ការស្តាប់តន្ត្រីគឺត្រូវបានគេរាប់ចូលជាការអប់រំកូនមួយនៅក្នុងដំណាក់កាលមានផ្ទៃពោះ ព្រោះវាល្អចំពោះកូនក្នុងផ្ទៃ ហើយថែមទាំងអាចធ្វើឱ្យកូនឆ្លាតទៀតផង ប៉ុន្តែតើការស្តាប់តន្ត្រីរបស់អ្នកត្រូវរបៀបឬនៅ? បើអ្នកស្តាប់ខុសរបៀប នោះវានឹងអាចប៉ះពាល់ដល់កូនក្នុងផ្ទៃបាន។ ដូចនេះ គួរតែស្តាប់តាមវិធីណាខ្លះ? (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)

  1. អ្នកមិនត្រូវស្តាប់តន្ត្រី ឬចម្រៀងផ្សេងៗដែលធ្វើឱ្យកូនមានសម្ពាធទេ ដូចជាចម្រៀងបុរាណជាដើម អ្នកត្រូវតែស្តាប់ចម្រៀងដែលអ្នកចូលចិត្ត ហើយស្តាប់ទៅមានភាពសប្បាយរីករាយ មានអារម្មណ៍ស្រស់ស្រាយ ទើបល្អចំពោះកូនក្នុងផ្ទៃ។
  2. អ្នកមិនត្រូវដាក់ចម្រៀងលើពោះអ្នកឲ្យកូនស្តាប់ទេ អ្នកអាចដាក់នៅលើតុ ឬកន្លែងដែលនៅក្បែរអ្នក ហើយមិនត្រូវបើកសម្លេងខ្លាំងពេកទេ បើកតាមធម្មតាគឺបានហើយ នោះកូនក្នុងផ្ទៃនឹងមានអារម្មណ៍ស្តាប់ ហើយមិនប៉ះពាល់ដល់ត្រចៀកគេទៀតផង។
  3. អ្នកមិនត្រូវស្តាប់គ្រប់ពេលទេ ប៉ុន្តែអ្នកត្រូវស្តាប់នៅពេលដែលកូនទើបតែក្រោកពីគេង ហើយចាប់ផ្តើមកម្រើកក្នុងផ្ទៃរបស់អ្នក ហើយនៅពេលដែលគេគេង មិនត្រូវស្តាប់ឡើយ ព្រោះប៉ះពាល់ដល់ដំណេកកូន ធ្វើឲ្យកូនមិនចង់ស្តាប់។
  4. នៅពេលដែលអ្នកម្តាយស្តាប់តន្ត្រី ក្នុងនាមជាឳពុកត្រូវតែនៅកំដរ ដោយអាចអង្អែរពោះរបស់អ្នកម្តាយ ហើយនិយាយជាមួយកូន នោះអ្នកនឹងអាចមានភាពស្និទ្ធស្នាលជាមួយកូនបាន។
  5. នៅពេលដែលស្តាប់ អ្នកត្រូវតែមានអារម្មណ៍សប្បាយរីករាយ ហើយនឹកឃើញទិដ្ឋភាពគ្រប់បែបយ៉ាងក្នុងខួរក្បាលអ្នក នោះវានឹងបញ្ជូនរូបភាពទាំងនេះទៅឱ្យកូនដែលនៅក្នុងផ្ទៃ។
  6. អ្នកមិនត្រូវស្តាប់យូរពេកទេក្នុងមួយថ្ងៃ ដោយអ្នកអាចស្តាប់ត្រឹមពី២០នាទីដល់៣០នាទីបានហើយ ហើយអាចស្តាប់ពីរដងក្នុងមួយថ្ងៃបាន ព្រោះស្តាប់យូរពេកអាចប៉ះពាល់ដល់ខួរក្បាលរបស់កូនបាន៕
  7. (អាន:ថ្នាំងងុយគេង ពេលអ្នកគួរប្រើ)