ការកេះអាចម៌ច្រមុះលេងគឺជាទម្លាប់មិនល្អមួយ ប៉ុន្តែទម្លាប់មួយនេះត្រូវបានគេរកឃើញថា មានមនុស្សធ្វើច្រើនណាស់រហូតដល់ ៧៥ភាគរយឯណោះ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ ការកេះអាចម៌ច្រមុះលឿនអាចបំបាត់ការមិនស្រួលក្នុងច្រមុះបាន ប៉ុន្តែបើសិនជាការកេះអាចម៌ច្រមុះដើម្បីបំបាត់អារម្មណ៍ធុញទ្រាន់ ឬដោយសារតែភ័យខ្លាច វាអាចនឹងបង្កជាបញ្ហាដល់សុខភាពបាន។

ការកេះអាចម៌ច្រមុះទំនងជាមិនធ្វើឲ្យមានបញ្ហាអ្វីធ្ងន់ធ្ងរទេ។ យ៉ាងណាមិញ ផលវិបាកខាងក្រោមនេះនឹងកើតឡើងជាពិសេសសម្រាប់អ្នកអ្នកដែលមានជំងឺស្រាប់ ឬប្រព័ន្ធភាពស៊ាំចុះខ្សោយ ខណៈពេលដែលចូលចិត្តកេះអាចម៌ច្រមុះលេង៖

  • ការបង្ករោគ៖ នេះដោយសារតែក្រចកដៃអ្នកងាយនឹងធ្វើឲ្យដាច់ដោចក្នុងច្រមុះ ដែលជាហេតុនាំឲ្យបាក់តេរីងាយបង្ករោគធ្ងន់ធ្ងរបាន ជាពិសេសពពួក Staphylococcus Aureus តែម្តង
  • ការាលដាលរបស់ជំងឺ៖ សម្បោរនឹងចាប់ធូលីដី បាក់តេរី និងវីរុសដែលអ្នកស្រូបចូលតាមច្រមុះរាល់ថ្ងៃ។ តែអ្នកអាចចែករំលែកមេរោគទាំងនោះទៅអ្នកដទៃបានបើសិនជាអ្នកកេះអាចម៌ច្រមុះ ហើយយកទៅប៉ះពាល់អ្នកដទៃបាន។ 
  • ខូចខាតដល់ប្រហោងច្រមុះ៖ ការដែលឧស្សាហ៍កេះអាចម៌ច្រមុះអាចធ្វើឲ្យខូចខាតដល់ប្រហោងក្នុងច្រមុះបាន។ ការសិក្សាមួយបានរកឃើញថា អ្នកដែលមានបញ្ហាកេះអាចម៌ច្រមុះពេលភ័យប្រហែលជាធ្លាប់មានអាការៈហើម និងរលាកជាលិកាក្នុងច្រមុះ។ ករណីបែបនេះយូរៗទៅ នឹងធ្វើឲ្យប្រហោងច្រមុះកាន់តែរួមតូចៗទៅបាន។
  • ឈាមច្រមុះ៖ ការកេះ និងអេសក្នុងប្រហោងច្រមុះប្រហែលជាធ្វើឲ្យរហែក ឬដាច់ដោចដល់សរសៃឈាម រហូតដល់ហូរឈាមបាន។ 
  • ដំបៅ៖ ការរលាកប្រហោងច្រមុះច្រើនតែកើតឡើងដោយសារតែការបង្ករោគតិចតួចជាមួយនឹងមេរោគ Staphylococcus។ រឿងនេះនឹងធ្វើឲ្យកើតជាដំបៅដែលឈឺចាប់ខ្លាំងបាន។ រឿងនេះច្រើនតែកើតឡើងដោយសារតែអ្នកឧស្សាហ៍កេះអាចម៌ច្រមុះពេក។ (អាន:ថ្នាំងងុយគេង ពេលអ្នកគួរប្រើ)
  • ខូចឆ្អឹងខ្ចីនៅក្នុងច្រមុះ៖ ឆ្អឹងខ្ចីដែលខណ្ឌចែកប្រហោងច្រមុះជាពីរងាយនឹងខូចខាតណាស់ បើសិនជាអ្នកឧស្សាហ៍យកដៃខ្វេះក្នុងប្រហោងច្រមុះមិនចេះឈប់សោះនោះ៕