ការដែលមានកូនគឺជាបទពិសោធន៍ក្នុងជីវិតដ៏អស្ចារ្យ ហើយក៏ជាដំណាក់កាលពីសេសសម្រាប់ជីវិតរស់នៅក្នុងនាមជាមនុស្សស្រីដែរ។ ថ្វីបើមិនទាន់មានវិធីសាស្ត្រណាមួយធានាបានថា អ្នកនឹងទទួលបានកូនប្រុស ឬស្រី ឬកូនភ្លោះក៏ដោយ តែវានៅតែអាចដដែលបើសិនជាអ្នកកំពុងតែមានបំណងចង់បានកូនភ្លោះ ព្រោះយើងខ្ញុំមានវិធីសាស្រ្តមួយចំនួនសម្រាប់អ្នកសាកល្បង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ មធ្យោបាយទាំងនេះមិនធានា ១០០ភាគរយថា នឹងទទួលបានឡើយ ប៉ុន្តែវានឹងជួយបង្កើនឱកាសរបស់អ្នកទទួលបានជោគជ័យ។
ញ៉ាំផលិតផលធ្វើពីទឹកដោះគោឲ្យបានច្រើន
ជាមួយនឹងការទទួលបានឆ្អឹងរឹងមាំដោយការញ៉ាំផលិតផលធ្វើពីទឹកដោះគោ តែការញ៉ាំជាតិកាលស្យូមច្រើនបែបនេះក៏ជួយបង្កើនឱកាសបានកូនភ្លោះដែរ។ ផលិតផលធ្វើពីទឹកដោះគោមានកម្រិតជាតិអ័រម៉ូនអេស្រ្តូជែនខ្ពស់ ដែលជយយបង្កើនសមត្ថភាពមានកូន និងឱកាសនៃការមានផ្ទៃពោះផង។
សារធាតុ Bromelain គឺជាគន្លឹះសំខាន់
សារធាតុមួយនេះគឺជាជាតិគីមីម៉្យាងដែលជួយបង្កើនសមត្ថភាពនៃការមានកូន និងត្រូវបានគេរកឃើញក្នុងស្នូលរបស់ផ្លែម្នាស់។ ប៉ុន្តែចូរញ៉ាំវាដោយប្រុងប្រយ័ត្នផង ព្រោះវាអាចបង្កជាផលវិបាកច្រើនក្នុងពេលសម្រាលកូន។
ការមានកូនបែបសិប្បនិមិត្ត (IVF)
ពាក្យថា IVF បានមកពី Vitrol Fertilization ដែលជាមធ្យោបាយដ៏ល្អបំផុតមួយក្នុងការទទួលបានកូនភ្លោះ។ ដំណើរការមួយនេះគឺគេចម្រាញយកពងមេជីវិតញី និងដាក់វាចូលទៅក្នុងកែវមន្ទីរពិសោធន៍ ដើម្បីចាក់បញ្ចូលមេជីវិតឈ្មោល ហើយនៅពេលវាក្លាយទៅជាអ៊ំប្រ៊ីយ៉ុងហើយ គេនឹងដាក់វាចូលទៅកាច់សម្បុកក្នុងស្បូនតែម្តង។
ការយល់ដឹងអំពីប្រវត្តិគ្រួសារ
បើសិនជាបងប្អូនស្រី ម្តាយ ជីដូនសម្រាលកូនភ្លោះ នោះឱកាសដែលអ្នកអាចមានកូនភ្លោះក៏ច្រើនដែរ ដោយសារតែហ្សែនដើរតួនាទីដ៏សំខាន់ក្នុងរឿងនេះ។
ការជ្រុះអូវុលខ្លាំង
ការជ្រុះអូវ៉ុលខ្លាំងនេះចង់សម្តៅទៅលើស្រ្តីមានការបញ្ចេញពងមេជីវិតញីច្រើនជាងមួយក្នុងពេលតែម្តង។ រឿងនេះច្រើនតែកើតឡើងនៅក្នុងពេលស្រ្តីអាយុខ្ទង់ ៣០ស្តើង។ ការដែលមានផ្ទៃពោះក្នុងវ័យនេះនឹងបង្កើនឱកាសនៃការមានកូនភ្លោះ។
មានផ្ទៃពោះខណៈពេលកំពុងតែបំបៅដោះកូន
ការសិក្សាបានបង្ហាញថា ការដែលបំបៅដោះកូនហើយនៅតែមានផ្ទៃពោះទៀត នោះវានឹងបង្កើនឱកាសនៃការមានផ្ទៃពោះជាកូនភ្លោះនៅពេលក្រោយកាន់តែខ្លាំង។
បង្កើនការញ៉ាំអាហារមានសារធាតុ Folate
ការដែលញ៉ាំអាហារសម្បូរសារធាតុ Folate ដូចជា ប្រូខូលី ផ្លែប័រ ផ្លែសារី សណ្តែក ឬពោតបារាំង នឹងបង្កើនឱកាសនៃការមានផ្ទៃពោះជាកូនភ្លោះច្រើនរហូតដល់ ៤០ភាគរយឯណោះ។
បន្ថែមជាតិកាលស្យូមម៉ាញ៉េស្យូមក្នុងរបបអាហារច្រើនបន្តិច
របស់ ឬអាហារសម្បូរម៉ាញ៉េស្យូមកាលស្យូមដូចជា គ្រាប់ផ្កាឈូករ័ត្ន គ្រាប់ស្វាយចន្ទី ឬផ្លែអាលម៉ុន នឹងជួយបង្កើនឱកាសនៃការមានផ្ទៃពោះជាកូនភ្លោះ។ (អាន:ថ្នាំងងុយគេង ពេលអ្នកគួរប្រើ)រឿងនេះកើតឡើងជាពិសេសបើសិនជាអ្នកកំពុងតែសង្ឃឹមថា ចង់បានកូនភ្លោះជាកូនស្រីទាំងពីរតែម្តង៕