ការញ៉ាំទឹកក្រូចឆ្មាក្តៅឧណ្ហៗនៅពេលព្រឹក អាចជួយដោះស្រាយបញ្ហាលើការរំលាយអាហារ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)តាមការសិក្សាបានឲ្យដឹងថា ជម្រើសដែលអ្នកញ៉ាំទឹកក្រូចឆ្មាក្តៅឧណ្ហៗបែបនេះនៅពេលព្រឹករាល់ថ្ងៃនឹងជួយធ្វើឲ្យរាងកាយស៊ាំខ្លួននឹងជំងឺទាំងឡាយ។
ទឹកក្រូចឆ្មានមិនមែនដូចជាភេសជ្ជៈផ្សេងឡើយតែវាផ្តល់ឲ្យរបស់មានប្រយោជន៍ដល់រាងកាយយើងច្រើនណាស់ដូចជា វីតាមីន ជាតិរ៉ែ និងសារធាតុសំខាន់ៗ។ វាក៏ជាអ្នកបង្កើនថាមពលក្នុងរាងកាយដែរនៅពេលញ៉ាំវាព្រឹកឡើងដំបូងគេ ហើយជាលិកាក្នុងខ្លួនក៏អាចច្រោះជាតិពុលចេញបានដែរ។
អត្ថប្រយោជន៍នៃការញ៉ាំទឹកក្រូចឆ្មាក្តៅឧណ្ហៗនៅពេលព្រឹករាល់ថ្ងៃមានដូចជា៖
- ជួយរក្សាតុល្យភាព pH ក្នុងឈាម
- សម្បូរវីតាមីន C ដែលអាចពង្រឹងដល់ប្រព័ន្ធភាពស៊ាំកាន់តែខ្លាំង និងប្រឆាំងជំងឺផ្តាសាយ
- វីតាមីន C របស់ក្រូចឆ្មាក៏សំខាន់សម្រាប់ជួយឲ្យស្បែកលូតលាស់ប្រកបដោយសុខភាពល្អ និងកំចាត់ជំងឺមុនបានដែរ
- ក្រូចឆ្មានមានសារធាតុ Pectin Fiber ដែលអាចជួយប្រឆាំងនឹងការឃ្លានខ្លាំងខុសទំនង និងកុំឲ្យឡើងទម្ងន់លឿនដែរ
- ទឹកក្រូចឆ្មាជួយច្រោះជាតិពុល និងសារធាតុដែលមិនត្រូវការចេញពីផ្លូវរំលាយអាហារ។ (អាន:ថ្នាំងងុយគេង ពេលអ្នកគួរប្រើ)ក្រៅពីនេះទឹកក្រូចឆ្មាក្តៅឧណ្ហៗក៏ល្អសម្រាប់ពង្រឹងដល់អាការៈក្រហាយដើមទ្រូង ក្រពះមិនកិនអាហារល្អ និងហើមពោះដែរ៕