សន្ទះព្រហ្មចារីរយ៍របស់មនុស្សស្រីត្រូវបានគែយល់ថា កាលណាស្រ្តីរួមភេទជាលើកដំបូង វានឹងបណ្តាលឲ្យសន្ទះមួយនេះរហែក និងចេញឈាម ហើយកាលណារហែកបែបនេះ គឺស្រ្តីម្នាក់នោះអស់ហ្ស៊ីនហើយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ទោះបីជាយ៉ាងណាក៏ដោយ វាគ្រាន់តែជាជំនឿមួយដែលមិនត្រឹមត្រូវប៉ុណ្ណោះ ប៉ុន្តែវាក៏មានរឿងពិតមួយចំនួនអំពីសន្ទះព្រហ្មចារីយ៍នេះផងដែរ។
សន្ទះព្រហ្មចារីយ៍ដែលមិនធ្លាយ ឬធ្លុះ គឺជាជំងឺ
ការដែលសន្ទះព្រហ្មចារីយ៍មិនធ្លុះទេ ជាពិសេសវាមិនអាចផ្តល់ជាផ្លូវដើម្បីបង្ហូរឈាមរដូវបាន ត្រូវបានអ្នកវិទ្យាសាស្រ្តយល់ថា វាគឺជាជំងឺ ហើយក៏ត្រូវការឲ្យគ្រូពេទ្យធ្វើការវះកាត់ដើម្បីបង្កើតជារន្ធរបស់វា។
សន្ទះព្រហ្មចារីយ៍មិនអាចគ្របពីលើទ្វារមាសជិតនោះទេ
សន្ទះព្រហ្មចារីយ៍គ្រាន់តែជា ជាលិកាស្តើងមួយប៉ុណ្ណោះដែលស្ថិតនៅបាតនៃច្រកចូលរបស់ទ្វារមាសប៉ុណ្ណោះ។
សន្ទះព្រហ្មចារីយ៍មានទំហំខុសៗគ្នា
វាពិតជាមិនអីនោះទេបើសិនជាអ្នកយល់ថា អ្នកមិនអាចរកឃើញសន្ទះព្រហ្មចារីយ៍ខ្លួនឯងដោយសារតែ វាមានទំហំខុសៗគ្នា។ ដូច្នេះបើសិនជាអ្នកមិនអាចរកឃើញទេ សន្ទះព្រហ្មចារីយ៍នោះអាចនឹងតូចខ្លាំងណាស់ហើយ។
សន្ទះព្រហ្មចារីយ៍អាចនឹងរហែកដោយសារតែសកម្មភាពរាងកាយជាច្រើន
អ្នកទំនងជាធ្លាប់លឺគេនិយាយហើយថា មនុស្សស្រីដែលនៅហ្ស៊ីនដឹងតែ រួមភេទដំបូងធ្វើឲ្យហូរឈាម ព្រោះតែដាច់រហែកសន្ទះព្រហ្មចារីយ៍នេះ។ ប៉ុន្តែរឿងនេះមិនមែនជាការពិតនោះទេ ដោយសារតែការរហែកសន្ទះមួយនេះអាចកើតឡើងដោយសារហេតុផលផ្សេងដែរ ដូចជា ការហាត់ប្រាណខ្លាំងក្លា ជិះកង់ និងឲ្យគ្រូពេទ្យពិនិត្យនៅក្នុងអាងត្រគាក។
អ្នកនឹងមិនអាចដឹងថា សន្ទះព្រហ្មចារីយ៍ខ្លួនឯងរហែក ឬអត់ទេ
អ្នកប្រហែលជាដឹងថា ពេលណាដែលសន្ទះព្រហ្មចារីរហែកក្នុងពេលរួមភេទ ដោយសារតែមានការហូរឈាម ជាពិសេសនៅពេលដៃគូប្រើវិធីរួមភេទដោយកម្រោលពេក។ ប៉ុន្តែបើសិនជាវារហែកក្នុងពេលហាត់ប្រាណ អ្នកនឹងមិនអាចដឹងឡើយ។ (អាន:ថ្នាំងងុយគេង ពេលអ្នកគួរប្រើ)អ្នកគ្រាន់តែអាចសម្គាល់ឃើញថាមានចំណុច ឬប្រលាក់តិចតួចប៉ុណ្ណោះ ប៉ុន្តែអាចគិតថា វាគឺជាឈាមរដូវវិញ។
អ្នកមានផ្ទៃពោះក៏អាចមានសន្ទះព្រហ្មចារីយ៍ជាប់ល្អដែរ
សន្ទះព្រហ្មចារីយ៍អាចនឹងមិនរហែកទេ ហើយអ្នកក៏នៅតែអាចមានផ្ទៃពោះដដែល ព្រោះសន្ទះព្រហ្មចារីយ៍ដែលគ្មានការខូចខាតនៅតែអាចអនុញ្ញាតិឲ្យទឹករំអិលចេញចូលបានដែរ។ ដូច្នេះមេជីវិតឈ្មោលនៅតែអាចធ្វើដំណើរទៅរកមេជីវិតញីដដែល៕