សរសៃឈាមអាក់ទែមាននាទីសំខាន់ណាស់ក្នុងការដឹកអញ្ជូនឈាមសម្បូរអុកស៊ីសែន ព្រមទាំងជីវជាតិសំខាន់ៗចេញពីបេះដូង ទៅកាន់គ្រប់កន្លែងទាំងអស់នៃរាងកាយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)នៅពេលសរសៃឈាមមួយនេះមានកំណកស្ទះ មនុស្សយើងនឹងប្រឈមកាន់តែខ្ពស់នឹងការលើសសម្ពាធឈាម ដាច់សរសៃឈាមខួរក្បាល និងគាំងបេះដូង។ សំណាងដែរ យើងអាចជួយសរសៃឈាមអាក់ទែឲ្យមានសុខភាពល្អបានជាមួយនឹងការជ្រើសរើសរបបអាហារដែលជួយសម្អាតដល់សរសៃឈាមនេះ។ 

ផ្លែឈើរី

ផ្លែឈើរីជាផ្លែឈើមួយប្រភេទដែលផ្ទុកទៅដោយសារធាតុច្រើនជាង ១៧ប្រភេទ សម្រាប់ជួយការពារសរសៃឈាមអាក់ទែពីការកើតកំណកឈាម។ សារធាតុមួយឈ្មោះថា Anthocyanins ដែលមានក្នុងផ្លែឈើមួយនេះមាននាទីជួយបំពាក់ពណ៌ក្រហម។ ក្រៅពីនេះវាមានអង់ទីអុកស៊ីដង់ច្រើនដែលល្អបំផុតសម្រាប់ជួយឲ្យសរសៃឈាមមានសុខភាពល្អ។ 

ផ្លែប៉ោម

ផ្លែប៉ោមមានសារធាតុ Pectin ដែលជាជាតិសរសៃរលាយ អាចជួយបន្ថយកម្រិតកូឡេស្តេរ៉ុលក្នុងឈាមបាន។ ផ្លែប៉ោមក៏មានសារធាតុ Quercetin ជាមួយគ្នានឹងជាតិម៉ាញ៉េស្យូម ព្រមទាំងប៉ូតាស្យូម សម្រាប់ជួយសម្រួលដល់សម្ពាធឈាម។ ដូច្នេះការញ៉ាំផ្លែប៉ោមពីរផ្លែក្នុងមួយថ្ងៃអាចជួយការពារភាពរឹងក្រិនរបស់សរសៃឈាមអាក់ទែបានហើយ។ 

ប្រេងអូលីវ

ប្រេងអូលីវផ្ទុកទៅដោយជាតិខ្លាញ់ Monounsaturated Fats ដែលល្អចំពោះសុខភាព។ ខ្លាញ់ប្រភេទនេះអាចជួយឲ្យសរសៃឈាមអាក់ទែមានសុខភាពល្អបាន។ អ្នកអាចជ្រើសរើសយកប្រេងនេះដើម្បីធ្វើម្ហូបទទួលទានបាន។ 

ត្រី

ត្រីសាលម៉ុង និងធូណា ច្រើនតែត្រូវបានគេណែនាំថា ជាត្រីផ្តល់សុខភាពដោយសារតែវាផ្ទុកទៅដោយអាស៊ីតខ្លាញ់អូមេហ្គាបី។(អាន:ថ្នាំងងុយគេង ពេលអ្នកគួរប្រើ) មនុស្សយើងភាគច្រើនដឹងហើយថា អាស៊ីតខ្លាញ់ប្រភេទនេះសំខាន់សម្រាប់សុខភាពខួរក្បាល ប៉ុន្តែវាក៏ល្អសម្រាប់ជួួយឲ្យបេះដូងមានសុខភាពដែរ។ ការញ៉ាំត្រី អាចជួយទប់ស្កាត់ការរលាកក្នុងរាងកាយ ហើយក៏មិនឲ្យសរសៃឈាមអាក់ទែស្ទះទៀតដែរ៕