ក្នុងការសិក្សាមួយ មនុស្សចាស់ដែលធ្វើបានគោលដៅទាំង ៧ដើម្បីទទួលបានសុខភាពបេះដូងល្អ ឃើញថា ពួកគេមានការគិតបានលឿន ហើយក៏ថយចុះការខ្សោយខាងចងចាំ និងជំនាញនៃការគិតនៅរយៈពេល ៦ឆ្នាំក្រោយដែរ។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)លទ្ធផលនៃការសិក្សាគឺតាមដានទៅលើកត្តាសុខភាពបេះដូង និងកម្រិតនៃការរស់នៅ ដែលវាមិនត្រឹមតែមានឥទ្ធិពលទៅលើសុខភាពបេះដូងសរសៃឈាមទេ តែក៏ទៅលើសុខភាពខួរក្បាលដែរ។ ការសិក្សានេះបានចុះផ្សាយក្នុងសារព៧ត៌មាន Journal of the American Heart Association។
គោលដៅទាំង ៧ដែលដែលគេសិក្សានោះមានដូចជា៖
- គ្រប់គ្រងសម្ពាធឈាម៖ ជាធម្មតាគួរតែតិចជាង ១២០/៨០មីលីម៉ែត្របារ៉ត
- គ្រប់គ្រងកូឡេស្តេរ៉ុលក្នុងឈាម៖ កាលណាកូឡេស្តេរ៉ុលខ្ពស់ វានឹងធ្វើឲ្យកើតជាកំណកខ្លាំងដែលអាចស្ទះដល់សរសៃឈាមអាក់ទែបាន
- បន្ថយជាតិស្ករក្នុងឈាម៖ ជាតិស្ករក្នុងឈាមខ្ពស់អាចបំផ្លាញដល់សុខភាពបេះដូង តម្រងនោម ភ្នែក និងសរសៃប្រសាទបាន
- រស់នៅបែបសកម្ម៖ ចូរកំណត់គោលដៅយ៉ាងហោចណាស់ ១៥០នាទីក្នុងការធ្វើសកម្មភាពរាងកាយកម្រិតមធ្យម ឬ ៧៥ភាគរយសម្រាប់ធ្វើសកម្មភាពរាងកាយខ្លាំងក្លា
- ចូរញ៉ាំអាហារឲ្យបានល្អ៖ ចូរញ់ាំអាហារសម្បូរជីវជាតិពីក្រុមអាហារទាំងអស់ តែត្រូវកាត់បន្ថយប្រៃ ផ្អែម និងខ្លាញ់ប្រភេទ Saturated និង Trans Fat
- សម្រកទម្ងន៖ ការថែរក្សាទម្ងន់ឲ្យមានសុខភាពល្អនឹងជួយបន្ថយការប្រឈមនឹងជំងឺបេះដូងបាន
- កុំជក់បារី៖ អ្នកជក់បារីកគឺប្រឈមខ្ពស់នឹងការកើតជំងឺបេះដូងសរសៃឈាមណាស់។
ទោះបីជាយ៉ាងណាក៏ដោយ មិនមានអ្នកចូលរួមសិក្សាណាមួយសម្រេចគោលដៅទាំង ៧នេះទេ ហើយមានតែមួយភាគរយប៉ុណ្ណោះដែលអាចសម្រេចបាន ៦។ បួនភាគរយបាន ៥។ ១៤ភាគរយបាន ៤។ ៣០ភាគរយបាន ៣។ ៣៣ភាគរយបាន ២ និង ១៥ភាគរយបាន ១។ ក្នុងនោះដែរមាន ៣ភាគរយមិនសម្រេចបានគោលដៅទាំងអស់តែម្តង។ (អាន:ថ្នាំងងុយគេង ពេលអ្នកគួរប្រើ)អ្នកវិទ្យាសាស្រ្តបានសម្គាល់ឃើញថា ការដែលទទួលបានគោលដៅសុខភាពបេះដូងកាន់តែច្រើន ការខូចខាតរបស់មុខងារខួរក្បាល ការចងចាំ និងមុខងារសំខាន់ៗរបស់ខួរក្បាលកាន់តេតិច។ មុខងារសំខាន់ៗរបស់ខួរក្បាលមានដូចជា ការផ្ចង់អារម្មណ៍ ការរៀបចំ ការគ្រប់គ្រងពេលវេលា និងជំនាញឆ្លាតវៃផ្សេងៗទៀត៕