ជំនាញជាច្រើននិយាយថា មនុស្សម្នាក់ក្នុងចំណោម ២០នាក់នឹងកើតមានជំងឺមហារីកពោះវៀនធំក្នុងថ្ងៃណាមួយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាថ្មីនេះអ្នកស្ថិតក្នុងបន្ទប់មួយជាមួយមនុស្ស ១៩នាក់ទៀត នោះម្នាក់ក្នុងចំណោមអ្នកទាំងអស់គ្នឹងនឹងត្រូវបានគេរកឃើញថាមានជំងឺនេះ ហើយវាក៏ប្រហែលអាចជាអ្នកដែរ។ 

ទោះបីជាយ៉ាងណាក៏ដោយ កុំទាន់អាលខ្លាចអី ព្រោះថាយើងមានវិធីសាស្រ្តច្រើនណាស់ក្នុងការកាត់បន្ថយការកើតជំងឺនេះ ហើយពេលខ្លះ គ្រាន់តែបន្ថែមអាហារធម្មតាៗក្នុងរបបអាហារប្រចាំថ្ងៃឲ្យបានច្រើន នោះអ្វីៗនឹងអាចជួយបានហើយ។ អាហារទាំងនោះមានដូចជា៖

រមៀត

បើសិនជាអ្នកជាមនុស្សម្នាក់ដែលចូលចិត្តអាហារឥណ្ឌា វាពិតជារឿងល្អណាស់។ តាមពិតទៅ រមៀតផ្ទុកទៅដោយសារធាតុមួយឈ្មោះថា Curcumin ដែលមានសមត្ថភាពប្រឆាំងនឹងការរលាក ហើយវាក៏ជួយការពារកុំឲ្យជំងឺមហារីកលូតលាស់ក្នុងពោះវៀនធំបានដែរ។ 

ប្រេងអូលីវ

បើនិយាយដល់ការទប់ស្កាត់ការរលាក អ្នកជំនាញជាច្រើនតែងតែណែនាំឲ្យញ៉ាំប្រេងអូលីវជាមួយនឹងរបបអាហារ ព្រោះវាក៏អាចជួយបន្ថយការប្រឈមជំងឺមហារីកពោះវៀនធំបានដែរ។ សម្រាប់របបអាហារបែបមេឌីទែរ៉ាណេវិញ គឺមានការប្រើប្រាស់ប្រេងអូលីវច្រើនណាស់ ហើយវាក៏បង្ហាញថា អ្នកដែលញ៉ាំអាហារបែបនេះមានអត្រាកើតជំងឺមហារីកពោះវៀនធំទាបបំផុតដែរ។ 

ប៉េងប៉ោះ

ការញ៉ាំប៉េងប៉ោះជាទៀងទាត់ អាចបន្ថយការកើតជំងឺមហារីកពោះវៀនធំបាន ដោយសារតែវាផ្ទុកទៅដោយសារធាតុ Lycopene ដែលជាអង់ទីអុកស៊ីដង់មួយប្រភេទមិនឲ្យកើតមហារីកតែម្តង។ ខណៈពេលដែលប៉េងប៉ោះមានសារធាតុ Lycopene អ្នកត្រូវតែញ៉ាំប៉េងប៉ោះដោយការចម្អិនដែរ ទើបវាអាចក្លាយទៅជាទម្រងមួយដែលអាចប្រឆាំងនឹងមហារីកបាន។ 

បន្លែពណ៌បៃតង

របបអាហារមួយដែលមានជាតិសរសៃខ្ពស់អាចបន្ថយការកើតជំងឺមហារីកពោះវៀនធំនៅថ្ងៃណាមួយបាន។ ដូច្នេះដើម្បីទទួលបានជាតិសរសៃទាំងនេះ យកល្អគួរតែញ៉ាំបន្លែពណ៌បៃតងឲ្យបានច្រើន។ ក្រៅពីនេះបន្លែប្រភេទនេះនឹងជួយបញ្ចេញចោលនូវជាតិពុល និងកាកសំណល់ចេញពីក្នុងពោះវៀនធំបានយ៉ាងល្អទៀតផង។ (អាន:ថ្នាំងងុយគេង ពេលអ្នកគួរប្រើ)

ផ្លែឈើ

ពិតណាស់ របបអាហារប្រចាំថ្ងៃរបស់អ្នកមិនគួរណាគ្មានផ្លែឈើឡើយបើសិនជាអ្នកចង់មិនឲ្យកើតជំងឺមហារីកពោះវៀនធំ។ យកល្អគួរតែញ៉ាំផ្លែឈើ ឬបន្លែចំនួន ៦ ទៅ៧ពេលក្នុងមួយថ្ងៃ ដើម្បីកុំឲ្យកើតជំងឺមហារីកពោះវៀនធំ។ 

ខណៈពេលដែលមានអាហារមួយចំនួនដែលអ្នកគួរញ៉ាំឲ្យបានច្រើនដើម្បីបន្ថយការប្រឈមនឹងជំងឺមហារីកពោះវៀនធំ តែក៏មានអាហារផ្សេងទៀតដែលអ្នកត្រូវកាត់បន្ថយ ឬចៀសវាងទាំងស្រុងដែរដូចជា៖

  • សាច់ក្រហម
  • អាហារកៃឆ្នៃ ជាពិសេសអាហារមានជាតិ Sodium Nitrite ច្រើន
  • ការញ៉ាំគ្រឿងស្រវឹងច្រើនជ្រុល៕