ការកកឈាមគឺជារបៀបដែលរាងកាយបង្ការកុំឲ្យហូរឈាមច្រើននៅពេលមានការដាច់ដោចសរសៃឈាម។ ជាធម្មតា រាងកាយនឹងរំលាយកំណកឈាមនោះវិញក្រោយពីរបួសនោះជា។ (អាន:ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?)ប៉ុន្តែជាម្តងម្កាល កំណកឈាមនោះកើតឡើងដោយមិនមានរបួសអ្វីកើតឡើងក្នុងសរសៃឈាមទេ ឬកំណកឈាមនោះមិនរំលាយដោយខ្លួនឯងតែម្តង។ ហេតុដូច្នេះហើយទើបធ្វើឲ្យវាក្លាយជារបស់មានគ្រោះថ្នាក់ រហូតដល់កាត់បន្ថយការផ្គត់ផ្គង់ឈាមសម្បូរអុកស៊ីសែនទៅជាលិកា និងសរីរាង្គជាច្រើនដូចជា បេះដូង ឬសួតបាន។ 

កំណកឈាមប្រហែលជាអាចរបេះចេញហើយអណ្តែតចូលទៅក្នុងបេះដូងវិញផង។ មានកត្តាជាច្រើនដែលបង្កើនការប្រឈមនឹងការកើតជាកំណកឈាមខុសធម្មតាបែបនេះ៖

  • ការធាត់ជ្រុល
  • ការមានផ្ទៃពោះ
  • ការមិនធ្វើសកម្មភាពរាងកាយរយៈពេលយូរ
  • ការជក់បារី
  • ការប្រើថ្នាំពន្យាកំណើតមួយចំនួន
  • ជំងឺមហារីក
  • ការវះកាត់
  • អាយុកាន់តែច្រើន
  • ប្រវត្តិគ្រួសារធ្លាប់មានបញ្ហាកកឈាម
  • ជំងឺទឹកនោមផ្អែម
  • លើសសម្ពាធឈាម(អាន:ថ្នាំងងុយគេង ពេលអ្នកគួរប្រើ)
  • លើសកូឡេស្តេរ៉ុល៕