ងាយៗ! ចង់ស្រកទម្ងន់ កុំភ្លេចអាហារទាំងនេះ

អាហារត្រឹមត្រូវអាចជួយអោយអ្នកស្រកទម្ងន់បានឆាប់រហ័សដោយមិនបង្កផលប៉ះពាល់ផ្សេងទៀតចំពោះសុខភាព ខណៈដែលអ្នកទទួលទានកាន់តែច្រើន។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ថាតើអាហារអ្វីខ្លះទៅដែលល្អសម្រាប់ទទួលទានកំឡុងពេលសម្រកទម្ងន់? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីអាហារដែលអាចជួយសម្រកទម្ងន់ដែលលើសបានយ៉ាងប្រសើរ ដោយជម្រុញការដុតបំផ្លាញកាឡូរី និងកាត់បន្ថយភាពឃ្លានរបស់អ្នក ៖

១. គ្រាប់ធញ្ញជាតិ

ជាប្រភពដ៏ប្រសើរនៃជាតិខ្លាញ់សុខភាពល្អ, ជាតិសសៃ ព្រមទាំងអាស៊ីតខ្លាញ់អូមេហ្គា ៣ ខ្ពស់ដែលជួយក្នុងការសម្រកទម្ងន់បានយ៉ាងប្រសើរ។ វាជួយទប់ស្កាត់ចំណង់អាហារ និងជួយអោយឆ្អែតបានយូរ។ ដូច្នេះកុំភ្លេចបន្ថែមគ្រាប់ធញ្ញជាតិមួយក្ដាប់ដៃពេញក្នុងរបបអាហារប្រចាំថ្ងៃរបស់អ្នក។

២. ផ្លែបឺរ

មានផ្ទុកសម្បូរទៅដោយជាតិខ្លាញ់សុខភាពល្អ monounsaturated, ប្រូតេអ៊ីន,​​​ ជាតិសសៃ និងសារធាតុចិញ្ចឹមដែលផ្ដល់អត្ថប្រយោជន៍ចាំបាច់ជាច្រើន ជាពិសេសកំឡុងពេលអ្នកព្យាយាមសម្រកទម្ងន់។ ផ្លែបឺរ ក៏ជាប្រភពនៃអាស៊ីតខ្លាញ់ oleic ដែលជួយធ្វើអោយអ្នកឆាប់ឆ្អែត និងបានយូរផងដែរ។

៣. ផ្កាខាត់ណាខៀវ

ក្រៅពីលក្ខណៈសម្បត្តិទប់ស្កាត់ជំងឺមហារីក ផ្កាខាត់ណាខៀវក៏ប្រសើរជួយក្នុងការសម្រកទម្ងន់ផងដែរតាមរយៈជាតិសសៃខ្ពស់ ប៉ុន្តែកាឡូរីទាបដែលវាមានផ្ទុក។

៤. ត្រីសាលម៉ុន

ជាប្រភពដ៏ល្អបំផុតមួយនៃអាស៊ីតខ្លាញ់អូមេហ្គា ៣, ប្រូតេអ៊ីន, សារធាតុ astaxanthin និងសារធាតុប្រឆាំងអុកស៊ីតកម្មដែលជួយអោយស្រកទម្ងន់បានឆាប់ និងធ្វើអោយអ្នកមានអារម្មណ៍ឆ្អែតដោយមិនបន្ថែមជាតិខ្លាញ់។

៥. ស៊ុត

មានផ្ទុកសម្បូរទៅដោយជាតិខ្លាញ់គុណភាពខ្ពស់ និងសារធាតុចិញ្ចឹមប្រូតេអ៊ីនដែលជួយអោយអ្នកស្រកទម្ងន់បានឆាប់តាមរយៈការកាត់បន្ថយចំណង់អាហារ។

៦. តែបៃតង

ជាប្រភពដ៏ប្រសើរនៃវីតាមីន A, B, B5, D, C, E, H និង K ព្រមទាំងម៉ង់កាណែស និងជាតិរ៉ែដទៃទៀត រួមបញ្ចូលទាំង chromium, ជាតិស័ង្កសី និងសេលេញ៉ូម ព្រមជាមួយសារធាតុប្រឆាំងអុកស៊ីតកម្មដែលជួយដុតបំផ្លាញជាតិខ្លាញ់ និងកាឡូរីបានឆាប់។ ការទទួលទានតែបៃតង ៥ ពែងក្នុងមួយថ្ងៃអាចជួយអោយអ្នកស្រកទម្ងន់បានច្រើនជាងធម្មតាទ្វេដង៕