ខាងក្រោមនេះ Health.com.khយើងខ្ញុំនឹងបង្ហាញអ្នកពីរឿងដែលអ្នកគួរតែប្រយ័ត្នមុនពេលដែលចង់មានផ្ទៃពោះ។ តើមានអ្វីខ្លះទៅ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)
- នៅពេលដែលអ្នកមានអារម្មណ៍ភ័យខ្លាច និងអន្ទះសារ អាចធ្វើឲ្យប៉ះពាល់ដល់ស្ពែម៉ាតូសូអ៊ីត និងមេជីវិតញីបាន។ នៅពេលដែលអ្នកមានផ្ទៃពោះក្នុងស្ថានភាពនេះ នឹងអាចធ្វើឲ្យកូនក្នុងផ្ទៃនៅមិនសុខឡើយ ថែមទាំងអាចធ្វើឲ្យប៉ះពាល់ដល់ការលូតលាស់របស់កូនទៀតផង។ បើធ្ងន់ធ្ងរ អាចធ្វើឲ្យអ្នករលូតកូនបានទៀតផង។ ដូចនេះ ពេលដែលអ្នកកើតមានរឿងមិនសប្បាយចិត្ត អ្នកមិនគួរមានផ្ទៃពោះនោះទេ។
- ប្រសិនជាអ្នកចង់បង្កើតបានកូនដែលមានសុខភាពល្អ អ្នកគួរតែកែចោលទម្លាប់មិនល្អទាំងឡាយ ដោយមិនគួរចូលគេងយប់ជ្រៅពេក ហើយគួរតែបរិភោគអាហារឲ្យបានគ្រប់គ្រាន់។ ជាពិសេស អ្នកគួរតែទម្លាក់ចោលសម្ពាធ ហើយចៀសពីការញ៉ាំថ្នាំផ្តេសផ្តាស។
- អ្នកមិនគួរមានផ្ទៃពោះក្នុងពេលដែលអ្នកទៅក្រេបទឹកឃ្មុំនោះទេ ព្រោះក្នុងពេលនោះអ្នកអាចនឿយហត់ខ្លាំងព្រោះតែរឿងមង្គលការ ដោយធ្វើឲ្យស្ពែម៉ាតូសូអ៊ីត និងមេជីវិតញីធ្លាក់ចុះ ធ្វើឲ្យអ្នកមិនអាចកើតបានកូនដែលមានសុខភាពល្អនោះទេ។
- អ្នកមិនគួរមានផ្ទៃពោះក្នុងពេលដែលអ្នកទៅដើរលេងឡើយ ព្រោះពេលនោះអ្នកអាចគេងមិនបានគ្រប់គ្រាន់ ញ៉ាំមិនបានគ្រប់គ្រាន់ ដោយមិនអាចស្រូបយកសារធាតុចិញ្ចឹមបានច្រើន អាចធ្វើឲ្យប៉ះពាល់ដល់សុខភាពទារកបានពេលដែលអ្នកមានផ្ទៃពោះ។
- ក្នុងពេលដែលអ្នកកំពុងតែមានជំងឺ ហើយប្រើថ្នាំ អ្នកមិនគួរមានផ្ទៃពោះឡើយ ព្រោះសារធាតុដែលមានក្នុងថ្នាំទាំងនោះ អាចធ្វើឲ្យសុខភាពកូនមិនរឹងមាំនោះទេ។
- ពេលដែលអ្នកមានអាយុច្រើន អ្នកមិនគួរមានផ្ទៃពោះឡើយ ព្រោះអាចធ្វើឲ្យអ្នកម្តាយ និងទារកប្រឈមមុខនឹងគ្រោះថ្នាក់ខ្ពស់។
- ពេលដែលអ្នកកំពុងតែប្រើថ្នាំពន្យារកំណើតរាល់ថ្ងៃ អ្នកមិនគួរក្រោយប្រើថ្នាំពន្យារកំណើតភ្លាម ហើយមានភ្លាមនោះទេ។ អ្នកគួរតែឈប់ប្រើចំនួន២ខែសិន ទើបអាចមានផ្ទៃពោះបាន។ ចំពោះអ្នកដែលដាក់កងវិញ គួរតែចាំដល់ពេលមករដូវបានពី២ទៅ៣ដងសិន ទើបអាចមានផ្ទៃពោះបាន។
- អ្នកមិនគួរមានផ្ទៃពោះភ្លាមទេ ក្រោយពេលដែលសម្រាលមុនខែ ឬរលូតកូន ដោយអ្នកគួរតែចាំដល់បានកន្លះឆ្នាំ ទើបអាចមានផ្ទៃពោះបាន ព្រោះស្បូនត្រូវការជាសះស្បើយផងដែរ។
- ក្រោយពេលដែលអ្នកបញ្ឈប់ការជក់បារីបានពី២ទៅ៣ខែ ទើបអាចមានផ្ទៃពោះបាន។ ការធ្វើបែបនេះ ទើបអាចធ្វើឲ្យសុខភាពអ្នក និងកូនមិនកើតមានបញ្ហា។ ដូចនេះ អ្នកគួរតែប្រយ័ត្នឲ្យបានខ្ពស់មុនពេលដែលមានផ្ទៃពោះ៕
- (អាន:ថ្នាំងងុយគេង ពេលអ្នកគួរប្រើ)