តាមពិតទៅផ្លែចេកជួយដល់ជំងឺប្រគ្រីវបែបហ្នឹងសោះ

ជំងឺប្រគ្រីវត្រូវបានគេស្គាល់ថា ជាជំងឺដែលលើសកម្រិតអាស៊ិតអ៊ុយរិកក្នុងឈាមរហូតដល់ឈឺសន្លាក់ ឬហៅម៉្យាងទៀតថា ជំងឺរលាកសន្លាក់ហ្គោដ។ សារធាតុ Nucleic Acid គឺជាសារធាតុបង្កើតដ៏សំខាន់របស់រាងកាយ ដែលវាមានសារធាតុជាច្រើនទៀតឈ្មោះថា Purines។ កាកសំណល់នៃសារធាតុ Purines គឺជាអាស៊ីតអ៊ុយរិក។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)បើសិនជាអ្នកមានចំនួនអាស៊ីតអ៊ុយរិកក្នុងរាងកាយច្រើន វាប្រហែលជាបង្កើតបានជាគ្រីស្តាល ដែលធ្វើឲ្យទៅជារលាក និងឈឺចាប់ក្នុងសន្លាក់បាន និងបង្កជាជំងឺប្រគ្រីវតែម្តង។ ថ្វីបើមានកត្តាជាច្រើនទៀតដែលនាំឲ្យមានជំងឺប្រគ្រីវដែរ តែការឡើងកាន់តែខ្ពស់នៃសារធាតុ អាស៊ីតអ៊ុយរិក ឱកាសនៃការហើមសន្លាក់ និងឈឺសន្លាក់ក៏កាន់តែខ្ពស់ដែរ។ 

យោងទៅតាមការសិក្សាកាលពីឆ្នាំ ២០១៥ និងធ្វើឡើងដោយ Institute for Quality and Efficiency in Health Care បានឲ្យដឹងថា ការផ្លាស់ប្តូររបបអាហារអាចជួយអ្នកបន្ថយចំនួនអាស៊ីតអ៊ុយរិកក្នុងឈាមបាន។ ការញ៉ាំអាហារមានសារធាតុ Purines ទាប គួរតែបន្ថយការផលិតអាស៊ីតអ៊ុយរិក ដែលវានឹងបន្ថយការធ្វើទុក្ខរបស់ជំងឺរលាកសន្លាក់ប្រគ្រីវបានដែរ។ 

ផ្លែចេកជាផ្លែឈើដែលមានសារធាតុ Purines ទាប។ វាក៏មានចំនួនវីតាមីន C ខ្ពស់ដែរ។ តាមការសិក្សាក្នុងឆ្នាំ ២០០៩ដែលធ្វើឡើងដោយ Archives of Internal Medicine បានធ្វើសេចក្តីសន្និដ្ឋានឃើញថា ការញ៉ាំវីតាមីន C កាន់តែច្រើន ធ្វើឲ្យបន្ថយការប្រឈមនឹងជំងឺប្រគ្រីវកាន់តែច្រើនដែរ។ ផ្លែចេកដ៏ធំមួយផ្លែមានវីតាមីន C ប្រមាណ ១១.៨មីលីក្រាម។ (អាន:ថ្នាំងងុយគេង ពេលអ្នកគួរប្រើ)

យោងទៅតាម Mayo Clinic បានឲ្យដឹងថា តម្រូវការប្រចាំថ្ងៃរបស់វីតាមីន C សម្រាប់ស្រ្តីវ័យកណ្តាលគឺ ៧៥មីលីក្រាម និងបុរស ៩០មីលីក្រាម។ ដូច្នេះមានន័យថា ផ្លែចេកដ៏ធំមួយផ្លែអាចផ្តល់ជាតម្រូវការវីតាមីន C ១៦ភាគរយ សម្រាប់ស្រ្តី និងបុរស ១៣ភាគរយ៕