រឿងដែលខាងស្រីច្រើនតែចង់និយាយនោះគឺ សុំឲ្យខាងប្រុសព្យាយាមសាកល្បងប្រើក្បាច់រួមភេទណាថ្មីដើម្បីឲ្យអ្នកពេញចិត្តពេញថ្លើមជាងមុន ប៉ុន្តែតើអ្នកមានធ្លាប់គិតទេថា អ្នកអាចនឹងធ្វើអ្វីដែលខុសឆ្គងដែរទេ?(អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ពិតណាស់ មានរឿងមួយចំនួនមិនគួរណាខាងស្រីធ្វើឡើង ព្រោះវាអាចនាំឲ្យបរិយាកាសទាំងមូលទៅជាសោះកក្រោះ និងខាងប្រុសអស់អារម្មណ៍ថែមទៀតផង។ ខាងក្រោមនេះគឺជាអ្វីដែលខាងស្រីគួរតែចងចាំ៖

  1. អ្នកទំនងជាចង់ឲ្យខាងប្រុសព្យាយាមថ្នាក់ថ្នម និងបរបោសអង្អែលអ្នកច្រើន ប៉ុន្តែសូមគិតថា មនុស្សប្រុសទាំងអស់មិនចូលចិត្តមនុស្សស្រីណាបញ្ជាច្រើនទេ ប៉ុន្តែបើសិនជាគាត់ចូលចិត្តនូវអ្វីដែលអ្នកចង់ធ្វើដែរនោះ វាពិតជាមិនអីឡើយ។ 
  2. បើសិនជាអ្នកចូលចិត្តឲ្យគាត់ប្រើមាត់ត្រដុសអង្អែលនៅតំបន់ខាងក្រោមរបស់អ្នក ចូរផ្តល់សកម្មភាពបែបនេះដល់គាត់វិញផង។ ចូរចាំថា ការរួមភេទគឺជាសកម្មភាពដែលតម្រូវឲ្យមនុស្សទាំងសងខាងធ្វើការជាមួយគ្នា។ 
  3. ចូរមិនត្រូវប្រើធ្មេញខាំឡើយនៅពេលអ្នកប្រើមាត់បរបោសអង្អែលនៅតំបន់ខាងក្រោមរបស់គាត់ ប៉ុន្តែអ្នកអាចខាំញិញៗបាន។ 
  4. បើសិនជាដៃគូមិនអាចធ្វើឲ្យអ្នកដល់ចំណុចកំពូលបានទេ ចូរកុំបន្លំខ្លួនថាដល់អី។ ប៉ុន្តែចូរប្រាប់គាត់អំពីរឿងនេះផងដើម្បីគាត់អាចមានឱកាសជួយអ្នកបន្តទៀត។ (អាន:ថ្នាំងងុយគេង ពេលអ្នកគួរប្រើ)
  5. អ្នកចូលចិត្តឲ្យខាងប្រុសប្រើមាត់បរបោសអង្អែលតំបន់ខាងក្រោមរបស់អ្នក ប៉ុន្តែបើសិនជាកន្លែងនោះមិនស្អាតផង វាពិតជាងាយធ្វើឲ្យខាងប្រុសអស់អារម្មណ៍ណាស់៕