ទម្លាប់អាក្រក់ៗដែលធ្វើឲ្យអ្នកក្លាយជាមនុស្សងាយនឹងឈឺបំផុត

មនុស្សយើងភាគច្រើនមិនអាចថែរក្សារាងកាយរបស់យើងបានល្អឡើយ។ អ្នកប្រហែលជាមិនបានដឹងខ្លួនថា ខ្លួនឯងបានធ្វើខុសចំពោហសុខភាពដូចជា គេងមិនគ្រប់ ឬញ៉ាំអាហារច្រើនៗជាដើម។ បើសិនជាង្នកមិនបានសម្គាល់ដឹងរឿងជាច្រើនដែលអ្នកធ្វើ និងអាហារដែលអ្នកញ៉ាំទេ ការប្រឈមនឹងធ្វើឲ្យប្រព័ន្ធភាពស៊ាំថយចុះ នឹងកើនឡើងជាមិនខាន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប្រព័ន្ធភាពស៊ាំរបស់មនុស្សយើងមាននាទីការពារខ្លួនពីមេរោគដែលធ្វើឲ្យមានជំងឺ។ ដូច្នេះបើសិនជាវាចុះខ្សោយហើយ អ្នកពិតជាងាយនឹងកើតជំងឺណាស់។ ដើម្បីការពារខ្លួនពីជំងឺ ខាងក្រោមនេះគឺជាទម្លាប់អាក្រក់មួយចំនួនដែលអ្នកដល់ពេលត្រូវលុបបំបាត់ហើយ ដោយសារតែវាធ្វើឲ្យប្រព័ន្ធភាពស៊ាំចុះខ្សោយ។ 

ជក់បារី

អ្នកគួរតែដឹងហើយថា ការជក់បារី ឬស្រូបផ្សែងបារីពីគេ អាចនាំឲ្យខូចសុខភាពបាន ដោយចាប់ផ្តើមពីការខ្សោយប្រព័ន្ធភាពស៊ាំទៅ។ បើសិនជាអ្នកមិនអាចលះបង់ទម្លាប់នេះបាន អ្នកនឹងកើតជំងឺមហារីកជាច្រើនរួមទាំងមហារីកសួត និងមាត់។ 

ញ៉ាំគ្រឿងស្រវឹងច្រើនៗ

ការញ៉ាំគ្រឿងស្រវឹងច្រើនៗគឺជារឿងអាក្រក់បំផុតសម្រាប់ប្រព័ន្ធភាពស៊ាំ ដោសយារតែវាទៅបំផ្លាញភ្នាក់ងារ ឬហៅថាអង់ទីគ័ររបស់មនុស្សយើង។ កាលណាអង់ទីគ័រនេះស្លាប់ច្រើន វានឹងមិនមានអ្វីការពារខ្លួនពីជំងឺឡើយ។ 

គេងតិចពេក

បើសិនជាអ្នកគេងមិនគ្រប់ ប្រព័ន្ធភាពស៊ាំនឹងមិនអាចស្តារឡើងវិញបាន ហើយក៏ត្រៀមខ្លួនឹងប៉ះពាល់នឹងកត្តាជាច្រើន ព្រមទាំងប្រព័ន្ធភាពស៊ាំចុះខ្សោយខ្លាំងទៀតផង។ ក្រោយមក អ្នកពិតជាងាយនឹងឆ្លងការបង្ករោគដោយបាក់តេរី និងវីរុសណាស់។ អ្នកអាចសម្គាល់ដឹងតាមរយៈការឧស្សាហ៍ឆ្លងជំងឺផ្តាសាយតែម្តង។ 

ស្រ្តេសច្រើនរយៈពេលយូរពេក

ការដែលស្រ្តេសយូរពេកអាចមានឥទ្ធិពលអវិជ្ជមានដល់ប្រព័ន្ធភាពស៊ាំ និងធ្វើឲ្យងាយកើតការបង្ករោគក្នុងខ្លួនបាន។ នៅពេលស្រ្តេសខ្លាំង រាងកាយនឹងផលិតអ័រម៉ូន Cortisol ដែលធ្វើឲ្យប្រព័ន្ធភាពស៊ាំចុះខ្សោយ។ ចុងក្រោយងាយនឹងមានជំងឺណាស់។ 

រស់នៅតែឯង

ភាពឯការពេលខ្លះអាចញៀន។ អ្នកដែលរស់នៅតែងឯែងច្រើនតែមិនអាចចូលក្នុងចំណោមគេចុះ។ បើសិនជាអ្នកមិនអាចមានទំនាក់ទំនងក្នុងសង្គមគ្រប់គ្រាន់ដោយសារតែរវល់ពេក ប្រព័ន្ធភាពស៊ាំក៏នឹងងាយរងការប៉ះពាល់ដែរ។ រឿងនេះមិនត្រឹមតែធ្វើឲ្យឆាប់ឈឺទេ ស្បែកក៏ឆាប់ចាស់ដែរ។ 

មិនបានហាត់ប្រាណ

ការហាត់ប្រាណគឺជាមធ្យោបាយដ៏ល្អបំផុតក្នុងការថែរក្សាសុខភាពរាងកាយ។ ការដែលរស់នៅមិនបានហាត់ប្រាណទេ វានឹងប៉ះពាល់ដល់ប្រព័ន្ធភាពស៊ាំ និងបន្ថយការមានសុខភាពល្អដោយមិនដឹងខ្លួនផង។(អាន:ថ្នាំងងុយគេង ពេលអ្នកគួរប្រើ) អ្នកដែលមិនបានហាត់ប្រានងាយនឹងមានជំងឺយូរជាងអ្នកហាត់ប្រាណ។ 

ញ៉ាំផ្អែមច្រើនពេក

ជាតិផ្អែមអាចបន្ថយសមត្ថភាពរបស់ប្រព័ន្ធភាពស៊ាំក្នុងការប្រយុទ្ធប្រឆាំងនឹងមេរោគ ហើយវាក៏អាចជំនួសវីតាមីន C បានដែរ ដែលអាចបង្កើនមុខងារប្រព័ន្ធភាពស៊ាំ។ ក្នុងរយៈពេលពីរបីនាទីក្រោយពីញ៉ាំជាតិផ្អែមរួច វានឹងបន្ថយមុខងាររបស់ប្រព័ន្ធភាពស៊ាំរហូតដល់ ៤០ភាគរយ៕