ទឹក គឺចាំបាច់ណាស់សម្រាប់សុខភាពរាងកាយល្អប្រសើរ ប៉ុន្តែពេលខ្លះរសជាតិរបស់វាអាចគួរអោយធុញលឿន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ដូច្នេះអ្នកអាចកែច្នៃបន្ថែមរសជាតិ ឧទាហរណ៍ដូចជាទឹកក្រូចឆ្មារ ប៉ុន្តែតើអ្នកធ្លាប់ដឹងទេថា អ្នកក៏អាចប្រើប្រាស់បន្លែដើម្បីបង្កើនឧជារស និងបង្កើតជាភេសជ្ជៈដ៏មានសុខភាពល្អក្នុងពេលជាមួយគ្នាបានដែរ? ​​ប្រសិនបើអ្នកមិនដឹងថាគួរប្រើប្រាស់បន្លែអ្វីទើបប្រសើរនោះ ចូរសាកល្បងផ្លែត្រសក់។ ខាងក្រោមវេបសាយសុខភាព Health.com.kh នឹងបង្ហាញឲ្យដឹងពីអត្ថប្រយោជន៍គួរអោយភ្ញាក់ផ្អើលនៃការបន្ថែមត្រសក់ប៉ុន្មានចំណិតក្នុងទឹកធម្មតា ហើយទទួលទានជាប្រចាំ ៖

១. បញ្ចុះសម្ពាធឈាម

សម្ពាធឈាមឡើងខ្ពស់បង្កហានិភ័យនៃជំងឺគួរអោយព្រួយបារម្ភជាច្រើន។ ប៉ុន្តែកុំបារម្ភ! ទឹកត្រសក់ មានផ្ទុកសម្បូរទៅដោយជាតិសសៃ, ប៉ូតាស្យូម និងម៉ាញ៉េស្យូម ដែលជួយរក្សាកម្រិតត្រឹមត្រូវនៃជាតិសូដ្យូមទប់ស្កាត់បញ្ហាសម្ពាធឈាមឡើងខ្ពស់។

២. បង្កើនសុខភាពសាច់ដុំ

ត្រសក់ មានផ្ទុកសារធាតុ silica ជួយរក្សាសុខភាពល្អប្រសើរនៃជាលិកាភ្ជាប់ ឬសាច់ដុំរឹងមាំ ជាពិសេសនៅពេលទទួលទានជាប្រចាំ។

៣. បង្កើនការរំលាយអាហារ និងដុតបំផ្លាញជាតិខ្លាញ់

តាមរយៈការទទួលត្រសក់ជាប្រចាំ អ្នកនឹងអាចបង្កើននូវសុខភាពរាងកាយទាំងមូលឲ្យមានលក្ខណៈកាន់តែល្អប្រសើរ។ ត្រសក់អាចជម្រុញប្រព័ន្ធរំលាយអាហារ ហើយកម្ចាត់ជាតិខ្លាញ់ដែលលើសចេញ។

៤. កម្ចាត់ជាតិពុលចេញពីរាងកាយ

ទឹកត្រសក់ ក៏មានផ្ទុកសារធាតុ beta-carotene និងវីតាមីន C ដែលជួយកម្ចាត់ជាតិពុលផ្សេងៗចេញពីប្រព័ន្ធរាងកាយបានយ៉ាងប្រសើរ។

៥. ទប់ស្កាត់បញ្ហាខ្សោះជាតិទឹកក្នុងរាងកាយ

អ្នកប្រហែលជាធ្លាប់បានដឹងរួចមកហើយថា ត្រសក់ គឺមានផ្ទុកជាតិទឹកច្រើនដល់ទៅ ៩៥ ភាគរយឯណោះ។ នេះមានន័យថា ការទទួលទានទឹកត្រសក់ គឺល្អបំផុតសម្រាប់ដោះស្រាយបញ្ហាខ្សោះជាតិទឹកក្នុងរាងកាយ។

៦. ​ជួយ​បំពេញបន្ថែម​នូវ​វីតាមីន​ដែល​រាង​កាយ​ត្រូវការ​ប្រចាំ​ថ្ងៃ 

ត្រសក់ ក៏ជាប្រភពដ៏ប្រសើរនៃ​បណ្តា​វីតាមីន​ដែល​រាង​កាយ​ត្រូវការ​ចាំបាច់​ប្រចាំ​ថ្ងៃ ក្នុង​នោះ​មាន​ដូច​ជា វីតាមីន A , B , C​, កាល់ស្យូម និងម៉ាញ៉េស្យូម។ វីតាមីន​ទាំងនេះ​ជួយ​ជំរុញ​ដល់​ប្រព័ន្ធ​ការពារ​រាង​កាយ ធ្វើ​ឱ្យ​អ្នក​ស្រស់ស្រាយ និង​ពោរពេញ​ដោយ​ថាមពល៕