ភាពពេញវ័យគឺជាពេលវេលាដែលក្មេងៗចាប់ផ្តើមឈានជើងចូលក្នុងវ័យកណ្តាល។ ជាមួយនឹងការប្រែប្រួលអ័រម៉ូន រាងកាយ និងផ្លូវចិត្ត ក្មេងៗដែលពេញវ័យអាចប្រឈមនឹងបញ្ហាជាច្រើន។ ក្មេងពេញវ័យភាគច្រើនអាចនឹងមានបញ្ហាអារម្មណ៍មិនល្អ ឆេវឆាវ និងមានការប្រែប្រួលអត្តចរិកជាច្រើន។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) បម្រែបម្រួលអ័រម៉ូនធ្វើឲ្យមានការប្រែប្រួលខាងផ្លូវចិត្តច្រើន ហើយអាចនឹងធ្វើឲ្យពួកគេមិនចូលចិត្តយករឿងដែលខ្លួនឯងបារម្ភ ឬចង់ឲ្យគេដោះស្រាយប្រាប់ឪពុកម្តាយទៀតទេ។
ខណៈពេលដែលការឈានដល់ពេញវ័យមានលក្ខណៈខុសៗគ្នាពីមនុស្សម្នាក់ទៅម្នាក់ទៀត វាក៏មានអាការៈរួមមួយចំនួនដែរសម្រាប់ក្មេងប្រុសដែលពេញវ័យដូចជា៖
- ពងស្វាសលូតលាស់ពេញលេញ ធំជាងមុន ថង់ពងស្វាសស្តើងជាងមុន និងខ្មៅជាងមុន
- ស្បែកនៅជុំវិញលិង្គចាប់ផ្តើមខ្មៅទៅៗ
- រោមនៅថ្ងាស់ក្រោមក៏ដុះច្រើនជាមួយគ្នានឹងរោមឃ្លៀកដែរ
- ក្មេងខ្លះអាចចាប់ផ្តើមដុះពុកមាត់ តែខ្លះទៀតក៏មិនទាន់ឃើញដែរ
- មានការលូតលាស់ខាងផ្លូវភេទ និងចាប់ផ្តើមសុបិន្តឃើញរួមភេទ
- លិង្គចាប់ផ្តើមចេះឡើងរឹងនៅពេលមានអារម្មណ៍ផ្លូវភេទ
- ចាប់ផ្តើមបែកញើសកាន់តែច្រើន
- សម្លេងអាចនឹងប្រែប្រួលខ្លាំង និងទៅជាគ្រលរ
- ស្បែកមានការប្រែប្រួលច្រើនដូចជា មានប្រេងច្រើន ឬស្ងួត និងកើតមុនច្រើន
- មានការប្រែប្រួលខាងផ្លូវអារម្មណ៍ច្រើន
ភាពពេញវ័យគឺជាពេលវេលាដែលក្មេងៗត្រូវការការគាំទ្រ និងយល់ដឹងពីមនុស្សជិតជាងគេង ជាពិសេសឪពុកម្តាយខ្លួនតែម្តង។ (អាន:ថ្នាំងងុយគេង ពេលអ្នកគួរប្រើ)ក្នុងនាមជាឪពុកម្តាយ អ្នកត្រូវតែនិយាយប្រាប់កូន និងប្រាប់គេឲ្យយល់ថាអ្វីៗដែលពួកគេឆ្លងកាត់នេះគឺជាការលូតលាស់ធម្មតាៗទេ ហើយក៏មិនបាច់បារម្ភ ឬអៀនខ្មាស់អ្វីដែរ៕