ការឈឺសាច់ដុំគឺជារឿងដែលកើតឡើងជាញឹកញាប់ក្នុងជីវិតប្រចាំថ្ងៃ។ វាប្រហែលជាកើតឡើងដោយសារតែការហាត់ប្រាណ និងសាច់ដុំធ្វើការច្រើនពេក។ ភាគច្រើននៃការឈឺសាច់ដុំកើតឡើងដោយសារតែការរហែកសាច់ដុំតូចៗជាពិសេសនៅពេលប្រើប្រាស់សាច់ដុំនោះខ្លាំងពេក ដូចជាពេលហាត់ប្រាណតែម្តង។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)មានកត្តាច្រើនណាស់ដែលធ្វើឲ្យសាច់ដុំនឿយហត់ និងឈឺ ហើយថ្វីបើការឈឺចាប់ និងការមិនមានផាសុកភាពនឹងស្រួលបួលទៅវិញក៏ដោយ តែក៏មានវិធីជាច្រើនជួយឲ្យការមិនស្រួលនេះបាត់ទៅវិញលឿនផងដែរ។
ប្រេងម៉ាញ៉េស្យូម
ប្រេងប្រភេទនេះផ្ទុកទៅដោយម៉ាញ៉េស្យូមក្លរ៉ាយ ដែលមានមុខងារជួយបន្ធូរសាច់ដុំ។ ដើម្បីប្រើប្រាស់វិធីព្យាបាលនេះបាន អ្នកអាចដាក់ប្រេងនេះចូលទៅក្នុងកំប៉ុងបាញ់ស្ព្រាយ ហើយបាញ់ទៅលើសាច់ដុំដែលកំពុងតែឈឺ។
ធ្វើចលនា
វាអាចជារឿងចុងក្រោយដែលអ្នកគួរតែប្រើវាដើម្បីដោះស្រាយការឈឺសាច់ដុំ ប៉ុន្តែវាពិតជាអាចបន្ថយការឈឺចាប់បាន។ នៅពេលអ្នកធ្វើចលនា រាងកាយនឹងបង្កើនលំហូរឈាមទៅសាច់ដុំដែលនឿយហត់នោះ ដូច្នេះវានឹងបំបាត់ការគាំ និងតឹងបាន។ យកល្អលើកក្រោយ អ្នកអាចធ្វើដំណើរទៅហាត់ប្រាណដោយការដើរវិញ ឬធ្វើលំហាត់ប្រាណតិចៗសិនបានហើយ។
ភេសជ្ជៈមានជាតិកាហ្វេអ៊ីន
កីឡាករអត្តពលកម្មប្រហែលជាមានបញ្ហាឈឺសាច់ដុំក្រោយពីហាត់រួច ប៉ុន្តែអ្នកខ្លះអាចបំបាត់ការឈឺចាប់នេះតាមរយៈការញ៉ាំភេសជ្ជៈមានជាតិកាហ្វេអ៊ីនមុនពេលហាត់។ ជាតិកាហ្វេអ៊ីនត្រូវបានគេដឹងថាជាសារធាតុភ្ញោចដែលជួយដល់ការហាត់ប្រាណ។ (អាន:ថ្នាំងងុយគេង ពេលអ្នកគួរប្រើ)ចាប់តាំងពីមានលំហូរឈាម និងអុកស៊ីសែនកាន់តែច្រើនចូលទៅក្នុងសាច់ដុំដែលនឿយហត់មក វាទំនងជាមិនសូវធ្វើឲ្យឈឺចាប់ដោយសារតែភាពតឹង និងគាំងឡើយក្រោយពីហាត់រួច។
ទឹកប៉េងប៉ោះ
ការញ៉ាំទឹកប៉េងប៉ោះក្រោយពីហាត់ប្រាណរួចអាចជួយបំបាត់ការឈឺសាច់ដុមបាន។ នេះដោយសារតែប៉េងប៉ោះផ្ទុកទៅដោយអង់ទីអុកស៊ីដង់ ព្រមទាំងសារធាតុប្រឆាំងការរលាក ដែលអាចជួយបន្ថយការឈឺចាប់ក្រោយពីហាត់ប្រាណរួច៕