បើសិនជាអ្នកមានជំងឺទឹកនោមផ្អែម ការរស់នៅប្រកបដោយសុខភាពល្អអាចជួយអ្នកគ្រប់គ្រងជាតិស្ករក្នុងឈាមបានយ៉ាងល្អ និងបន្ថយការប្រឈមនឹងផលវិបាករបស់វាទៀត។ វាអាចជារឿងមួយពិបាកក្នុងការសម្របខ្លួនទៅនឹងទម្លាប់ទាំងអស់ក្នុងពេលតែមួយ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែ ការផ្លាស់ប្តូរតិចតួច អាចបង្កើតនូវភាពខុសគ្នាបាន។ ខាងក្រោមនេះគឺជាគន្លឹះសាមញ្ញៗ ៥យ៉ាងដែលអ្នកអាចជួយគ្រប់គ្រងស្ថានភាពជំងឺទឹកនោមផ្អែមអ្នកកាន់តែល្អជាងមុនបាន៖
បន្ថែមជំហ៊ានសម្រាប់ការធ្វើដំណើរប្រចាំថ្ងៃ
ការហាត់ប្រាណទៀងទាត់ គឺជារឿងសំខាន់សម្រាប់សុខភាពរាងកាយ និងផ្លូវចិត្តកាន់តែល្អ។ ប៉ុន្តែបើសិនជាអ្នកមិនមានពេលហាត់ប្រាណទេ គ្រាន់តែចំណាយពេលដើររយៈពេលខ្លីមួយក៏អាចជួយដល់សុខភាពបេះដូង សួត និងសាច់ដុំធ្វើការកាន់តែល្អដែរ។
សម្រាកពីការអង្គុយ
ទោះបីជាអ្នកហាត់ប្រាណច្រើនដងក្នុងមួយសប្តាហ៍ក៏ដោយ តែការអង្គុយរយៈពេលយូរៗពេក អាចផ្តល់ផលអវិជ្ជមានដល់សុខភាពអ្នកបាន។ បើសិនជាការងារប្រចាំថ្ងៃរបស់អ្នក តម្រូវឲ្យអង្គុយរយៈពេលយូរៗ ចូរចំណាយពេលច្រើនដងក្នុងការងើបឈរ និងដើរចុះឡើងឲ្យបានច្រើនផង ឬជារៀងរាល់ ការអង្គុយ ៣០នាទី ដើម្បីជួយឲ្យជាតិស្ករក្នុងឈាមស្រួលបួលវិញ។
គ្រប់គ្រងការញ៉ាំអាហារតាមភោជនីយដ្ឋាន
ដើម្បីគ្រប់គ្រង់ជាតិស្ករក្នុងឈាម និងទម្ងន់ យកល្អគួរតែចេះគ្រប់គ្រងការញ៉ាំអាហារផង ជាពិសេសពេលញ៉ាំអាហារក្រៅផ្ទះតែម្តង។ យកល្អគួរតែចេះវិធីកាត់បន្ថយទំហំចានដាក់អាហារញ៉ាំ។ បើសិនជាអ្នកត្រូវការញ៉ាំនៅក្រៅផ្ទះ ចូរចម្អិនអាហារញ៉ាំដោយខ្លួនឯងសម្រាប់ខ្ចប់តាមខ្លួន។
រៀបចំការរំលឹកឲ្យលេបថ្នាំ
តើអ្នកមានបញ្ហាក្នុងការចងចាំម៉ោងលេបថ្នាំតាមវេជ្ជបញ្ជាមែនទេ? យកល្អគួរតែពិនិត្យរកមើលកម្មវិធីផ្តល់ការរំលឹកពីក្នុងទូរស័ព្ទអ្នកដើម្បីរំលឹកអ្នកឲ្យញ៉ាំថ្នាំទៀងពេល។ បើសិនជាមិនមានស្រាប់ទេ អ្នកអាចទាញយកពី Play Store ឬ App Store កម្មវិធីដែលអ្នកពេញចិត្តបាន។ កម្មវិធីខ្លះក៏ផ្តល់មុខងារតាមដានភាពសមសួនរបស់រាងកាយ និងដឹងអំពីកម្រិតជាតិស្ករក្នុងឈាមថែមទៀត។
ពិនិត្យប្រអប់ជើងរាល់ថ្ងៃ
រយៈពេលយូរៗទៅ ជំងឺទឹកនោមផ្អែមប្រភេទទី២ អាចធ្វើឲ្យប្រែប្រួលដល់ស្បែក សរសៃប្រសាទ និងសរសៃឈាមបាន។ រឿងនេះអាចនាំឲ្យមានផលវិបាកច្រើនរួមទាំងបញ្ហានៅប្រអប់ជើងដែរ។ ដើម្បីជួយការពារប្រអប់ជើង ចូរពិនិត្យមើលភាពក្រហម ហើម ការដាច់ដោច និងពងបែកជាទៀងទាត់។(អាន:ថ្នាំងងុយគេង ពេលអ្នកគួរប្រើ) យកល្អគួរតែថែរក្សាប្រអប់ជើងឲ្យបានល្អតាមរបៀបដូចខាងក្រោមនេះ៖
- ចូរលាងប្រអប់ជើងជារៀងរាល់ថ្ងៃ និងសម្ងួតវាដោយប្រុងប្រយ័ត្នផង
- ចូរកាត់ក្រចកឲ្យស្មើល្អ
- ចូរពាក់ស្បែកជើង និងស្រោមជើងដែលផ្តល់ផាសុខភាព៕