យោងតាមការចុះផ្សាយពីប្រភពបរទេស កាហ្វេជាភេសជ្ជៈដែលមនុស្សជាច្រើននិយមផឹក ដើម្បីជួយឱ្យមានអារម្មណ៍ស្រស់ថ្លា និងផ្ដោតអារម្មណ៍ក្នុងការងារ។ ប៉ុន្តែជាតិកាហ្វេអ៊ីននៅក្នុងកាហ្វេអាចជំរុញឱ្យសម្ពាធឈាមកើនឡើងជាបណ្ដោះអាសន្ន។ ដូច្នេះ ការកាត់បន្ថយ ឬឈប់ផឹកកាហ្វេ អាចជួយកាត់បន្ថយការឡើងសម្ពាធឈាមក្នុងរយៈពេលខ្លីក្រោយពេលទទួលជាតិកាហ្វេអ៊ីន ប៉ុន្តែផលប៉ះពាល់ក្នុងរយៈពេលវែងអាចខុសគ្នាតាមមនុស្សម្នាក់ៗ។
ជាទូទៅ ជាតិកាហ្វេអ៊ីនអាចធ្វើឱ្យសម្ពាធឈាមកើនឡើងក្នុងរយៈពេលប្រហែល ១,៥ ទៅ ៩,៥ ម៉ោងក្រោយពេលផឹក។ នៅពេលឈប់ផឹកកាហ្វេ រាងកាយអាចលែងជួបប្រទះការកើនឡើងបណ្ដោះអាសន្នដែលបណ្ដាលមកពីជាតិនេះ។ ទោះជាយ៉ាងណា អ្នកដែលផឹកកាហ្វេជាប្រចាំអាចស៊ាំនឹងជាតិកាហ្វេអ៊ីន ហើយប្រតិកម្មនៃសម្ពាធឈាមអាចតិចជាងអ្នកដែលមិនសូវផឹក។ ការសិក្សាលើមនុស្សពេញវ័យមានសុខភាពល្អ ៧៧ នាក់ ក៏បានរកឃើញថា សម្ពាធឈាមឡើងក្រោយផឹកកាហ្វេអេសប្រេសូក្នុងក្រុមដែលមិនសូវផឹកកាហ្វេ ខណៈក្រុមដែលផឹកជាប្រចាំមិនមានការប្រែប្រួលដូចគ្នានោះទេ។
ចំពោះអ្នកមានជំងឺលើសសម្ពាធឈាមខ្លាំង គួរយកចិត្តទុកដាក់ជាពិសេសចំពោះបរិមាណកាហ្វេដែលផឹក។ ការសិក្សាមួយលើមនុស្ស ១៨ ៦០៩ នាក់ ដែលតាមដានជិត ១៩ ឆ្នាំ បានរកឃើញទំនាក់ទំនងរវាងការផឹកកាហ្វេ និងហានិភ័យស្លាប់ដោយជំងឺបេះដូង និងសរសៃឈាមខ្ពស់នៅក្នុងក្រុមអ្នកមានសម្ពាធឈាមខ្ពស់កម្រិតទី២ និងទី៣។ អ្នកដែលផឹកកាហ្វេយ៉ាងហោចណាស់ ២ កែវក្នុងមួយថ្ងៃ មានហានិភ័យស្លាប់ដោយជំងឺទាំងនេះខ្ពស់ជាងប្រហែល ២ ដង បើប្រៀបធៀបនឹងអ្នកផឹកមិនលើស ១ កែវក្នុងមួយថ្ងៃ។ ទោះជាយ៉ាងណា ការសិក្សានេះបង្ហាញពីទំនាក់ទំនង មិនមែនជាភស្តុតាងថាកាហ្វេជ