ខាងក្រោមនេះ យើងខ្ញុំនឹងបង្ហាញអ្នកពីមុខសញ្ញាមួយចំនួនដែលអាចបង្ហាញអ្នកថា អ្នកអាចបង្កើតមុខរបរដោយខ្លួនឯង។ តើមានអ្វីខ្លះទៅ?
1. នៅពេលដែលអ្នកមានចំណង់ខ្ពស់ នោះមានន័យថា អ្នកអាចបង្កើតមុខរបរបានហើយ ព្រោះចំណង់នេះ អាចនាំអ្នករកគ្រប់មធ្យោបាយដើម្បីសម្រេចមុខរបរបាន។
2. នៅពេលដែលអ្នកជឿជាក់ទៅលើគំនិតរបស់ខ្លួន ដោយមិនព្រោះតែមតិមួយចំនួន ហើយធ្វើឲ្យអ្នកកែប្រែចិត្តឡើយ។ បើអ្នកយល់ថា គំនិតមួយនេះត្រូវ អ្នកគួរតែអនុវត្ត ដោយបញ្ចេញជាសកម្មភាព ទើបអាចជោគជ័យ។
3. នៅពេលដែលអ្នកមានផលិតផល ឬសេវាកម្ម ដែលអាចចូលទីផ្សារបាននឹងគេ នោះអ្នកនឹងអាចឈានជើងចូលទីផ្សារ ដើម្បីបង្កើតមុខរបរខ្លួនហើយ។
4. នៅពេលដែលអ្នកដឹង ឬស្គាល់ច្បាស់ថា នរណាជាដៃគូរបស់អ្នក នោះអ្នកនឹងអាចចាប់ផ្តើមបង្កើតមុខរបរបានហើយ ព្រោះអ្នកមានអ្នកជួយពីក្រោយ ដោយមិនងាយធ្វើឲ្យអ្នកបរាជ័យនោះទេ។
5. នៅពេលដែលអ្នកមានផែនការក្នុងមុខរបរច្បាស់លាស់ អ្នកអាចចាប់ផ្តើមបង្កើតមុខរបរបាន ព្រោះផែនការនោះអាចនាំអ្នកឲ្យជោគជ័យបាន។
6. នៅពេលដែលអ្នករួចរាល់ក្នុងការរៀនបទពិសោធន៍ថ្មី ដោយអាចទទួលយកបទពិសោធន៍គ្រប់បែបយ៉ាង នោះអ្នកនឹងមិនងាយនរាជ័យឡើយ។
7. នៅពេលដែលអ្នកអាចប្រឈមមុខនឹងការបរាជ័យ នោះមានន័យថា អ្នករួចរាល់ក្នុងការបង្កើតមុខរបរហើយ។
8. នៅពេលដែលអ្នកអាចប្រឈមមុខនឹងបញ្ហាគ្រប់យ៉ាង ហើយត្រៀមចិត្តទុកសម្រាប់ដោះស្រាយ នោះអ្នកអាចចាប់ផ្តើមមុខរបរអ្នកបានហើយ។
9. ក្នុងដៃអ្នកក៏គួរតែមានប្រាក់មួយចំនួនដែរ។ ដូចនេះ នៅពេលដែលអ្នកមានប្រាក់ក្នុងដៃ អ្នកគួរតែបង្កើតមុខរបរដើម្បីអនាគតរបស់អ្នក។
10. នៅពេលដែលអ្នកយល់ដឹងច្រើនពីមុខរបររបស់អ្នក ដោយស្វែងយល់ច្រើន អ្នកអាចនឹងទទួលជោគជ័យក្នុងមុខរបរបាន។
11. នៅពេលដែលអ្នកអាចរៀបចំពេលវេលាបានល្អ ក៏ជាមុខសញ្ញាដែលអាចបង្ហាញអ្នកថា អ្នកអាចចាប់ផ្តើមមុខរបរបានហើយ។
12. ចុងក្រោយ នៅពេលដែលអ្នកអាចវាយតម្លៃពីគ្រោះថ្នាក់ដែលអ្នកអាចប្រឈមមុខ នោះអ្នកអាចនឹងបង្កើតមុខរបរបានហើយ ព្រោះអ្នកមិនខ្លាចអ្វីទាំងអស់។ ដូចនេះ បើមានមុខសញ្ញាទាំងនេះ អ្នកអាចចាប់ផ្តើមមុខរបរបាន៕