គ្រួសក្នុងតម្រងនោមកើតចេញពីសារធាតុគីមីជាច្រើនដែលកកកុញគ្នាគ្រប់គ្រាន់ក្នុងតម្រងនោមបង្កើតបានជាគ្រីស្តាល។(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) គ្រីស្តាលនេះនឹងលូតលាស់ធំទៅៗទើបក្លាយទៅជាគ្រួសក្នុងផ្លូវទឹកម៉ូត្រ។ បើសិនជាគ្រួសនេះស្ទះនៅកន្លែងណាមួយ នោះវានឹងបណ្តាលឲ្យស្ទះលំហូរទឹកនោម និងបង្កជាការឈឺចាប់បាន។ ភាគច្រើនគ្រួសក្នុងតម្រងនោមផ្សំឡើយដោយសារធាតុពីរប្រភេទគឺ Phospohrous ឬ Oxalate។ គ្រួសក៏អាចកើតចេញពីអាស៊ីតអ៊ុយរិកផងដែរ។ ខាងក្រោមនេះខ្ញុំសូមបង្ហាញអំពីវិធីខ្លះៗដែលអាចជួយបង្ការការកើតគ្រួសក្នុងតម្រងនោមបាន៖
ញ៉ាំអាហារសម្បូរជាតិ Oxalate ក្នុងកម្រិតមធ្យម
Oxalate គឺជាសារធាតុធម្មជាតិមួយដែលមានសមត្ថភាពតោងខ្លាំង។ គ្រួសក្នុងតម្រងនោមភាគច្រើនផ្សំឡើងទៅ Calcium Oxalate។ ការបន្ថយការញ៉ាមសារធាតុមួយនេះមិនមែនជារឿងពិបាកទេ ដោយត្រូវចៀសវាង ឬព្យាយាមកាត់បន្ថយ សូកូឡា កាហ្វេ ស្ពៃស្ពីណាច ឬសណ្តែកដី។
បន្ថយការញ៉ាំប្រូតេអ៊ីនសត្វ
ប្រូតេអ៊ីនដែលបានមកពីសាច់បក្សី ស៊ុត សាច់ក្រហម និងអាហារសមុទ្រអាចមានឥទ្ធិពលអវិជ្ជមានចំពោះសុខភាពតម្រងនោមបាន។ វានឹងបង្កើនចំនួនអាស៊ីតអ៊ុយរិក រហូតដល់បង្កើនចំនួន Calcium Oxalate ក្នុងទឹកនោម។ ករណីបែបនេះវានឹងប្រឈមការកើតគ្រួសតម្រងនោមកាន់តែខ្លាំង។
ញ៉ាំទឹកឲ្យបានគ្រប់គ្រាន់
ការញ៉ាំទឹកបន្ថែមនឹងជួយពង្រាវសារធាតុជាច្រើនក្នុងទឹកនោម ដែលនាំឲ្យកើតគ្រួសបាន។ ចូរញ៉ាំទឹកឲ្យបានគ្រប់គ្រាន់យ៉ាងហោចណាស់ ២លីត្រជារៀងរាល់ថ្ងៃ។ ភេសជ្ជៈជូរៗមួយចំនួនដូចជា ទឹកក្រូចច្របាច់ ផ្ទុកទៅដោយសារធាតុ Citrate ដែលអាចទប់ស្កាត់ការកើតគ្រួសក្នុងតម្រងនោមបាន។
ញ៉ាំកាលស្យូមឲ្យគ្រប់គ្រាន់
ការដែលទទួលបានជាតិកាលស្យូមពីរបបអាហារតិច អាចបណ្តាលឲ្យចំនួន Oxalate ក្នុងឈាមកើនឡើង និងបង្កជាគ្រួសក្នុងតម្រងនោមដែរ។ ដើម្បីបង្ការ ចូរប្រាកដថា អ្នកទទួលបានជាតិកាលស្យូមគ្រប់គ្រាន់ហើយ។ បុរសអាយុចាប់ពី ៥០ឆ្នាំឡើង គួរតែញ៉ាំជាតិកាលស្យូម ១០០០មីលីក្រាមក្នុងមួយថ្ងៃ ជាមួយគ្នានឹងវីតាមីន D ៨០០ ទៅ ១០០០ IU ដើម្បីជួយរាងកាយបឺតស្រូបជាតិកាលស្យូម។
គ្រប់គ្រងទម្ងន់ឲ្យបាន
មនុស្សធាត់ៗ ជាពិសេសស្រ្តីគឺប្រឈមនឹងការកើតគ្រួសក្នុងតម្រងនោមណាស់។ ហេតុផលនោះគឺវាទាក់ទងនឹងអាស៊ីតអ៊ុយរិក។ កាលណាអាស៊ីតអ៊ុយរិកច្រើនអាចនាំឲ្យកើតជាគ្រីស្តាលក្នុងតម្រងនោមដែរ។
បន្ថយការញ៉ាំប្រៃ
របបអាហារដែលមានជាតិប្រៃឬសូដ្យូមខ្ពស់អាចធ្វើឲ្យកើតគ្រួសក្នុងតម្រងនោមបាន។ នេះដោយសារតែវាទៅបង្កើនចំនួនជាតិកាលស្យូមក្នុងទឹកនោម។ ដូច្នេះហើយទើបអ្នកដែលប្រឈមខ្ពស់នឹងជំងឺគ្រួសក្នុងតម្រងនោម គេឲ្យញ៉ាំសាប។ យ៉ាងណាមិញ គួរតែញ៉ាំជាតិប្រៃ ឬសូដ្យូមត្រឹម ២៣០០មីលីក្រាមក្នុងមួយថ្ងៃបានហើយ។
កុំសម្ងំក្នុងបន្ទប់សូណាច្រើនពេក
ការបែកញើសមានប្រយោជន៍ចំពោះសុខភាព ដោយសារតែវាជួយសម្អាតស្បែក ច្រោះជាតិពុល និងផ្តល់នូវអ័រម៉ូនសប្បាយចិត្ត។(អាន:ថ្នាំងងុយគេង ពេលអ្នកគួរប្រើ) ការនៅក្នុងបន្ទប់សូណាដើម្បីបែកញើសក៏អាចបង្ការជំងឺផ្តាសាយបានដែរ។ ទោះបីជាយ៉ាងណាក៏ដោយ ការបែកញើសបែបនេះក៏អាចជួយបង្ការគ្រួសក្នុងតម្រងនោមបានដែរ៕