ជំងឺផ្តាសាយគឺជាការបង្ករោគដោយវីរុសមួយប្រភេទដែលប៉ះពាល់ទៅលើផ្លូវដង្ហើមផ្នែកខាងលើ។ ជំងឺផ្តាសាយគឺជាមូលហេតុមួយធំជាងគេដែលនាំឲ្យសិស្សផ្អាកទៅសាលារៀន ឬមនុស្សធំមិនបានទៅធ្វើការ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មនុស្សធំជាមធ្យមអាចឈឺជំងឺផ្តាសាយពីរទៅបីដងក្នុងមួយឆ្នាំ ខណៈពេលដែលក្មេងៗអាច្រើនជាងនេះ។
ទោះបីជាយ៉ាងណាក៏ដោយ រយៈពេលសម្ងំរបស់ជំងឺផ្តាសាយនេះមុនពេលចេញរោគសញ្ញា អាចចន្លោះពីមួយទៅបីថ្ងៃ។ វាមានកត្តាច្រើនណាស់ដែល ដែលអាចប៉ះពាល់ដល់រយៈពេលសម្ងំរបស់ជំងឺនេះដូចជា៖
- ចំនួនវីរុសដែលអ្នកប៉ះពាល់
- ភាពខ្លាំងរបស់ប្រព័ន្ធភាពស៊ាំ
- ផ្លូវដែលវីរុសនោះឆ្លងចូលទៅក្នុងខ្លួនអ្នក។
ជំងឺផ្តាសាយគឺជាជំងឺឆ្លង ដូច្នេះវាអាចចម្លងពីមនុស្សម្នាក់ទៅមនុស្សម្នាក់ទៀតបាន។ អ្នកអាចចម្លងជំងឺផ្តាសាយទៅអ្នកដទៃរយៈពេលពីរបីថ្ងៃមុនពេលរោគសញ្ញាអ្នកចាប់ផ្តើមចេញ។ មានន័យថា អ្នកអាចចម្លងជំងឺនេះទៅអ្នកដទៃដោយមិនដឹងខ្លួន។ អ្នកនៅតែបន្តចម្លងទៅអ្នកដទៃទៀតដដែលកាលណាអ្នកនៅតែមានរោគសញ្ញា។ ការជាពីជំងឺផ្តាសាយវិញច្រើនតែស៊ីពេលពី ៧ ទៅ ១០ថ្ងៃ។ (អាន:ថ្នាំងងុយគេង ពេលអ្នកគួរប្រើ)
នៅពេលជំងឺនេះចេះតែវិវត្តន៍ទៅមក អ្នកប្រហែលជាអាចមានអាការៈបន្ថែមទៀតដូចជា៖
- ហៀរសម្បោរ ឬតឹងច្រមុះ
- ក្អក
- ឈឺក្បាល
- ឈឺខ្លួនតិចតួច
- ក្តៅខ្លួនស្ទិញៗ៕