ក្នុងនាមជាប្តីគួរតែធ្វើរឿងទាំងនេះចំពោះប្រពន្ធនៅពេលដែលគេមានផ្ទៃពោះ។ តើគួរធ្វើដូចម្តេចទៅ?

1. នៅពេលដែលប្រពន្ធមានផ្ទៃពោះ អ្នកគួរតែកំដរគេទៅពិនិត្យមើលកូនក្នុងពោះជារៀងរាល់ខែថាតើកូនមានសុខភាពល្អឬទេ?

2. នៅដំណាក់កាលដែលប្រពន្ធមានផ្ទៃពោះ អ្នកត្រូវតែចេះយកយល់អធ្យាស្រ័យដល់គេ ព្រោះពេលដែលមានផ្ទៃពោះ ស្ត្រីមានចរឹតឆេវឆាវណាស់។ ដូចនេះ អ្នកមិនគួរប្រកាន់ខឹង ហើយតែងតែឈ្លោះជាមួយគេនោះទេ។

3. អ្នកមិនត្រូវទៅរកស្រីផ្សេងនៅពេលដែលប្រពន្ធមានផ្ទៃពោះឡើយ ព្រោះគេខំនឿយហត់ពរពោះកូនអ្នកអស់៩ខែ។ ដូចនេះ អ្នកគួរតែចេះអាណិត និងយល់ចិត្តប្រពន្ធ ទើបគេសប្បាយចិត្ត មិនត្អូញថាហត់។

4. ក្រោយពេលដែលសម្រាលកូនរួចហើយ អ្នកត្រូវតែមើលថែទាំគេឱ្យបានល្អ ដោយមិនគួរព្រងើយកណ្តើយមិនខ្វាយខ្វល់នឹងគេឡើយ។

5. នៅពេលដែលអ្នកទំនេរពីការងារ អ្នកត្រូវតែចេះជួយមើលថែទាំកូន ព្រោះការមើលថែកូន មិនមែនជាភារៈកិច្ចរបស់ប្រពន្ធទាំងអស់ឡើយ។

6. អ្នកត្រូវតែខិតខំប្រឹងប្រែងរកលុយដើម្បីចិញ្ចឹមកូនអ្នកឱ្យរស់នៅបានល្អ ទើបអ្នកអាចក្លាយជាស្វាមីដ៏ល្អក្នុងចិត្តរបស់ប្រពន្ធអ្នក៕