ទឹកផ្លែឈើគឺជាវិធីសាស្រ្តដ៏ល្អបំផុតមួយសម្រាប់ជួយការសម្រកទម្ងន់ទទួលបានជោគជ័យ។ មានទឹកផ្លែឈើ និងបន្លែច្រើនណាស់ដែលអ្នកអាចបញ្ចូលទៅក្នុងរបបអាហារ ហើយអាចបំបាត់ការឡើងទម្ងន់បានទៀត។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

ទឹកការ៉ុត

ការ៉ុតផ្ទុកទៅដោយស្រទាប់សេឡុលុសដ៏ក្រាសដែលអាចការពាររាងកាយពីការបឺតស្រូបចំណីអាហារពេញលេញ និងមិនឲ្យរំលាយជាតិរ៉ែ និងវីតាមីនក្នុងបន្លែនេះទេ។ នៅពេលអ្នកកិនជាទឹកការ៉ុត ជញ្ជាំងកោសិការបស់រុក្ខជាតិមួយនេះនឹងត្រូវបំបែក។ ថ្វីបើការធ្វើទឹកញ៉ាំផ្តល់ជីវជាតិច្រើនជាងញ៉ាំការ៉ុតឆៅក៏ដោយ ក៏វានៅតែមានកាឡូរី និងជាតិខ្លាញ់ទាបដែរ។ វាក៏មានជាតិរ៉ែ និងវីតាមីនខ្ពស់ដែលធ្វើឲ្យទឹកការ៉ុតនោះមានផលកាន់តែល្អក្នុងការសម្រកទម្ងន់។ 

ទឹកត្រសក់

នៅពេលអ្នកកិនទឹកត្រសក់ស្រស់ៗ វានឹងផ្តល់នូវជាតិសរសៃ ដែលធ្វើឲ្យភេសជ្ជៈមួយនេះកាន់តែមានជីវជាតិ។ ត្រសក់គឺជាបន្លែដែលផ្តល់ភាពស្រស់ស្រាយ និងជាតិទឹកច្រើន។ វាក៏ត្រូវបានគេធ្វើជាភេសជ្ជៈដើម្បីជំនួយដល់ការសម្រកទម្ងន់ផងដែរ។ 

ទឹកខ្ញី

ខ្ញីគឺជារបស់ដ៏ល្អមួយសម្រាប់ការសម្រកទម្ងន់ ព្រោះតែសមាសធាតុរបស់វាអាចរំលាយជាតិខ្លាញ់បាន។ ទឹកខ្ញីដើរតួនាទីជាសារធាតុទប់ស្កាត់ចំណង់នៃការឃ្លានអាហារបែបធម្មជាតិបានយ៉ាងល្អ។ 

ទឹកក្រូចឆ្មា

ខណៈពេលដែលមានអត្ថប្រយោជន៍នៃការសម្រកទម្ងន់មួយចំនួនរបស់ក្រូចឆ្មានៅពេលលាយជាមួយស្ករបន្តិចនោះ វាក៏មិនមានការសិក្សាណាមួយគ្រប់គ្រាន់សម្រាប់គាំទ្រគំនិតមួយនេះដែរ។ ប៉ុន្តែទឹកក្រូចឆ្មាផ្តល់អត្ថប្រយោជន៍ផ្សេងៗទៀតដែលអាចនឹងមានប្រយោជន៍នៅពេលអ្នកកំពុងតែព្យាយាមសម្រកទម្ងន់។ អ្នកអាចបន្ថែមទឹកឃ្មុំបន្តិចទៅក្នុងទឹកក្រូចឆ្មានោះដើម្បីញ៉ាំពេលព្រឹក ជាពិសេសពេលពោះទទេ។ 

ទឹកផ្លែឪឡឹក

ផ្លែឪឡឹកគឺជាផ្លែឈើដែលមិនមានតម្លៃថ្លៃ តែអាចជួយដល់ការសម្រកទម្ងន់ និងលាងសម្អាតរាងកាយបានយ៉ាងល្អ។ (អាន:ថ្នាំងងុយគេង ពេលអ្នកគួរប្រើ)គ្រាន់តែញ៉ាំទឹកផ្លែឪឡឹកមួយពេកទទួលបាន ៤៧កាឡូរីប៉ុណ្ណោះ។ ផ្លែឪឡឹកមានជាតិទឹក ៩២ភាគរយ និង៨ភាគរយទៀតគឺជាជីវជាតិផ្តល់សុខភាព និងអត្ថប្រយោជន៍ដល់សុខភាពផ្សេងៗទៀត។ វាមានជាតិសរសៃខ្ពស់ ដែលជួយថែរក្សាសុខភាពពោះវៀនធំ និងលាងសម្អាតជាតិពុលក្នុងខ្លួនដែរ៕