើយ គ្រាន់តែបង្កើនការញ៉ាំផ្លែប៉ោមមួយថ្ងៃមួយផ្លែជារៀងរាល់ថ្ងៃទៅបានហើយ៕