ល្ហុង គឺជាផ្លែឈើដ៏ល្អបំផុតមួយសម្រាប់រក្សាសុខភាពស្បែកដោះស្រាយបញ្ហាផ្សេងៗ ក៏ព្រោះវាមានផ្ទុកអង់ស៊ីមពិសេសម្យ៉ាងហៅថា papain។   (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)  ហើយដើម្បីទទួលបានអង់ស៊ីមនេះកាន់តែច្រើនអ្នកគួរប្រើប្រាស់សំបកជាងសាច់នៃផ្លែល្ហុង។ ក្រៅពី papain ល្ហុងក៏មានផ្ទុកវីតាមីនជាច្រើន រួមទាំងអាស៊ីត pantothenic, ប៉ូតាស្យូម និងម៉ាញ៉េស្យូមផងដែរ។ ខាងក្រោមវេបសាយសុខភាព Health.com.kh​​​ នឹងបង្ហាញឱ្យដឹងពីអត្ថប្រយោជន៍នៃផ្លែល្ហុងចំពោះស្បែក រួមជាមួយវិធីងាយៗក្នុងការអនុវត្ត ៖

១. ជួយឱ្យស្បែកសបែបធម្មជាតិ

– អ្វីដែលអ្នកត្រូវការ គឺទឹកក្រូចឆ្មារស្រស់ពី ៥ ទៅ ១០ ដំណក់ (មិនសាកសមសម្រាប់ស្បែកស្ដើងឆាប់ប្រតិកម្ម), សំបកល្ហុងចំនួន ២ និងទឹកឃ្មុំ ១ ស្លាបព្រាកាហ្វេ។

– អ្វីដែលអ្នកត្រូវធ្វើ គឺគ្រាន់តែកិនគ្រឿងផ្សំទាំងអស់ចូលគ្នាអោយសព្វម៉ដ្ឋ។ បន្ទាប់មកលាបម៉ាស្សាល្បាយសំបកល្ហុងប្រមាណពី ១ ទៅ ២ នាទីមិនត្រឹមតែលើផ្ទៃមុខប៉ុណ្ណោះទេ ប៉ុន្តែក៏ល្អចំពោះកែងដៃ, ដៃ និងជង្គង់ផងដែរ។ ទុកចោលសម្រាប់រយៈពេលពី ១៥ ទៅ ៣០ នាទី សឹមលាងសម្អាតចេញ។ អនុវត្តជាប្រចាំរហូតទទួលបានលទ្ធផលគាប់ចិត្ត។

២. កម្ចាត់រោម

អ្វីដែលអ្នកត្រូវធ្វើ គឺគ្រាន់តែកិនល្ហុងខ្ចីប៉ុន្មានដុំអោយម៉ដ្ឋ រួចបន្ថែមម្ស៉ៅរមៀតមួយចិបចូល។ កូរលាយអោយសព្វ សឹមលាបល្បាយលើកន្លែងដែលអ្នកចង់កម្ចាត់រោមចេញ។ ទុករហូតដល់ស្ងួត សឹមដុសសម្អាតចេញ។ អនុវត្តអោយបានយ៉ាងហោចណាស់ ១ដងក្នុងមួយសប្តាហ៍។

៣. រក្សាសំណើមស្បែក

អ្វីដែលអ្នកត្រូវធ្វើ គឺគ្រាន់តែដុសផ្នែកខាងក្នុងនៃសំបកល្ហុងទុំផ្ទាល់លើមុខនៅពេលព្រឹក ឬពេលល្ងាចមុនងូតទឹក។ ទុកចោលសម្រាប់រយៈពេលពី ១ ទៅ ២ នាទីសិន សឹមលាងសម្អាតចេញជាការស្រេច៕