កាលពីពេលមុនៗ ខ្ញុំបានសរសេរនូវអត្ថបទមួយនិយាយអំពីមូលហេតុដែលនាំឲ្យស្រ្តីមានការឈឺចាប់ខ្លាំងក្នុងពេលមករដូវ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ក្រោយមកក៏មានមិត្តអ្នកអានរបស់យើងជាច្រើនបានសួរថា បើសិនជាមូលហេតុអ៊ីចឹងហើយ តើគួរដោះស្រាយរបៀបម៉េចទៅ? ក្នុងករណីបែបនេះ ដើម្បីឆ្លើយតបនឹងសំណួរនេះ សូមតាមដានអំពីអាហារដែលបងប្អូនស្រ្តីយើងដែលធ្លាប់តែឈឺចាប់ខ្លាំងក្នុងពេលមករដូវដូចតទៅ៖
អ្វីដែលគួរញ៉ាំច្រើន
- បន្លែពណ៌បៃតង៖ កាលណារាងកាយមានតុល្យភាពនៃជាតិរ៉ែកាលស្យូម ម៉ាញ៉េស្យូម ប៉ូតាស្យូម និងស័ង្គសីតាមរយៈចំណីអាហារ នោះវាអាចនឹងធ្វើឲ្យមុខងាររបស់ស្បូនវិលមកធម្មតាវិញបាន។
- អាហារមិនមានការកៃឆ្នៃដូចជា បន្លែ ផ្លែឈើ អាហារសម្បូរប្រូតេអ៊ីន៖ ស៊ុត ត្រី សាច់បក្សី និងគ្រាប់ធញ្ញជាតិ
- ខ្លាញ់ផ្តល់សុខភាព៖ ចូរញ៉ាំត្រី គ្រាប់ផ្លែឈើ និងស៊ុតឲ្យបានច្រើន ព្រោះវាសម្បូរទៅដោយជាតិខ្លាញ់ផ្តល់សុខភាពដល់រាងកាយ ហើយប្រឆាំងនឹងការរលាកទៀត។
អ្វីដែលត្រូវកាត់បន្ថយ
- អាហារធ្វើពីទឹកដោះគោ៖ យកល្អគួរតែព្យាយាមធ្វើយ៉ាងណាកាត់បន្ថយការញ៉ាំទឹកដោះគោ ព្រោះកាលណារាងកាយទទួលបានជាតិទឹកដោះគោកាន់តែតិច វានឹងមិនធ្វើឲ្យឈឺចាប់ខ្លាំងក្នុងពេលមករដូវឡើយ។(អាន:ថ្នាំងងុយគេង ពេលអ្នកគួរប្រើ)
- សាច់ក្រហម៖ សាច់ប្រភេទនេះច្រើនតែមានសារធាតុ Arachidonic Acid ដែលជំរុញដល់ការរលាក
- ជាតិផ្អែម៖ អាហារទាំងនេះច្រើនតែធ្វើឲ្យអតុល្យភាពដល់អ័រម៉ូន និងបង្កើនការរលាកកាន់តែខ្លាំង៕