ខាងក្រោមនេះ Health.com.kh យើងខ្ញុំនឹងបង្ហាញអ្នកពីផ្លែឈើដែលអ្នកម្តាយគួរតែពិសារ ដើម្បីទទួលបានកូនដែលឆ្លាត ហើយស្អាត។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- នៅក្នុងផ្លែស្រការនាគមានផ្ទុកសារធាតុចិញ្ចឹមយ៉ាងខ្ពស់ ដោយអាចជួយអ្នកមិនឲ្យទល់លាមក ថែមទាំងអាចការពារអ្នកមិនឲ្យខ្វះឈាមទៀតផង។ ដូចនេះ អ្នកម្តាយដែលមានផ្ទៃពោះអាចពិសារបាន ព្រោះអាចជួយការពារស្បែកអ្នកពីពន្លឺព្រះអាទិត្យបាន។
- ផ្លែគីវី ជាផ្លែឈើដែលអាចជួយអ្នកមិនឲ្យឆាប់ឆេវឆាវ ថែមទាំងអាចជួយអ្នកឲ្យគេងលក់ស្រួល។ ដូចនេះ អ្នកម្តាយដែលមានផ្ទៃពោះ គួរតែបរិភោគ។ ប៉ុន្តែអ្នកម្តាយដែលផ្តាសាយ រលាកក្រពះ ឬរាករូស មិនគួរបរិភោគឡើយ។
- ទំពាំងបាយជូរ អ្នកម្តាយគួរតែញ៉ាំ ព្រោះអាចជួយបង្កើនប្រព័ន្ធការពាររាងកាយ ថែមទាំងអាចជួយឲ្យកូនក្នុងផ្ទៃមានសុខភាពល្អទៀតផង។ ប៉ុន្តែអ្នកម្តាយដែលមានជំងឺទឹកនោមផ្អែម មិនគួរបរិភោគច្រើនឡើយ។
- ផ្លែចេក អ្នកគួរតែពិសារ ព្រោះអាចជួយខួរក្បាលកូន ថែមទាំងអាចជួយអ្នកបំបាត់អារម្មណ៍នឿយហត់បានទៀតផង។ ប៉ុន្តែមិនគួរញ៉ាំច្រើនឡើយ ព្រោះក្នុងនោះមានផ្ទុកជាតិស្ករខ្ពស់។
- ក្នុងផ្លែប៉ោម មានផ្ទុកវីតាមីនច្រើន ដោយអាចធ្វើឲ្យអ្នកម្តាយ និងទារកក្នុងផ្ទៃស្អាតបាន។ ប៉ុន្តែអ្នកមិនគួរញ៉ាំម្តងច្រើនផ្លែឡើយ ព្រោះក្នុងនោះមានផ្ទុកជាតិស្ករខ្ពស់ដូចគ្នា។
- ផ្លែត្របែក អាចជួយអ្នកម្តាយឲ្យពិសារបាយបាន ដោយទប់មិនឲ្យអ្នកម្តាយក្អួតច្រើនឡើយ។ ជាពិសេស អាចជួយបង្កើនប្រាជ្ញាកូនក្នុងផ្ទៃទៀតផង។
- ផ្លែស្ត្រប៊ឺរី អាចជួយឲ្យក្រពះ និងពោះវៀនដំណើរការល្អ ថែមទាំងអាចធ្វើឲ្យក្រពះអ្នករំលាយអាហារបានល្អទៀតផង។ ជាពិសេស អាចជួយឲ្យកូនក្នុងផ្ទៃលូតលាស់បានល្អផងដែរ។ ដូចនេះ អ្នកម្តាយអាចបរិភោគបាន៕(អាន:ថ្នាំងងុយគេង ពេលអ្នកគួរប្រើ)