យោងតាមការចុះផ្សាយពីប្រភពបរទេស បានឱ្យដឹងថា ការជួយខ្លួនឯងមិនមែនជារឿងគ្រោះថ្នាក់នោះទេ ប៉ុន្តែការធ្វើខ្លាំងពេក ប្រើកម្លាំងខ្លាំង ឬមានទម្លាប់បែបដដែលៗខ្លាំងពេក អាចប៉ះពាល់ដល់អារម្មណ៍រំញោច និងសមត្ថភាពផ្លូវភេទរបស់បុរសមួយចំនួន។
អ្នកជំនាញបានព្រមានថា ការប្រើដៃច្របាច់អវយវៈភេទខ្លាំងពេកពេលជួយខ្លួនឯង អាចធ្វើឱ្យរាងកាយស៊ាំនឹងកម្លាំងបែបនោះ។ ជាលទ្ធផល បុរសខ្លះអាចពិបាកទទួលអារម្មណ៍រំញោចពីការរួមភេទតាមធម្មតា ឬពិបាកឈានដល់ចំណុចកំពូល។
ក្រៅពីនេះ ការប្រើបច្ចេកទេសជាក់លាក់ដែលដៃគូមិនអាចធ្វើតាមបាន ក៏អាចបង្កឱ្យមានការបញ្ចេញទឹកកាមយឺត ពិបាកធ្វើឱ្យអវយវៈភេទឡើងរឹង ឬពិបាករក្សាភាពរឹងក្នុងពេលរួមភេទផងដែរ។ បញ្ហាទាំងនេះអាចធ្វើឱ្យបុរសមានការខកចិត្ត និងប៉ះពាល់ដល់ទំនាក់ទំនងជាមួយដៃគូ។
ដើម្បីជៀសវាងបញ្ហាទាំងនេះ គួរជៀសវាងការប្រើកម្លាំងខ្លាំងពេក និងកុំប្រើបច្ចេកទេសតែមួយដែលធ្វើឱ្យរាងកាយស៊ាំខ្លាំង។ គួរផ្លាស់ប្ដូរទម្លាប់បន្តិចម្ដងៗ និងបង្វែរចំណាប់អារម្មណ៍ទៅសកម្មភាពផ្សេងៗ ដូចជា ហាត់ប្រាណ ដើរលេង ឬជួបមិត្តភក្តិ។
ជាមួយគ្នានេះ ប្រសិនបើមានអាការៈពិបាកធ្វើឱ្យអវយវៈភេទឡើងរឹង បាត់បង់អារម្មណ៍រំញោច ឬពិបាកដល់ចំណុចកំពូលជាបន្តបន្ទាប់ គួរពិគ្រោះជាមួយវេជ្ជបណ្ឌិត ដើម្បីស្វែងរកមូលហេតុ និងទទួលការណែនាំត្រឹមត្រូវ។ សូមចងចាំថា ការថែរក្សាសុខភាពផ្លូវភេទ គឺជាផ្នែកមួយនៃការថែរក្សាសុខភាពទូទៅ និងជីវិតគូឱ្យមានសុភមង្គល៕