ស្រ្តីភាគច្រើនមានអារម្មណ៍ភ្ញាក់ផ្អើលនៅពេលដឹងថា ខ្លួនឯងមានផ្ទៃពោះ ប៉ុន្តែក្រោយពីមានផ្ទៃពោះបានប៉ុន្មានសប្តាហ៍មក ភាពរីករាយរបស់ពួកគេអាចស្រាកស្រាន្តទៅវិញដោយសារតែការចាញ់កូនកើតឡើងស្ទើរតែគ្រប់ពេល ដែលរឿងនេះកើតឡើងប្រហែល ៧០ភាគរយឯណោះចំពោះស្រ្តីមានផ្ទៃពោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ជាធម្មតា ការចាញ់កូនកើតឡើងក្នុងសប្តាហ៍ទី ៦ ឬទី៧នៃការមានផ្ទៃពោះ និងខ្លាំងបំផុតក្នុងសប្តាហ៍ទី ៨ និងទី ៩។ ហេតុដូច្នេះហើយទើបខ្ញុំសូមណែនាំវិធីបំបាត់អាការៈចាញ់កូនមួយចំនួនដូចខាងក្រោមនេះ៖
ញ៉ាំតែខ្ញី
តែខ្ញីត្រូវបានគេស្គាល់ថា មានប្រសិទ្ធភាពប្រឆាំងនឹងការរលាក ដែលអាចបន្ថយការរលាកដែលកំពុងតែធ្វើឲ្យចង្អោបាន។ ដូច្នេះចូររៀបចំតែខ្ញីខ្លះញ៉ាំទៅបើសិនជាអ្នកដឹងថានឹងជិតដល់ពេលចាញ់ទៀតហើយ។
ជីអង្កាម
ការស្រង់ក្លិនស្រស់ស្រាយអាចជួយបង្ការមិនឲ្យក្អួតបាន។ ជីអង្កាមអាចជួយបំបាត់ការចង្អោដែលអ្នកកំពុងតែមានបាន ដូច្នេះអ្នកប្រហែលជាគួរយកស្លឹកជីអង្កាមខ្លះតាមខ្លួនហើយ។
ញ៉ាំទឹកឲ្យបានច្រើន
សម្រាប់ស្រ្តីមានផ្ទៃពោះ ដែលត្រូវការដោះស្រាយជាមួយនឹងការចាញ់កូន អ្នកត្រូវតែប្រាកដថា ខ្លួនឯងញ៉ាំទឹកបានគ្រប់គ្រាន់ដើម្បីជំនួសវិញនូវទឹកដែលបានបាត់បង់។ អ្នកអាចរៀបចំការញ៉ាំការទឹកកកដុំៗធ្វើផ្លែឪឡឹកដើម្បីជំនួសការញ៉ាំទឹកក៏បាន។ រឿងនេះមិនត្រឹមតែជួយធ្វើឲ្យរាងកាយធូរស្រាលទេ តែក៏ជួយកុំឲ្យក្អួតដែរ។
ការហាត់ប្រាណ
ការហាត់ប្រាណប្រហែលជារឿងចុងក្រោយដែលអ្នកត្រូវគិត ប៉ុន្តែវាពិតជាជួយបន្ថយឥទ្ធិពលនៃការចាញ់កូនដែរ។ (អាន:ថ្នាំងងុយគេង ពេលអ្នកគួរប្រើ)រឿងនេះមិនមែនមានន័យថា អ្នកគួរតែហាត់ប្រាណខ្លាំងក្លាឡើយ តែត្រូវធ្វើតិចៗដូចជា ការដើរ ឬហែលទឹក ដើម្បីរាងកាយបញ្ចេញអ័រម៉ូនសប្បាយចិត្តក្នុងការទប់ស្កាត់ការចាញ់កូន៕