មិនខ្វល់ថាអ្នកជានរណា និងធ្វើអ្វីទេ អ្វីដែលជាការពិតនឹងត្រូវកើតមាននោះ គឺមនុស្សយើងត្រូវស្លាប់បាត់បង់ជីវិតនៅថ្ងៃណាមួយ។ យើងទាំងអស់គ្នាសុទ្ធតែដឹងរឿងនេះ តែមិនដឹងថា វាយ៉ាងម៉េចឲ្យប្រាកដឡើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)សម្រាប់យុគ្គសម័យបច្ចុប្បន្ននេះ មានការបំពុលដល់ខ្លួនមនុស្សយើងច្រើនណាស់ ដែលជាហេតុនាំឲ្យពិបាកនឹងអាចរស់នៅមានអាយុវែង ហើយភាគច្រើន តែងតែជួបការលំបាក់នឹងជំងឺផ្សេងៗបៀតបៀនខ្លួនទើបធ្វើឲ្យមនុស្សមួយចំនួនធំអាយុខ្លី។ ប៉ុន្តែខាងក្រោមនេះ យើងនឹងនាំមកនូវអាថ៌កំបាំងនៃការរស់នៅរបស់បុរសម្នាក់ដែលអាយុវែង ហើយបានស្លាប់ក្នុងវ័យ ១១៤ឆ្នាំ។ បុរសម្នាក់នេះបានបង្ហើបអាថ៌កំបាំងអាហារ ៥ ប្រភេទ ដែលធ្វើឲ្យគាត់មានអាយុ វែងបែបនេះ។
បុរសម្នាក់នេះមានឈ្មោះថា Bernando LaPallo កើតក្នុងឆ្នាំ ១៩០១ និងស្លាប់ក្នុងឆ្នាំ ២០១៥ ក្នុងវ័យ ១១៤ឆ្នាំ ហើយគាត់ក៏ត្រូវបានគេចាត់ទុកថា ជាមនុស្សមានអាយុវែងជាងគេបំផុតផងដែរ។ គាត់តែងតែប្រាប់នូវអាថ៌កំបាំងដែលធ្វើឲ្យគាត់មានអាយុវែងនោះគឺជាអាហារ និងទម្លាប់ញ៉ាំអាហាររបស់គាត់។ អាហារ ទាំង ៥ដែលធ្វើឲ្យគាត់ញ៉ាំទៅមានអាយុវែងគឺជាអាហារសរីរាង្គដូចខាងក្រោមនេះ៖
១. សម្បកឈើអែម
យោងទៅតាមលោក Bernando បានឲ្យដឹងថា សម្បកឈើអែម គឺជាធាតុផ្សំមួយដែលជួយឲ្យគាត់មានអាយុវែង។
២. សូកូឡា
មនុស្សគ្រប់គ្នាតែងតែចូលចិត្តញ៉ាំសូកូឡា។ ហើយវាហ្នឹងហើយក៏ជាអហាារមួយផ្សេងទៀតដែលអាចជួយឲ្យគាត់ទទួលបានសុខភាពល្អ និងអាយុវែងជាងគេដែរ។ សូមបញ្ជាក់ថា សូកូឡានឹងបង្កើតជាឥទ្ធិពលវិជ្ជមានមួយចំពោះសុខភាពមនុស្សយើង។ វាក៏ជួយបន្ថយស្រ្តេសបានដែរ។
៣. ខ្ទឹមស
ខ្ទឹមសមិនត្រឹមតែជួយបង្កើនរសជាតិដល់អាយុទេ តែក៏ផ្ទុកទៅដោយអត្ថប្រយោជន៍ចំពោះសុខភាពមួយចំនួនដែរ។
៤. ទឹកឃ្មុំ
ទឹកឃ្មុំត្រូវបានគេប្រើប្រាស់ជាឱសថព្យាបាលជំងឺរយៈពេលច្រើនឆ្នាំហើយ ជាពិសេសវាមានសប្រសិទ្ធភាពសម្លាប់មេរោគ អង់ទីអុកស៊ីដង់ និងសម្លាប់បាក់តេរី។ (អាន:ថ្នាំងងុយគេង ពេលអ្នកគួរប្រើ)យោងទៅតាមលោក Bernando បានឲ្យដឹងថា ទឹកឃ្មុំបានជួយគាត់រក្សាបាននូវការរស់នៅផ្តល់សុខភាពល្អ និងអាយុវែង។
៥. ប្រេងអូលីវសុទ្ធ
បុរសម្នាក់នេះបានបង្ហើបឲ្យដឹងថា យកល្អគួរតែជំនួសប្រេង និងខ្លាញ់ដែលប្រើរាល់ថ្ងៃ ជាមួយនឹងការប្រើប្រាស់ប្រេងអូលីវដើម្បីចម្អិនអាហារវិញទៅបើសិនជាចង់ឲ្យមានសុខភាពល្អ និងអាយុវែង៕
