យោងតាមការចុះផ្សាយពីប្រភពបរទេស ការជ្រើសរើសអាហារដែលមានជីវជាតិ និងកាឡូរីទាប អាចជួយដល់ការគ្រប់គ្រងទម្ងន់បាន។ ក្នុងចំណោមនោះ បន្លែ ៣ ប្រភេទ គឺផ្កាខាត់ណាខៀវ ស្ពៃខ្មៅ និងពោតបារាំង សុទ្ធតែជាជម្រើសល្អសម្រាប់បញ្ចូលក្នុងរបបអាហារប្រចាំថ្ងៃ។
ទី១. ផ្កាខាត់ណាខៀវ ជាបន្លែដែលមានជាតិសរសៃ និងវីតាមីនជាច្រើន ខណៈមានកាឡូរីមិនខ្ពស់។ ការញ៉ាំបន្លែប្រភេទនេះអាចជួយឱ្យមានអារម្មណ៍ឆ្អែតបានយូរ និងកាត់បន្ថយការញ៉ាំអាហារច្រើនហួសតម្រូវការ។
ទី២. ស្ពៃខ្មៅ មានជាតិសរសៃ វីតាមីន និងសារធាតុចិញ្ចឹមសំខាន់ៗជាច្រើន។ បន្លែនេះមានកាឡូរីទាប ហើយអាចយកទៅធ្វើជាសម្ល ស៊ុប ឬសាលាដ ដើម្បីបន្ថែមជីវជាតិដល់អាហារប្រចាំថ្ងៃ។
ទី៣. ពោតបារាំង មានជាតិសរសៃ និងទឹកច្រើន ដែលអាចជួយឱ្យរាងកាយមានអារម្មណ៍ឆ្អែត និងជួយដល់ការរំលាយអាហារ។ វាក៏អាចចម្អិនបានច្រើនបែប ដូចជា ស្ងោរ ឆា ឬដាក់ក្នុងសម្លផងដែរ។
ទោះជាបន្លែទាំងនេះអាចជួយដល់ការគ្រប់គ្រងទម្ងន់ក៏ដោយ ក៏ការញ៉ាំបន្លែតែមួយមុខមិនអាចធ្វើឱ្យស្រកទម្ងន់ដោយស្វ័យប្រវត្តិបានទេ។ ដើម្បីទទួលបានរាងកាយសមស្រប គួរញ៉ាំអាហារឱ្យមានតុល្យភាព កាត់បន្ថយអាហារដែលមានជាតិស្ករ និងខ្លាញ់ច្រើន ព្រមទាំងហាត់ប្រាណឱ្យបានទៀងទាត់៕