​បន្លែ ៥មុខដែលមនុស្សជាច្រើនមិនសូវចូលចិត្ត ប៉ុន្តែអាចល្អសម្រាប់សុខភាពតម្រងនោម

យោងតាមការចុះផ្សាយពីប្រភពបរទេស បន្លែមួយចំនួនមានក្លិន ឬរសជាតិដែលមនុស្សជាច្រើនមិនសូវចូលចិត្ត ប៉ុន្តែវាអាចផ្តល់សារធាតុចិញ្ចឹម និងសារធាតុប្រឆាំងអុកស៊ីតកម្មដែលមានប្រយោជន៍ដល់សុខភាព។ ក្នុងចំណោមនោះ មានដូចជា **ជីរវ៉ាន់ស៊ុយ ត្រប់ ពោត​ល័ក្ត ខ្ទឹមស ខ្ទឹមបារាំង និងម្រះ។

ជីរវ៉ាន់ស៊ុយមានសារធាតុ​ដែលមានលក្ខណៈប្រឆាំងអុកស៊ីតកម្ម ខណៈត្រប់ ជាពិសេសសំបក មានសារធាតុ​ដែលអាចជួយការពារកោសិកាពីការខូចខាតដោយអុកស៊ីតកម្ម។

ពោតល័ក្តសម្បូរវីតាមីន C ហើយមានប៉ូតាស្យូមមិនខ្ពស់ដូចបន្លែស្លឹកបៃតងមួយចំនួន។ ចំណែកខ្ទឹមស និងខ្ទឹមបារាំងមានសារធាតុ​ ដែលមានលក្ខណៈប្រឆាំងការរលាក និងប្រឆាំងអុកស៊ីតកម្ម។

ម្រះក៏ត្រូវបានលើកឡើងថា អាចជួយគ្រប់គ្រងជាតិស្ករក្នុងឈាម។ ការគ្រប់គ្រងជាតិស្ករបានល្អមានសារៈសំខាន់ចំពោះសុខភាពតម្រងនោម ព្រោះជំងឺទឹកនោមផ្អែមអាចបង្កការខូចខាតតម្រងនោមក្នុងរយៈពេលយូរ។

ទោះជាយ៉ាងណា មិនមានបន្លែណាមួយអាចព្យាបាល ឬស្តារតម្រងនោមដែលខូចឱ្យជាឡើងវិញបានដោយខ្លួនឯងទេ។ ការថែរក្សាតម្រងនោមគួរផ្តោតលើការញ៉ាំបន្លែឱ្យបានចម្រុះ ជ្រើសរើសអាហារធម្មជាតិ កាត់បន្ថយការញ៉ាំប្រៃ និងអាហារកែច្នៃខ្លាំង។ សម្រាប់អ្នកដែលមានជំងឺតម្រងនោមរួច គួរពិគ្រោះជាមួយគ្រូពេទ្យអំពីបរិមាណប៉ូតាស្យូម និងសារធាតុចិញ្ចឹមដែលសមស្រប៕