ត្រសក់ គឺជាបន្លែមួយប្រភេទដែលទទួលបានការពេញនិយម និងសម្បូរណាស់ដែរក្នុងប្រទេសកម្ពុជា។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ទោះបីភាគច្រើននៃពួកយើងឧស្សាហ៍ទទួលទានបន្លែនេះ ប៉ុន្តែប្រហែលជាមិនធ្លាប់ចាប់អារម្មណ៍អំពីអត្ថប្រយោជន៍គួរឱ្យភ្ញាក់ផ្អើលរបស់វាចំពោះសុខភាពឡើយ។ ថ្ងៃនេះវេបសាយសុខភាព Health.com.kh នឹងបង្ហាញឲ្យដឹងពីពត៌មានលម្អិតទាក់ទងជាមួយឥទ្ធិពលវិជ្ជមានដ៏ប្រសើរនៃត្រសក់ ៖
១. ពង្រឹងបង្កើនសុខភាពសាច់ដុំ
ត្រសក់ មានផ្ទុកសារធាតុ silica ជួយរក្សាសុខភាពល្អប្រសើរនៃជាលិកាភ្ជាប់ ឬសាច់ដុំរឹងមាំ ជាពិសេសនៅពេលទទួលទានជាប្រចាំ។
២. ល្អសម្រាប់ស្បែក
ត្រសក់ ក៏ជាប្រភពដ៏ប្រសើរនៃសារធាតុប្រឆាំងអុកស៊ីតកម្មដែលជួយរក្សាភាពស្រស់ថ្លា និងមានសំណើមនៃស្បែក។ អ្នកក៏អាចបំបាត់ស្នាមក្រហមលើស្បែកដោយសារមុនបានយ៉ាងឆាប់រហ័ស ដោយគ្រាន់តែលាងមុខជាមួយទឹកត្រសក់។
៣. បន្សាបជាតិពុលក្នុងរាងកាយ
ក៏ព្រោះទឹកត្រសក់ជួយរក្សាជាតិទឹកគ្រប់គ្រាន់ក្នុងរាងកាយ នោះវាមានប្រសិទ្ធិភាពខ្ពស់បំផុតក្នុងការបន្សាបជាតិពុលចេញពីក្នុងរាងកាយ។
៤. ទប់ស្កាត់បញ្ហាខ្សោះជាតិទឹក
អ្នកប្រហែលជាធ្លាប់បានដឹងរួចមកហើយថា ត្រសក់ គឺមានផ្ទុកជាតិទឹកច្រើនដល់ទៅ ៩៥ ភាគរយឯណោះ។ នេះមានន័យថា ត្រសក់ គឺល្អបំផុតសម្រាប់ដោះស្រាយបញ្ហាខ្សោះជាតិទឹកក្នុងរាងកាយ។
៥. ផ្ដល់នូវថាមពលបន្ថែម
ជំនួសឱ្យការទទួលទានភេសជ្ជៈកំប៉ុងដែលមានផ្ទុកសម្បូរទៅដោយជាតិស្ករមិនល្អ ក៏ដូចជាភេសជ្ជៈប៉ូវកំលាំង និងភេសជ្ជៈកាហ្វេអ៊ីន ចូរព្យាយាមទទួលទានទឹកត្រសក់វិញ។ ទឹកត្រសក់ អាចផ្ដល់ឱ្យរាងកាយនូវថាមពលបន្ថែមឆាប់រហ័សតាមរយៈការកម្ចាត់ជាតិពុលផ្សេងៗ ទប់ស្កាត់អាការៈអស់កម្លាំង និងថែមទាំងជម្រុញការផ្ដោតអារម្មណ៍បានកាន់តែប្រសើរទៀតផង។
៦. កម្ចាត់ក្លិនមាត់មិនល្អ
ត្រសក់ជួយក្នុងការកម្ចាត់នូវបញ្ហាក្លិនខ្យល់ដង្ហើមមិនល្អ តាមរយៈលក្ខណៈសម្បត្តិប្រឆាំងនឹងបាក់តេរីដ៏មានឥទ្ធិពលរបស់វា។ អ្វីដែលអ្នកត្រូវធ្វើ គឺគ្រាន់តែយកត្រសក់មួយចំនិតដាក់ចូលបៀមក្នុងមាត់សម្រាប់រយៈពេលប្រហែលជា ៣០ វិនាទី។ សារធាតុប្រឆាំងបាក់តេរីនឹងសម្លាប់នូវរាល់បាកតេរីដែលបង្កឲ្យមានក្លិនមាត់មិនល្អ។
- របៀបទទួលទានផ្លែត្រសក់
អ្នកអាចបន្ថែមត្រសក់ប៉ុន្មានចំណិតចូលក្នុងអាហារប្រចាំថ្ងៃ ដើម្បីទទួលទាន ប៉ុន្តែវិធីដ៏មានប្រសិទ្ធិភាពបំផុតនៃការទទួលទានត្រសក់ដើម្បីអត្ថប្រយោជន៍សុខភាពកាន់តែល្អប្រសើរ គឺត្រាំត្រសក់ ២ ឬ ៣ ចំណិត ក្នុងទឹកធម្មតាមួយកែវ ហើយបរិភោគភេសជ្ជៈនេះឲ្យបានទៀងទាត់៕