គ្មាននារីណាម្នាក់ដែលចង់មានក្លៀកខ្មៅសុទ្ធតែរោមឡើយ ហេតុនេះហើយទើបពួកគេសម្រេចចិត្តកោររោម និងប្រើប្រាស់ផលិតផលផ្សេងៗដើម្បីធ្វើអោយក្លៀកប្រែជាសរលោងស្អាត។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះជាយ៉ាងណា ផលិតផលមួយចំនួនធំដែលដាក់លក់លើទីផ្សារមានផ្ទុកសារធាតុគីមីដែលអាចបង្កផលប៉ះពាល់ដល់សុខភាព ខណៈដែលការកោររោមអាចនាំអោយរោលរលាក និងមុតរបួស ហើយលទ្ធផលក៏មិនមានប្រសិទ្ធិភាពបានយូរដែរ។ ប៉ុន្តែកុំបារម្ភ! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរូបមន្តងាយៗដើម្បីកម្ចាត់រោមក្លៀកដោយមិនបាច់កោរ ៖
១. ស្ករ, ក្រូចឆ្មារ និងទឹកឃ្មុំ
រូបមន្តនេះជួយកម្ចាត់រោមបានរហូតដល់ទៅ ៤ សប្តាហ៍។ អ្វីដែលអ្នកត្រូវធ្វើ គឺគ្រាន់តែលាយស្ករស ១ ពែង ជាមួយ ទឹកឃ្មុំ ៤ ស្លាបព្រាបាយ និងទឹកក្រូចឆ្មារស្រស់ ២ ស្លាបព្រាបាយ ចូលគ្នាឱ្យសព្វ សឹមដាក់កម្ដៅសម្រាប់រយៈពេល ២ នាទី
។ បន្ទាប់មកកូរឱ្យសព្វម្ដងទៀតសម្រាប់រយៈពេល ២០ ទៅ ៣០ វិនាទី។ ទុកឱ្យចុះត្រជាក់ សឹមលាបល្បាយលើរោម និងទុកចោលសម្រាប់រយៈពេល ២០ នាទី រួចលាងសម្អាតចេញជាមួយទឹកក្ដៅឧណ្ហៗជាការស្រេច។ អនុវត្តឱ្យបានពី ២ ទៅ ៣ ដងក្នុងមួយសប្តាហ៍។
២. ផ្នែកពណ៌សនៃស៊ុត និងម្ស៉ៅពោត
អ្វីដែលអ្នកត្រូវធ្វើ គឺគ្រាន់តែលាយផ្នែកពណ៌សនៃស៊ុត ១ គ្រាប់ ជាមួយម្ស៉ៅពោត កន្លះស្លាបព្រាបាយ និងស្ករស ១ ស្លាបព្រាបាយ រួចកូរឱ្យសព្វ។ លាបល្បាយលើរោម និងទុកចោលរហូតដល់ស្ងួត សឹមបកចេញជាការស្រេច។
៣. ទឹកដោះគោស្រស់ និងរមៀត
អ្វីដែលអ្នកត្រូវធ្វើ គឺគ្រាន់តែលាយម្ស៉ៅរមៀតចំនួន ៣ ស្លាបព្រាកាហ្វេ ជាមួយទឹកដោះគោស្រស់ ១ ស្លាបព្រាកាហ្វេ។
កូរឱ្យសព្វ សឹមលាបល្បាយត្រង់ក្លៀក រួចទុកចោលសម្រាប់រយៈពេលពី ២០ ទៅ ៣០ នាទី រហូតដល់ស្ងួត ហើយប្រើក្រណាត់សើមស្អាតមួយជូតចេញថ្នមៗ និងលាងសម្អាតចេញជាមួយទឹកធម្មតាជាការស្រេច។ អនុវត្តជាប្រចាំរហូតទទួលបានលទ្ធផលគាប់ចិត្ត។
៤. ល្ហុង និងរមៀត
អ្វីដែលអ្នកត្រូវធ្វើ គឺគ្រាន់តែកិនសាច់ល្ហុងទុំឱ្យម៉ដ្ឋចំនួនពី ១ ទៅ ២ ស្លាបព្រា ហើយលាយវាជាមួយម្ស៉ៅរមៀតកន្លះស្លាបព្រាកាហ្វេ រួចកូរឱ្យសព្វ។ លាបម៉ាស្សាថ្នមៗល្បាយលើរោមក្លៀក និងទុកចោលសម្រាប់រយៈពេល ១៥ នាទី សឹមលាងសម្អាតចេញ។ អនុវត្តឱ្យបានពី ២ ទៅ ៣ សប្តាហ៍ក្នុងមួយសប្តាហ៍៕