កសិដ្ឋានមួយចិញ្ចឹមកន្លាតបី ពាន់លានក្បាល នៅខេត្តសានតុង ប្រទេសចិន ក្នុងមួយថ្ងៃអាច ប្រើប្រាស់ ១៥តោន អាហារសំណល់ពីបណ្តា ភោជនីយដ្ឋាន តែសត្វកន្លាតពីទីនេះត្រូវបានផ្គត់ផ្គង់ ឱ្យភោជនីយដ្ឋានជាច្រើន នៅប្រទេសចិនត្រឡប់ទៅវិញ ។
កសិដ្ឋានចិញ្ចឹមកន្លាតខាងលើ គ្រាន់តែជាកសិដ្ឋានមួយក្នុងចំណោមកសិដ្ឋានជាច្រើនដែលចិញ្ចឹម កន្លាតរាប់ពាន់លានក្បាលនៅប្រទេសនេះ ។ បណ្តាភោជនីយដ្ឋានលក់សត្វកន្លាតកំពុងរីកឡើង នៅពាសពេញប្រទេស ចិន។កន្លាតត្រូវបានកែច្នៃជាម្ហូបច្រើនមុខ ក្នុងនោះរួមមានទាំង sushi កន្លាត ។
ការចិញ្ចឹមនិងប្រើប្រាស់ កន្លាត ត្រូវបានវាយតម្លៃនាំមកនូវផល ប្រយោជន៍ច្រើន ។ កន្លាតអាច ស៊ីអាហារសំណល់ក្នុងបរិមាណដ៏ធំ ក្រៅពីនេះ សត្វកន្លាតត្រូវបានចាត់ទុកជាប្រភពអាហារ សត្វល្អិតក្នុងអនាគតជួយដោះ ស្រាយបញ្ហាខ្វះស្បៀងអាហារ ។
តាំងពីយូរមកហើយ កន្លាត ត្រូវបានវេជ្ជសាស្ត្របុរាណចិនប្រើប្រាស់ ធ្វើថ្នាំព្យាបាលជំងឺ ។
កន្លាតត្រូវបានចាត់ទុកមាន ប្រភពប្រូតេអ៊ីនដ៏សម្បូរ ។ ប្រូតេអ៊ីនក្នុង កន្លាតខ្ពស់ជាងពី ២០ ទៅ ៣០ភាគរយ ប្រៀបនឹងសាច់គោ និងសាច់មាន់ ។
ពួកអ្នកវិទ្យាសាស្ត្ររកឃើញ ថា ទឹកដោះពីសត្វកន្លាតស្លាបរឹង ប៉ាស៊ីហ្វិក (Diploptera Punctata) ពូជ កន្លាតតែមួយគត់ដែលបង្កើតកូន, មាន បរិមាណជីវជាតិខ្ពស់ជាងបួនដង លើស ទឹកដោះគោនិងសម្បូរកាឡូរីបំផុត ៕
ប្រភព៖ rasmeinews.com
