បើសិនជាអ្នកកំពុងតែថែទាំមនុស្សជាទីស្រឡាញ់ដែលមានជំងឺភ្លេចភ្លាំង អ្នកប្រហែលជាអាចមានអារម្មណ៍ពិបាកចិត្តខ្លាំងដោយសារតែគាត់ចាប់ផ្តើមមានការប្រែប្រួលខ្លាំង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)អារម្មណ៍នៃការកើតទុក្ខ ឬពិបាកចិត្តខ្លាំងនេះមាន ៥ដំណាក់កាលគឺ មិនជឿថាវាជាការពិត ខឹង អារម្មណ៍ថាមានកំហុស ពិបាកចិត្ត និងទទួលស្គាល់។ ខាងក្រោមនេះ ខ្ញុំនឹងបង្ហាញអំពីរបៀបដោះស្រាយនៅពេលមានអារម្មណ៍ពិបាកចិត្ត និងបាត់បង់ដូចខាងលើ៖
- ប្រឈមមុខនឹងអារម្មណ៍របស់អ្នក និងទទួលស្គាល់វា
- ត្រៀមខ្លួនដើម្បីទទួលស្គាល់អារម្មណ៍នៃការបាក់បត់ ដោយសារតែភាពភ្លេចភ្លាំងចេះតែវិវត្តន៍ទៅមុខ
- ចូរយល់ថាមិនមានមនុស្សពីរនាក់ដែលកើតទុក្ខខ្លាំងក្នុងរបៀបដូចគ្នាជាក់លាក់ឡើយ
- ចូរនិយាយជាមួយនរណាម្នាក់ដែលអ្នកជឿជាក់ ហើយប្រាប់ពីអារម្មណ៍របស់អ្នកឲ្យគេដឹង
- ចូរធ្វើសកម្មភាពទាំងឡាយណាដែលអ្នកចូលចិត្ត
- ទទួលស្គាល់នូវអ្វីដែលអ្នកមិនអាចផ្លាស់ប្តូរបាន(អាន:ថ្នាំងងុយគេង ពេលអ្នកគួរប្រើ)
- ចូរថែទាំខ្លួនឯងឲ្យបានល្អ៕