មិនត្រឹមតែឆ្ងាញ់ឡើយ! “ទឹកម្នាស់ស្រស់” ជួយដោះស្រាយបញ្ហាសុខភាពបានយ៉ាងច្រើន

ទឹកផ្លែម្នាស់ស្រស់ គឺផ្ដល់អត្ថប្រយោជន៍វិជ្ជមានជាច្រើនចំពោះសុខភាពរាងកាយ ដោយវាមានផ្ទុកនូវជាតិស្ករធម្មជាតិដែលអាចជួយធ្វើឲ្យអ្នកមានកម្លាំងស្រស់ស្រាយឡើងវិញ នៅពេលមានអារម្មណ៍ថាហត់អស់ថាមពល។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ការទទួលទានម្នាស់ត្រឹម ១ចំណិត ក្នុងមួយថ្ងៃ អាចជួយគ្រប់គ្រងកម្រិតនៃជាតិស្ករប្រចាំថ្ងៃរបស់អ្នកបាន។ ការទទួលទានទឹកផ្លែម្នាស់ស្រស់នឹងផ្ដល់ឲ្យរាងកាយនូវវីតាមីន និងសារធាតុរ៉ែសំខាន់ៗជាច្រើនប្រភេទដែលអ្នកត្រូវការដើម្បីការពាររាងកាយពីជំងឺផ្សេងៗ។ ថ្ងៃនេះវេបសាយសុខភាព Health.com.kh នឹងបង្ហាញឱ្យដឹងពីអត្ថប្រយោជន៍ល្អបំផុតមួយចំនួននៃទឹកផ្លែម្នាស់ស្រស់ចំពោះសុខភាពរាងកាយ ៖

១. ស្រកទម្ងន់

ម្នាស់មានផ្ទុកនូវធាតុដុតបំផ្លាញខ្លាញ់ធម្មជាតិ ដែលជួយបំបែកសាច់ដុំខ្លាញ់ ហើយកម្ចាត់ជាតិខ្លាញ់ចេញពីពោះរបស់អ្នក។ ដូច្នេះមុនពេលធ្វើលំហាត់ប្រាណ ចូរទទួលទានទឹកម្នាស់ស្រស់ ១ កែវ យ៉ាងហោចណាស់ ១ ម៉ោង មុនពេលធ្វើលំហាត់ប្រាណ។

២. ទប់ស្កាត់ជំងឺរលាកសន្លាក់

ទឹកផ្លែម្នាស់ស្រស់ គឺមានផ្ទុកនូវជាតិអាស៊ីតធម្មជាតិដែលអាចជួយទប់ស្កាត់ជំងឺរលាកសន្លាក់ និងកាត់បន្ថយអាការៈឈឺសន្លាក់បានយ៉ាងប្រសើរ។ ហើយប្រសិនបើអ្នកមានការឈឺចាប់ខ្លាំង បន្ទាប់ពីធ្វើលំហាត់ប្រាណ អ្នកអាចទទួលទានទឹកផ្លែម្នាស់ស្រស់ ១ កែវ ដើម្បីកាត់បន្ថយការឈឺចាប់។

៣. បង្កើនសុខភាពមាត់ធ្មេញ

ដើម្បីរក្សាបាននូវសុខភាពធ្មេញ និងអញ្ចាញធ្មេញល្អ អ្នកត្រូវការនូវបរិមាណនៃវីតាមីន C គ្រប់គ្រាន់ ដើម្បីទប់ស្កាត់ហានិភ័យនៃជំងឺរលាកអញ្ចាញធ្មេញ ឬបាក់តេរីពីការជ្រៀតចូលក្នុងមាត់។ ផ្លែម្នាស់ គឺជាប្រភពដែលមានផ្ទុកសម្បូរទៅដោយវីតាមីន C ដែលអាចជួយកម្ចាត់បាក់តេរីពីអញ្ចាញធ្មេញ។ ដូច្នេះចូរឧស្សាហ៍ទំពារចំណិតផ្លែម្នាស់ ដើម្បីរក្សាបាននូវសុខភាពធ្មេញល្អ, សស្អាត និងគ្មានមេរោគបាក់តេរី។

៤. សម្អាត និងផ្ដល់ពន្លឺដល់ស្បែកតាមបែបធម្មជាតិ

ទឹកផ្លែម្នាស់ស្រស់ គឺមានផ្ទុកនូវសារធាតុរ៉ែធម្មជាតិល្អៗជាច្រើនដែលអាចជួយអ្នកកម្ចាត់រោគមុន ឬបញ្ហាស្នាមជាំខ្មៅស្រអាប់នៃស្បែក។ អ្វីដែលអ្នកត្រូវធ្វើ កឺគ្រាន់តែដុសទឹកផ្លែម្នាស់ស្រស់លើមុខសម្រាប់រយៈពេលប្រហែលពី ៥ ទៅ ១០ នាទី រៀងរាល់យប់ មុនពេលចូលគេង។ ក្នុងរយៈពេល ១ សប្តាហ៍ អ្នកនឹងសម្គាល់ឃើញលទ្ធផលល្អប្រសើរជាក់ជាមិនខាន។

៥. បង្ការបញ្ហាទល់លាមក និងធ្វើឲ្យចលនាពោះវៀនមានភាពប្រសើរឡើង

ផ្លែម្នាស់ គឺជាប្រភពមានផ្ទុកសម្បូរទៅដោយជាតិសសៃ ហើយអាចជួយសម្រួលចលនានៃពោះវៀន ប្រសិនបើអ្នកមានអារម្មណ៍ថាទល់លាមក។ ព្យាយាមទទួលទានផ្លែម្នាស់យ៉ាងហោចណាស់ ១ ចានពេញ ៣ ដងក្នុងមួយថ្ងៃ នោះអ្នកនឹងសម្គាល់ឃើញថាបញ្ហាទល់លាមក ឬពិបាកបត់ជើងធំ ប្រែជាល្អប្រសើរជាងមុន។

៦. ជម្រុញពង្រឹងប្រព័ន្ធភាពស៊ាំ និងធ្វើឲ្យអ្នកមានសុខភាពកាន់តែល្អប្រសើរ

ប្រសិនបើអ្នកឧស្សាហ៍ឈឺច្រើនជាង ២ ដងក្នុងមួយសប្តាហ៍ នោះមានន័យថា អ្នកកំពុងជួបប្រទះនូវបញ្ហានៃកង្វះវីតាមីន ហើយនិងត្រូវការការសម្រាកច្រើន។ ទឹកផ្លែម្នាស់ស្រស់ត្រឹម ១ កែវនឹងជួយជម្រុញប្រព័ន្ធភាពស៊ាំរបស់អ្នក ហើយផ្ដល់ឲ្យអ្នកនូវវីតាមីនចាំបាច់ដើម្បីរក្សាបាននូវសុខភាពល្អ៕