ចង់បន្ថយកម្តៅក្នុងរាងកាយ ហេតុអ្វីមិនព្យាយាមញ៉ាំអាហារទាំងនេះឲ្យបានច្រើន?

សីតុណ្ហភាពរាងកាយធម្មតារបស់មនុស្សយើងគឺ ៣៦.៣ ទៅ ៣៦.៨អង្សារ ដែលវាអាចប្រែប្រួលពីមនុស្សម្នាក់ទៅមនុស្សម្នាក់ទៀតបាន។ ទោះបីជាយ៉ាងណាក៏ដោយ នៅពេលដែលសីតុណ្ហភាពស្រាប់តែឡើងខ្ពស់ ឬធ្លាក់ចុះភ្លាម វាអាចនាំឲ្យមានបញ្ហាសុខភាពផ្សេងៗបាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តែសម្រាប់រដូវក្តៅនេះ រាងកាយមនុស្សយើងក៏ងាយនឹងឡើងកម្តៅបានដែរ ហើយអាចប្រឈមនឹងជំងឺជាច្រើនទៀត។ ហេតុដូច្នេះហើយ ខ្ញុំសូមណែនាំអាហារមួយចំនួនដែលអាចជួយបញ្ចុះកម្តៅរាងកាយបាន។ 

ក្រូចឆ្មា

ការបញ្ចូលក្រូចឆ្មាក្នុងរបបអាហារអាចជាមធ្យោបាយមួយដើម្បីជួយឲ្យរាងកាយត្រជាក់បាន។ វីតាមីន C ដែលមានក្នុងក្រូចឆ្មាត្រូវបានគេដឹងថា ជារបស់ជួយដល់ការបង្កើនថាមពល និងរក្សាជាតិទឹកក្នុងរាងកាយ។ ដូច្នេះអ្នកអាចលាយជាមួយទឹកហើយញ៉ាំវាតិចៗជាប្រចាំទៅគឺអាចជួយបញ្ចុះកម្តៅរាងកាយបានហើយ។ 

ផ្លែឪឡឹក

រដូវក្តៅនឹងមិនអាចធ្វើអ្វីអ្នកបានឡើយ បើសិនជាអ្នកព្យាយាមញ៉ាំផ្លែឪឡឹកបានគ្រប់គ្រាន់ ព្រោះវាជាផ្លែឈើដែលអាចជួយបន្ថយកម្តៅក្នុងរាងកាយបានយ៉ាងមានប្រសិទ្ធភាព។ ក្រៅពីសម្បូរជាតិទឹក ផ្លែឈើមួយនេះក៏សម្បូរសារធាតុ Lycopene ដែលជួយការពារស្បែកពីការខូចខាតដោយសារតែពន្លឺព្រះអាទិត្យដែឬ។ 

ត្រសក់

ដោយសារតែត្រសក់មានជាតិទឹកខ្ពស់ ដូច្នេះអ្នកអាចប្រើប្រាស់វាដើម្បីបង្គ្រប់ជាតិទឹកក្នុងរាងកាយបាន។ អ្នកអាចបន្ថែមវាក្នុងភេសជ្ជៈញ៉ាំរាល់ដង ឬធ្វើជាសាឡាតញ៉ាំក៏បានដែរ។ បើសិនជាអ្នកយល់ថាភ្នែកអស់កម្លាំង អ្នកអាចចិតត្រសក់ជាចំណិតបិតពីលើភ្នែកក៏បានដែរ។ 

ឆៃថាវ

អ្នកក៏គួរតែបញ្ចូលឆៃថាវទៅក្នុងរបបអាហារអ្នកដែរ ដោយសារតែវាជួយបញ្ចុះកម្តៅរាងកាយ។ ឆៃថាវជាប្រភពដ៏ល្អមួយនៃវីតាមីន C ដែលជាអង់ទីអុកស៊ីដង់មួយប្រភេទអាចបញ្ចុះកម្តៅបាន។ (អាន:ថ្នាំងងុយគេង ពេលអ្នកគួរប្រើ)ក្រៅពីនេះវាមានសមត្ថភាពប្រឆាំងការរលាក ដែលអាចទប់ស្កាត់ភាពក្តៅដោយសារតែស្រ្តេសដែរ។

ទឹកដូង

បើសិនជាអ្នកកំពុងស្ថិតក្នុងរដូវក្តៅ ហើយរាងកាយចេះតែក្តៅជាប់ យកល្អគួរតែរកទឹកដូងញ៉ាំភ្លាមៗទៅ។ ភេសជ្ជៈផ្តល់ភាពស្រស់ស្រាយមួយនេះផ្ទុកទៅដោយជីវជាតិជាច្រើនដែលអាចបង្គ្រប់ការបាត់បង់អេឡិចត្រូលីត្រពីក្នុងខ្លួនបាន។ ក្រៅពីនេះអ្នកក៏អាចញ៉ាំសាច់ដូងបានដែរ៕