ងាយៗ! សម្រកក្បាលពោះរក្សារាងស្លីមស្រស់ស្អាត ជាមួយភេសជ្ជៈធម្មជាតិនេះ

ថាតើនរណាទៅមិនចង់បានរាងស្លីមស្អាតនោះ? (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ភាគច្រើននៃពួកយើងសុទ្ធតែចង់បានរូបរាងស្រស់ស្អាតក្បាលពោះរាបស្មើ ប៉ុន្តែមិនដឹងថាគួរកម្ចាត់ខ្លាញ់ក្បាលពោះតាមរបៀបណាមែនទេ? ងាយណាស់! ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីរូបមន្តភេសជ្ជៈបែបធម្មជាតិដ៏ពិសេសមួយផ្សំឡើងពី ត្រសក់, ក្រូចឆ្មារ, ជីអង្កាម និងខ្ញី ដែលមានប្រសិទ្ធិភាពខ្ពស់ជួយសម្រកក្បាលពោះបានយ៉ាងឆាប់រហ័សក្នុងរយៈពេលត្រឹមតែប៉ុន្មានសប្តាហ៍ ៖

• អត្ថប្រយោជន៍នៃគ្រឿងផ្សំទាំង ៤

១. ត្រសក់

ជាប្រភពដ៏ប្រសើរនៃជាតិទឹក ហើយមានផ្ទុកជាតិកាឡូរីតិចបំផុតដែលល្អសម្រាប់អ្នកចង់ស្រកទម្ងន់។ លើសពីនេះទៅទៀត ការទទួលទានត្រសក់ក៏ផ្ដល់ឱ្យរាងកាយនូវអត្ថប្រយោជន៍ច្រើនផ្សេងទៀតដូចជា ជួយសម្អាតពោះវៀនតាមរយៈលក្ខណៈសម្បត្តិ laxative ធម្មជាតិ, បង្កើនជាតិរំអិលក្នុងប្រព័ន្ធរំលាយអាហារ, គ្រប់គ្រងកម្រិតនៃអាស៊ីតអ៊ុយរិកក្នុងឈាម, ការពារស្រទាប់ក្រពះ និងកម្ចាត់ជាតិពុលផ្សេងៗចេញពីរាងកាយតាមរយៈទឹកនោម។

២. ខ្ញី

មិនត្រឹមតែជួយកម្ចាត់ខ្លាញ់ដែលលើសចេញពីក្បាលពោះប៉ុណ្ណោះទេ ប៉ុន្តែខ្ញីក៏មានផ្ទុកសម្បូរទៅដោយវីតាមីន, ជាតិរ៉ែ​, អាស៊ីតអាមីណូ, សារធាតុប្រឆាំងអុកស៊ីតកម្ម និងលក្ខណៈសម្បត្តិប្រឆាំងការរលាកដែលប្រសើរសម្រាប់ដោះស្រាយបញ្ហាសុខភាពផ្សេងៗ។

៣. ក្រូចឆ្មារ

ជាប្រភពដ៏ប្រសើរនៃវីតាមីន C, ប៉ូតាស្យូម, វីតាមីន B, វីតាមីន B1, ម៉ាញ៉េស្យូម និងកាល់ស្យូម។ ដូច្នេះក្រៅពីជួយដល់ការសម្រកទម្ងន់ ការទទួលទានក្រូចឆ្មារក៏នឹងជួយឱ្យអ្នករក្សាបាននូវសុខភាពល្អរឹងមាំផងដែរ។

៤. ជីអង្កាម

ក៏មិនខុសពីគ្រឿងផ្សំប៉ុន្មានមុខខាងលើដែរ ក្រៅពីល្អសម្រាប់ការសម្រកទម្ងន់ហើយនោះ ជីអង្កាមក៏មានប្រសិទ្ធិភាពជួយដោះស្រាយបញ្ហាសុខភាពជាច្រើនផ្សេងទៀតដូចជា អាការៈ
ហើមពោះ, បញ្ហាពាក់ព័ន្ធនឹងការឡើងជាតិហ្គាសក្នុងរាងកាយ, បញ្ហាស្បែក, រន្ធញើសរីកធំ, គេងមិនលក់ និងតានតឹងក្នុងអារម្មណ៍ផងដែរ។

• របៀបធ្វើភេសជ្ជៈសម្រកក្បាលពោះ និងរក្សាសុខភាពល្អប្រសើរ 

– អ្វីដែលអ្នកត្រូវការ គឺ ជីអង្កាម ១០ ស្លឹក, ក្រូចឆ្មារ ៤ ផ្លែ, ខ្ញី ១ មើម, ត្រសក់ទំហំល្មម ១ ផ្លែ និងទឹកឆ្អិន ១ លីត្រ។

– អ្វីដែលអ្នកត្រូវធ្វើ គឺជាដំបូងត្រូវលាងសម្អាតគ្រឿងផ្សំទាំងអស់ឱ្យស្អាត សឹមចាប់ផ្ដើមហាន់ត្រសក់, ខ្ញី និងក្រូចឆ្មារជាចំណិតស្ដើងៗ ហើយកុំភ្លេចយកគ្រាប់ក្រូចចេញ។ ដាក់គ្រឿងផ្សំទាំងអស់ក្នុងម៉ាស៊ីនកិនក្រឡុក រួចបន្ថែមទឹកចូល និងកិនក្រឡុកសម្រាប់រយៈពេលប្រមាណ ២ វិនាទី ឬរហូតដល់ម៉ដ្ឋ។ បន្ទាប់មកចាក់ល្បាយភេសជ្ជៈនេះក្នុងដបបិតជិត ហើយរក្សាទុកក្នុងទូរទឹកកកសម្រាប់រយៈពេល ៦ ម៉ោងសិន សឹមយកមកទទួលទានជាប្រចាំ៕