មនុស្សជាច្រើនគិតថា ការគេងមិនលក់គ្រាន់តែធ្វើឱ្យអស់កម្លាំង ឬល្វើយនៅថ្ងៃស្អែកប៉ុណ្ណោះ។ ប៉ុន្តែការពិតដ៏គួរឱ្យភ័យខ្លាចនោះគឺ «ការអត់គេងរ៉ាំរ៉ៃ គឺជាដើមហេតុនៃការកើនឡើងសម្ពាធឈាម និងការរួមតូចនៃសរសៃឈាមខួរក្បាល» ដែលអាចនាំឱ្យមានវិបត្តិស្ទះសរសៃឈាមខួរក្បាល (Stroke) ដោយមិនដឹងខ្លួន!
នៅពេលអ្នកអត់គេង ខួរក្បាលមិនបានជួសជុល និងលាងសម្អាតជាតិពុលឡើយ។ ប្រសិនបើអ្នកមានទម្លាប់គេងមិនលក់ ហើយជួបប្រទះសញ្ញាស្ងាត់ៗទាំង ៥ នេះ នោះជាសញ្ញាអាសន្នដែលខួរក្បាលកំពុង “ស្រែកប្រាប់” ឱ្យអ្នកប្រញាប់ប្រយ័ត្ន៖
១. ឈឺក្បាលខ្ទោកៗនៅពេលព្រឹកព្រលឹម ឬចុកកញ្ចឹងក
ការភ្ញាក់ពីគេងទាំងមានអារម្មណ៍ថាធ្ងន់ក្បាល ឈឺប្រដេញ ឬចុកតឹងនៅតំបន់កញ្ចឹងក គឺជាសញ្ញាដែលបញ្ជាក់ថា សម្ពាធឈាមរបស់អ្នកបានកើនឡើងខ្ពស់ខុសធម្មតានៅពេលយប់ ដោយសារខួរក្បាលមិនបានសម្រាកគ្រប់គ្រាន់។
២. ស្រពន់ ឬស្ពឹកស្រពោននៅផ្ទៃមុខ ឬចុងដៃចុងជើង
ប្រសិនបើអ្នកចាប់ផ្តើមមានអារម្មណ៍ថាស្ពឹកស្រពោននៅលើផ្ទៃមុខម្ខាង ដៃ ឬជើង ដោយគ្មានមូលហេតុ (ទោះបីជាស្ពឹកមួយភ្លែតៗក៏ដោយ) នេះជាសញ្ញាព្រមានដំបូងបង្អស់នៃចរន្តឈាមរត់មិនបានល្អទៅកាន់ខួរក្បាល។
៣. វង្វេងវង្វាន់ ភ្លេចភ្លាំងភ្លាមៗ ឬគិតអ្វីមិនចេញ
ការគេងមិនលក់បំផ្លាញកោសិកាចងចាំ។ បើអ្នកចាប់ផ្តើមភ្លេចពាក្យនិយាយ គិតអ្វីយឺតយ៉ាវខុសពីធម្មតា ឬមានអារម្មណ៍ថាខួរក្បាល “វិលវល់” នោះជានិមិត្តរូបថា កោសិកាខួរក្បាលកំពុងខ្វះអុកស៊ីសែន និងឈាមទៅចិញ្ចឹម។
៤. ស្រពិចស្រពិលភ្នែក ឬស្រវាំងមួយភ្លែតៗ
ចរន្តឈាមដែលរត់ទៅកាន់សរសៃប្រសាទភ្នែកមានទំនាក់ទំនងផ្ទាល់ជាមួយខួរក្បាល។ ការស្រវាំងភ្នែកមើលអ្វីមិនច្បាស់ ឬឃើញរូបភាពជាន់គ្នាជាប្រចាំ បន្ទាប់ពីយប់ដែលគេងមិនលក់ គឺជាសញ្ញាគ្រោះថ្នាក់នៃប្រព័ន្ធសរសៃឈាម។
៥. អស់កម្លាំងល្ហិតល្ហៃ និងបេះដូងលោតខុសចង្វាក់
នៅពេលខួរក្បាលស្រែកឃ្លានការសម្រាក ប្រព័ន្ធប្រាសាទស្វ័យប្រវត្តិ (Sympathetic Nervous System) នឹងធ្វើការលើសកម្រិត បណ្តាលឱ្យបេះដូងលោតញាប់ខុសចង្វាក់ ជួនកាលមានអារម្មណ៍ថាថប់ដង្ហើម ឬណែនទ្រូង។
+ ដំណោះស្រាយបន្ទាន់៖ វិធីសង្គ្រោះខួរក្បាលឱ្យផុតពីគ្រោះថ្នាក់
បង្កើតកាលវិភាគគេងទៀងទាត់ ៖ ចូលគេង និងភ្ញាក់ឱ្យចំម៉ោងជារៀងរាល់ថ្ងៃ (ចន្លោះម៉ោង ១០ យប់ ដល់ ៦ ព្រឹក) ។
បិទឧបករណ៍អេឡិចត្រូនិក៖ បិទទូរស័ព្ទ ឬកុំព្យូទ័រយ៉ាងហោចណាស់ ៤៥ នាទីមុនពេលគេង ដើម្បីឱ្យខួរក្បាលបញ្ចេញម៉េឡាតូនីន (Melatonin) សហការជាមួយនឹងការគេងលក់ស្ងប់ ។
ចៀសវាងភេសជ្ជៈប៉ូវកម្លាំង និងកាហ្វេអ៊ីន ៖ កុំញ៉ាំកាហ្វេ ឬភេសជ្ជៈផ្អែមខ្លាំងនៅពេលរសៀល និងល្ងាច។
ជួបគ្រូពេទ្យជំនាញ៖ ប្រសិនបើអ្នកមានសញ្ញាស្ពឹក ឬឈឺក្បាលធ្ងន់ធ្ងរ រួមជាមួយការគេងមិនលក់ ត្រូវប្រញាប់ទៅពិនិត្យសម្ពាធឈាម និងសុខភាពសរសៃឈាមជាបន្ទាន់។