បើសិនជាកូនអ្នកកំពុងតែឆ្លាក់ ឬខក់ អ្នកត្រូវតែសម្រួលអារម្មណ៍ និងព្យាយាមជួយគេឲ្យបានលឿន។ វាមិនមែនជារឿងគួរឲ្យខ្លាចឬពិបាកឡើយ តែអ្នកត្រូវស្វែងយល់ថាតើហេតុអ្វីបានជាកូនឆ្លាក់ឬខក់ និងដឹងថាគួរជួយគេដោយរបៀបណា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មុននឹងជួយកូន យកល្អគួរតែពិនិត្យមើលថាតើគេឆ្លាក់ ឬខក់ដោយសារអ្វី ដូចជា៖
- តើអ្នកអាចមើលឃើញអ្វីដែលស្ទះក្នុងបំពង់ករគេ? ចូរសួរខ្លួនឯងមើលថា គេមានលេងអ្វីដាក់ចូលមាត់ដែរទេ
- តើគាត់អាចមានប្រតិកម្មអាឡែហ្ស៊ីនឹងអ្វីទេ? បើសិនជាកូនមានប្រតិកម្មអាឡែហ្ស៊ី គេប្រហែលជាឆ្លាក់ ឬខក់ដោយសារតែរបស់នោះប៉ះពាល់គាត់ហើយ។ បើសិនជាអ៊ីចឹងមែន វាអាចនឹងមានប្រតិកម្មធ្ងន់ធ្ងរបាន
- តើគាត់មានជំងឺបេះដូងឬអត់?ការខក់ ឬឆ្លាក់អាចជាសញ្ញានៃការខ្សោយបេះដូង ជាពិសេសក្មេងដែលមានជំងឺបេះដូងពីកំណើត ដូច្នេះត្រូវតែស្វែងរកគ្រូពេទ្យឲ្យបានលឿន
- តើកូនអ្នកអាចយំ ក្អក ឬដកដង្ហើមបានទេ? បើសិនជាកូនអាចបង្កើតសម្លេងបាននោះផ្លូវដង្ហើមគេគ្រាន់តែស្ទះតិចតួចទេ។ បើសិនជាកូនក្អ អ្នកគួរតែឲ្យគេក្អក ព្រោះវាចាវិធីដែលជួយសម្អាតផ្លូវដង្ហើមគេ។ បើសិនជាគេមិនអាចបង្កើតសម្លេងបានទេ ឬមានសម្លេងប្លែក អ្នកត្រូវតែស្វែងរកសេវាព្យាបាលដែលអាចសម្អាតផ្លូវដង្ហើមគេហើយ
- តើស្បែក បបូរមាត់ ក្រចកដៃប្រែពីក្រហមទៅស្វាយដែរទេ? បើសិនប្រែទៅជាស្វាយមែណ មានន័យថា លំហូរផ្លូវដង្ហើមត្រូវបានស្ទះ និងមិនទទួលបានអុកស៊ីសែនគ្រប់គ្រាន់ចិញ្ចឹមរាងកាយឡើយ។
ទោះបីជាយ៉ាងណាក៏ដោយ បើសិនជាអ្នកគិតថា កូនអ្នកកំពុងតែឆ្លាក់ ឬខក់ អ្នកត្រូវតែជួយគេដើម្បីយកចេញនូវអ្វីដែលកំពុងតែស្ទះក្នុងផ្លូវដង្ហើមតាមរបៀបខ្លះៗដូចខាងក្រោម ខណៈពេលកំពុងតែទាក់ទងហៅជំនួយពីគ្រូពេទ្យ។
- ចូរឲ្យកូនគេងផ្កាប់មុខលើកំភួនដៃ ឬភ្លៅអ្នក ហើយទ្រក្បាលគេឲ្យហ្នឹងល្អ
- ចូរប្រើគល់បាតដៃគោះខ្នងនៅចន្លោះឆ្អឹងស្លាបប្រចៀវទាំងសងខាង ៥ដង
- ចូរឈប់គោះទៀតបើសិនជាលែងមានការស្ទះក្នុងផ្លូវដង្ហើមហើយ តាមរយៈការពិនិត្យក្នុងមាត់កូន។ បើសិនជាអ្នកឃើញមានអ្វីស្ទះហើយ ចូរកុំព្យាយាមយកម្រាមដៃលូកចូលបំពង់ករដើម្បីចាប់ចេញអីព្រោះវាអាចនឹងធ្វើឲ្យស្ទះកាន់តែខ្លាំង និងចូលជ្រៅវិញ
- បើសិនជាផ្លូវដង្ហើមនៅតែស្ទះ ចូរធ្វើការសង្កត់ទ្រូង៥ដង ហើយឈប់ដើម្បីពិនិត្យមើលថាលែងមានការស្ទះទៀតឬអត់។ ចូរប្រើម្រាមដៃពីរដើម្បីសង្កត់ទ្រូងកូន។
- បើសិនជាផ្លូវដង្ហើមកូននៅតែស្ទះទៀតក្រោយពីធ្វើការគោះខ្នង និងសង្កត់ទ្រូងបីដងហើយ អ្នកគួរតែនាំកូនទៅជួបពេទ្យជាបន្ទាន់។ (អាន:ថ្នាំងងុយគេង ពេលអ្នកគួរប្រើ)
- ចូរបន្តជាមួយនឹងការគោះខ្នង និងសង្កត់ទ្រូងរហូតដល់គ្រូពេទ្យមកដល់។ ហើយអ្នកចូរព្យាយាមរំងាប់អារម្មណ៍ឲ្យបានល្អផង៕
