មានមធ្យោបាយច្រើនណាស់ក្នុងការលើកទឹកចិត្តកូនឲ្យញ៉ាំបន្លែ និងផ្លែឈើកាន់តែច្រើន។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ខាងក្រោមនេះគឺជាវិធី ៦យ៉ាងដែលអ្នកអាចធ្វើបានដើម្បីលើកទឹកចិត្តពួកគេញ៉ាំអាហារកាន់តែផ្តល់សុខភាព៖
- បង្កើតទឹកក្រឡុកញ៉ាំដែលមានយ៉ាអួមានជាតិខ្លាញ់ទាប ឬគ្មានសោះ បូករួមនឹងផ្លែឈើ និងដុំទឹកកកម៉ត់។ ចូរប្រើប្រាស់ផ្លែឈើស្រស់ដូចជា ផ្លែចេក ឬម្នាស់ដើម្បីធ្វើជាទឹកក្រឡុក
- ចូរឲ្យកូនអ្នកដាក់បន្លែ និងផ្លែឈើចូលទៅក្នុងម៉ាស៊ីនក្រឡុកដោយខ្លួនឯង
- ចូរប្រើវិធីនៃការញ៉ាំបន្លែ និងផ្លែឈើជាការសប្បាយសម្រាប់កូនចូលចិត្តលេងជាមួយ
- អ្នកក៏អាចប្រើវិធីធ្វើភីហ្សាដែលបង្កើតឡើងដោយខ្លួនឯងជាមួយនឹងគ្រឿងផ្សំពិសេសៗ និងផ្តល់សុខភាព ហើយអាចដាក់ជាបន្លែ និងផ្លែឈើលម្អពីលើ
- ចូរប្រើវិធីដាក់ផ្លែឈើឲ្យកកដើម្បីញ៉ាំលេងក្នុងរដូវក្តៅ(អាន:ថ្នាំងងុយគេង ពេលអ្នកគួរប្រើ)
- ចូរសុំឲ្យកូនអ្នកដាក់ឈ្មោះអ្វីដែលគេបង្កើតថ្មីចេញពីបន្លែ ឬផ្លែឈើ ហើយឲ្យគេរៀបចំបន្លែ ឬផ្លែឈើនោះជារូបរាងអ្វីមួយដែលគេចង់ធ្វើ ឬនឹកឃើញ៕