សម្រាប់ស្រ្តី ប្រព័ន្ធប្រដាប់បន្តពូជស្រ្តីគឺស្ថិតក្នុងតំបន់អាងត្រគាក។ នេះហើយគឺជាហេតុផលដែលបញ្ជាក់ថា ការឈឺចាប់ក្នុងអាងត្រគាក គឺច្រើនតែជាប់ទាក់ទងនឹងសរីរាង្គប្រដាប់ភេទចៀសជាងអ្វីផ្សេងក្រៅពីនេះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ យកល្អគួរតែកត់សម្គាល់ថា ការឈឺចាប់ក្នុងអាងត្រគាកខ្លះក៏មិនជាប់ទាក់ទងនឹងសរីរាង្គផ្លូវភេទស្រ្តីដែរ ជាក់ស្តែកដូចជាប្រព័ន្ធទឹកម៉ូត្រជាដើម។ ដូច្នេះបើសិនអ្នកជាស្រ្តី និងកំពុងតែមានបញ្ហាឈឺចាប់ក្នុងអាងត្រគាកមែននោះ ខ្ញុំសូមណែនាំអំពីមូលហេតុញឹកញាប់ដែលនាំឲ្យឈឺចាប់បែបនេះ។ 

ឈឺចាប់ក្នុងពេលមករដូវ

តើអ្នកមករដូវមែនទេ? ដូច្នេះកុំបាច់បារម្ភអី ព្រោះវាគឺជារឿងធម្មតាសុទ្ធសាធដែលស្រ្តីច្រើនជាង ៥០ភាគរយមានការឈឺចាប់ក្នុងពេលមករដូវ រយៈពេលមួយទៅពីរថ្ងៃ។ ការឈឺចាប់នេះមានលក្ខណៈដូចជា រមួលៗក្នុងពោះ និងកើតឡើងជាញឹកញាប់នៅពេលជិតមករដូវតែម្តង។ 

ជំងឺរលាកក្នុងអាងត្រគាក

ទម្រងជំងឺកាមរោគខ្លះដូចជា ប្រមេះទឹកបាយ និងទឹកថ្លាអាចបណ្តាលឲ្យមានផលវិបាកធ្ងន់ធ្ងរ ហើយរឿងមួយក្នុងចំណោមនោះគឺជំងឺរលាកក្នុងអាងត្រគាកតែម្តង។ និយាយឲ្យស្រួលស្តាប់ វាគឺជាការបង្ករោគមួយក្នុងស្បូនដែលអាចធ្វើឲ្យខូចខាតដល់ជាលិកាជិតខាងបាន។ អ្វីដែលធ្វើឲ្យជំងឺនេះក្លាយជាជំងឺដ៏ធ្ងន់ធ្ងរនោះគឺថា វាអាចបង្កើនការប្រឈមនឹងស្រ្តីមិនអាចមានកូនបាន ដោយក្នុងនោះមានមួយក្នុងចំណោមស្រ្តីកើតជំងឺនេះ ៨នាក់ទៅហើយ។ 

គ្រួសក្នុងតម្រងនោម

យើងទាំងអស់គ្នាដឹងហើយថា តម្រងនោមមាននាទីច្រោះឈាមឲ្យស្អាតល្អ និងបញ្ចេញចោលនូវជាតិកាលស្យូមដែលលើស។ ជាអកុសល វានឹងផ្តល់ពេលវេលាដល់ជាតិកាលស្យូមនោះប្រមូលផ្តុំគ្នាច្រើនក្នុងតម្រងនោម ឬប្លោកនោមរហូតដល់ក្លាយទៅជាគ្រួសតែម្តង។ វត្តមានគ្រួសក្នុងតម្រងនោម អាចបង្កជាការឈឺចាប់គ្រប់កន្លែងចាប់ពីខ្នងរហូតដល់គ្រលាន អាស្រ័យទោតាមទីតាំងរបស់វាតាំងនៅ។ 

ការបង្ករោគនៅផ្លូវទឹកម៉ូត្រ

ការបង្ករោគប្រភេទនេះត្រូវបានគេឃើញជាញឹកញាប់លើស្រ្តីជាងបុរស ដោយសារតែបង្ហួរនោមខ្លី។ ការបង្ករោគនៅផ្លូវទឹកម៉ូត្រនេះដែរក៏ជាមូលហេតុញឹកញាប់បំផុតមួយនៃការឈឺចាប់ក្នុងអាងត្រគាករបស់ស្រ្តិ។ វាគឺជាការបង្ករោគដោយបាក់តេរី ដោយសារតែការជ្រៀតចូលរបស់បាក់តេរីពីរន្ធគូថទៅទ្វារមាស ឬស្បែក។

ចង្កោមរោគសញ្ញារលាកពោះវៀន

ចង្កោមរោគសញ្ញានេះអាចធ្វើឲ្យមានអាការៈច្រើនដូចជា ហើមពោះ ផោមច្រើន ប្រែប្រួលនូវការបន្ទោបង់ អស់កម្លាំង គេងមិនលក់ និងឈឺចាប់គ្រប់កន្លែងក្នុងពោះ រួមទាំងក្នុងអាងត្រគាកផង។(អាន:ថ្នាំងងុយគេង ពេលអ្នកគួរប្រើ) រឿងនេះច្រើនតែបង្កឡើងដោយអាហារ ដូចជា អាហារសម្បូរខ្លាញ់ គ្រឿងស្រវឹង កាហ្វេ និងភេសជ្ជៈមានជាតិហ្គាសជាដើម៕