ការគេងស្រមុកអាចកើតឡើងដោយសារតែហេតុផលជាច្រើន ជាពិសេសមនុស្សធាត់ជ្រុលតែម្តង។ យ៉ាងណាមិញ ការគេងស្រមុកនេះដែរ ក៏បណ្តាលមកពីការវៀចខ្ទង់ច្រមុះ ក្រពេញអាមីដាសរីកធំផងដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អ្វីដែលគេរកឃើញច្រើននោះគឺថា ការគេងស្រមុកច្រើនតែធ្វើឲ្យគេងរហូតដល់បាត់ដង្ហើមទៀតក៏មានដែរ។ ទោះបីជាយ៉ាងណាក៏ដោយ ការគេងស្រមុកអាចមានផលវិបាករបស់វាច្រើនណាស់ដូចជា៖

ជំងឺបេះដូង

នេះដោយសារតែការគេងស្រមុកធ្វើឲ្យគេងបាត់ដង្ហើម ហើយក៏ធ្វើឲ្យសម្ពាធឈាមឡើងខ្ពស់ ព្រមទាំងកកស្ទះក្នុងសរសៃឈាមទៀត។ ការដែលមានជំងឺបេះដូងអាចធ្វើឲ្យប្រឈមកាន់តែខ្ពស់ទៀតនឹងជំងឺគាំងបេះដូង។ 

ដាច់សរសៃឈាមខួរក្បាល

តាមការសិក្សាបានរកឃើញថា បើសិនជាគាត់គេងស្រមុករហូតដល់បាត់ដង្ហើម អាចធ្វើឲ្យសរសៃឈាម Carotid នៅករ ដែលមាននាទីផ្គត់ផ្គង់ឈាមសម្បូរអុកស៊ីសែននៅក្បាល។ កាលណា ស្រមុកកាន់តែខ្លាំង សរសៃឈាមនេះរួមតូចក៏កាន់តែខ្លាំងដែរ ដែលជាហេតុនាំឲ្យកង្វះឈាមផ្គតផ្គង់ខួរក្បាល រហូតដល់មានជំងឺដាច់សរសៃឈាមខួរក្បាលតែម្តង។ 

ឡើងទម្ងន់

កត្តាប្រឈមមុខមួយនៃការគេងបាត់ដង្ហើម គឺការឡើងទម្ងន់ខ្លាំង។ វាគឺជាហេតុផលដ៏ពិតប្រាកដមួយដែលថា ឲ្យតែអ្នកធាត់ៗ គឺប្រឈមខ្ពស់នឹងការគេងបាត់ដង្ហើម និងមានផលវិបាកច្រើនៗទៀតនៃការគេង។ ដូច្នេះហើយទើបធ្វើឲ្យគាត់ភ្ញាក់ពីគេងមកឃ្លានញ៉ាំច្រើនៗ។ 

ច្រាលទឹកអាស៊ីតក្រពះទៅបំពង់ករ

ការច្រាលទឹកអាស៊ីតក្រពះទៅបំពង់ករនេះ ច្រើនតែកើតឡើងលើស្រ្តីមានផ្ទៃពោះ ឬអ្នកធាត់ជ្រុល។ តែវាក៏កើតឡើងទៅលើអ្នកគេងបាត់ដង្ហើមដែរ។ (អាន:ថ្នាំងងុយគេង ពេលអ្នកគួរប្រើ)តាមពិតទៅ មនុស្សជាច្រើនដែលត្រូវបានកំណត់រោគវិនិច្ឆ័យថាមានបញ្ហាគេងបាត់ដង្ហើមក៏មានបញ្ហាច្រាលទឹកអាស៊ីតពីក្រពះដែរ ដោយសារតែមានការប្រែប្រួលសម្ពាធច្រើននៅពេលគេស្រមុកម្តងៗ៕