ជំងឺសសៃឈាមបេះដូងកើនឡើងជាលំដាប់មកទល់សព្វថ្ងៃនេះ ហើយកត្តាហានិភ័យចម្បងមួយនៃជំងឺនេះបណ្ដាលមកពីការកើនឡើងនូវកូឡេស្តេរ៉ូលខ្ពស់ក្នុងឈាម។  (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកុំបារម្ភ! ក៏ព្រោះអ្នកអាច​​ទប់ស្កាត់ និងបញ្ចុះកូឡេស្តេរ៉ូលដោយគ្រាន់តែទទួលទានបន្លែ និងផ្លែឈើមួយចំនួន។ ថាតើបន្លែផ្លែឈើទាំងនោះមានអ្វីខ្លះទៅ? ខាងក្រោមវេបសាយសុខភាព  Health.com.kh នឹងបង្ហាញឱ្យដឹងតែបន្លែផ្លែឈើដែលមានប្រសិទ្ធិភាពទប់ស្កាត់កាត់បន្ថយកម្រិតកូឡេស្តេរ៉ូលមិនល្អ ៖

១. ប៉េងប៉ោះ

ជាប្រភពដ៏ប្រសើរនៃសារធាតុ lycopene ដែលជួយប្រយុទ្ធប្រឆាំងនឹងការកកើតឡើងនៃកូឡេស្តេរ៉ូល
លើជញ្ជាំងសរសៃឈាមសសៃឈាមអាកទែ។

២. ខ្ទឹមបារាំង និងខ្ទឹមស

មានផ្ទុកសម្បូរទៅដោយសារធាតុ flavonoid quercetin ដែលជួយទប់ស្កាត់ ក៏ដូចជាកាត់បន្ថយកម្រិតនៃកូឡេស្តេរ៉ូលមិនល្អក្នុងឈាមបានយ៉ាងប្រសើរ។ លើសពីនេះទៅទៀត ខ្ទឹមបារាំង ក៏ជាប្រភពនៃសារធាតុ sulphides ដែលជួយកាត់បន្ថយហានិភ័យនៃជំងឺមហារីកក្រពះ និងពោះវៀនធំផងដែរ។ រីឯខ្ទឹមសវិញ ជួយរក្សាសុខភាពសសៃឈាមបេះដូងល្អប្រសើរ ដោយវាមានផ្ទុកសារធាតុប្រឆាំងអុកស៊ីតកម្ម និងការរលាកដែលជួយកាត់បន្ថយបញ្ហារលាកផ្សេងៗក្នុងសសៃឈាម ក៏ដូចជាកម្រិតនៃកូឡេស្តេរ៉ូលមិនល្អ ព្រមទាំងទប់ស្កាត់ការបំផ្លាញដល់ជញ្ចាំងខាងក្នុងនៃសសៃឈាមផងដែរ។

៣. ស្ពៃក្ដោប

ជាប្រភពនៃសារធាតុ phytosterol ដ៏មានឥទ្ធិពល រួមទាំងជាតិសសៃខ្ពស់ដែលជួយបញ្ចុះកម្រិត
កូឡេស្តេរ៉ូលបានយ៉ាងប្រសើរ។

៤. សណ្ដែកសៀង

មានផ្ទុកសម្បូរទៅដោយជាតិកាល់ស្យូម, ជាតិដែក, វីតាមីន B និងសារធាតុប្រឆាំងអុកស៊ីតកម្មដែលជួយកាត់បន្ថយកម្រិតនៃកូឡេស្តេរ៉ូលមិនល្អ ហើយបង្កើនកម្រិតនៃកូឡេស្តេរ៉ូលល្អជំនួសវិញ។

៥. ក្រូច

ក្រៅពីវីតាមី​ន C, ជាតិសសៃ, សារធាតុ folate និងប៉ូតាស្យូម ដែលចាំបាច់ដើម្បីរក្សាសុខភាពរាងកាយរឹងមាំហើយនោះ ក្រូច ក៏ជាប្រភពនៃសារធាតុ pectin និង  phytosterols ដែលជួយកម្ចាត់កូឡេស្តេរ៉ូលមិនល្អផងដែរ។

៦. ទំពាំងបាយជូរ

ក៏ជាប្រភពដ៏ប្រសើរនៃសារធាតុ quercetin ដែលជួយទប់ស្កាត់កូឡេស្តេរ៉ូលមិនឱ្យមានការកកស្ទះក្នុងសសៃឈាម៕