កូឡេស្តេរ៉ុលគឺជាសារធាតុខ្លាញ់មួយប្រភេទដែលចរាចរណ៍ក្នុងឈាម។ រាងកាយរបស់មនុស្សយើងមាននាទីផលិតកូឡេស្តេរ៉ុលដោយខ្លួនឯង និងទទួលបានពីអាហារដែលយើងញ៉ាំ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)យើងត្រូវការកូឡេស្តេរ៉ុលដើម្បីបង្កើតកោសិកាប្រកបដោយសុខភាពល្អ និងអ័រម៉ូន។ ប៉ុន្តែនៅពេលមានវាច្រើនពេក វាអាចនឹងធ្វើឲ្យស្ទះក្នុងសរសៃឈាមអាក់ទែ ធ្វើឲ្យលំហូរឈាមមិនល្អ រហូតដល់កើតជំងឺបេះដូង គាំងបេះដូង និងដាច់សរសៃឈាមខួរក្បាលថែមទៀត។ បើសិនជាអ្នកកំពុងតែធ្វើការបញ្ចុះកូឡេស្តេរ៉ុលមែន ខ្ញុំសូមណែនាំគន្លឹះទាំង ៦ខាងក្រោមនេះដើម្បីឲ្យការព្យាបាលអ្នកកាន់តែមានសប្រសិទ្ធភាពថែមទៀត៖
១. ស្វែងយល់អំពីការប្រឈមមុខរបស់អ្នកផង
កូឡេស្តេរ៉ុលខ្ពស់ប្រហែលជាមិនមែនជាការគម្រាមគំហែងតែមួយមុខសម្រាប់សុខភាពបេះដូងឡើយ។ ការដែលមានកត្តាប្រឈមមុខខាងក្រោមនេះអាចបង្កើនឱកាសកើតជំងឺគាំងបេះដូង ឬដាច់សរសៃឈាមខួរក្បាលបាន៖
- ប្រវត្តិគ្រួសារកើតជំងឺបេះដូង
- លើសសម្ពាធឈាម
- ជក់បារី
- កង្វះការហាត់ប្រាណ
- ធាត់ជ្រុល
- ជំងឺទឹកនោមផ្អែម
បើសិនជាអ្នកមានកត្តាប្រឈមមុខទាំងនេះ ចូរពិគ្រោះជាមួយគ្រូពេទ្យដើម្បីរកមធ្យោបាយគ្រប់គ្រងវា។
២. ដឹងពីគោលដៅរបស់អ្នក
ចូរសួរគ្រូពេទ្យបន្ថែមថាតើអ្នកត្រូវការបញ្ចុះកូឡេស្តេរ៉ុលអាក្រក់ប៉ុណ្ណា និងដំឡើងកូឡេស្តេរ៉ុលល្អប៉ុណ្ណា។ យកល្អគួរតែធ្វើដូចខាងក្រោមនេះ៖
- កូឡេស្តេរ៉ុលសរុប៖ តិចជាង ២០០mg/dL
- កូឡេស្តេរ៉ុលអាក្រក់៖ តិចជាង ១០០mg/dL
- កូឡេស្តេរ៉ុលល្អ៖ ចាប់ពី ៦០mg/dL ឡើងទៅ។
៣. ផ្លាស់ប្តូររបបអាហារ
ការផ្លាស់ប្តូររបបអាហារតិចតួចអាចជួយគ្រប់គ្រងកូឡេស្តេរ៉ុលបានយ៉ាងល្អ។ ចូរកាត់បន្ថយ ឬចៀសវាងអាហារដែលមានជាតិខ្លាញ់ខាងក្រោមនេះ៖
- Saturated Fats ដែលវាមានក្នុងសាច់ក្រហម ស៊ុត និងប្រេងបន្លែដូចជា ប្រេងដូងជាដើម
- Trans Fats ដែលវាច្រើនតែមានក្នុងអាហារកៃឆ្នៃច្រើនជាងដូចជា អាហារចៀន អាហារលឿន និងនំដុតជាដើម។
៤. រស់នៅឲ្យសកម្ម
ការដើរលឿនៗ ឬជិះកង់រាល់ថ្ងៃអាចបង្កើនចំនួនកូឡេស្តេរ៉ុលល្អបាន ដែលអាចជួយលុបបំបាត់ជាតិខ្លាញ់អាក្រក់ចេញពីក្នុងឈាមបាន។ ចូរព្យាយាមហាត់ប្រាណកម្រិតមធ្យមទៅខ្លាំងក្លាយ៉ាងហោចណាស់ ៣០នាទី ចំនួន៥ថ្ងៃក្នុងមួយសប្តាហ៍។
៥. ឈប់ជក់បារី
ក្រៅពីធ្វើឲ្យប្រឈមកាន់តែខ្លាំងនឹងជំងឺមហារីក និងជំងឺស្ទះសួតរ៉ាំរ៉ៃ ការជក់បារីអាចមានផលអវិជ្ជមានច្រើនដល់កូឡេស្តេរ៉ុលក្នុងឈាមដែរ។ (អាន:ថ្នាំងងុយគេង ពេលអ្នកគួរប្រើ)អ្នកដែលជក់បារីងាយនឹងលើសកូឡេស្តេរ៉ុលអាក្រក់ក្នុងឈាមណាស់។ ដូច្នេះការផ្តាច់បារីគឺជាមធ្យោបាយដ៏ល្អបំផុត។
៦. គិតគូរសុំថ្នាំព្យាបាលពីគ្រូពេទ្យ
ថ្នាំមានវេជ្ជបញ្ជា គឺជាជម្រើសមួយបើសិនជាការផ្លាស់ប្តូររបៀបរស់នៅតែមួយមុខមិនធ្វើឲ្យកូឡេស្តេរ៉ុលមានភាពធូស្រាលជាងមុនទេនោះ។ ចូរពិគ្រោះជាមួយគ្រូពេទ្យអំពីជម្រើសថ្នាំណាមួយដែលល្អបំផុតសម្រាប់អ្នក៕