យោងតាមការចុះផ្សាយពីប្រភពបរទេស ការគេងមានគុណភាពមិនត្រឹមតែជួយឱ្យរាងកាយសម្រាកទេ ប៉ុន្តែថែមទាំងជួយឱ្យរាងកាយស្តារខ្លួន និងរក្សាតុល្យភាពអ័រម៉ូន។ សម្រាប់បុរស ការគេងមិនគ្រប់គ្រាន់ ឬគេងមិនទៀងទាត់ អាចប៉ះពាល់ដល់សុខភាពទូទៅ និងក្រពេញប្រូស្តាតផងដែរ។
១. គេង និងភ្ញាក់ឱ្យទៀងទាត់
ព្យាយាមចូលគេង និងភ្ញាក់នៅពេលដដែលជារៀងរាល់ថ្ងៃ ដើម្បីជួយរក្សាចង្វាក់ធម្មជាតិរបស់រាងកាយ និងគុណភាពដំណេក។
២. កាត់បន្ថយការមើលអេក្រង់មុនគេង
គួរបិទទូរស័ព្ទ ទូរទស្សន៍ ឬកុំព្យូទ័រយ៉ាងហោចណាស់ ១ ម៉ោងមុនចូលគេង ព្រោះពន្លឺពីអេក្រង់អាចធ្វើឱ្យពិបាកគេង។
៣. រៀបចំបន្ទប់គេងឱ្យសមស្រប
បន្ទប់គេងគួរមានភាពងងឹត ស្ងាត់ និងត្រជាក់ល្មម ដើម្បីជួយឱ្យគេងបានជ្រៅ និងសម្រាកបានល្អ។
៤. ជៀសវាងកាហ្វេអ៊ីន និងស្រាមុនគេង
ការផឹកកាហ្វេ ឬគ្រឿងស្រវឹងជិតពេលចូលគេង អាចរំខានដល់ដំណេក និងធ្វើឱ្យភ្ញាក់កណ្តាលយប់ញឹកញាប់។
៥. បន្ធូរអារម្មណ៍មុនចូលគេង
អាចសាកល្បងដកដង្ហើមជ្រៅៗ ធ្វើសមាធិ ឬស្តាប់សំឡេងធម្មជាតិប្រហែល ៥ នាទី ដើម្បីបន្ថយភាពតានតឹង និងជួយឱ្យចិត្តស្ងប់។
សរុបមក៖ ការគេងបានល្អជាទម្លាប់សំខាន់សម្រាប់សុខភាពទូទៅ និងសុខភាពបុរស។ ទោះជាយ៉ាងណា ការគេងល្អមិនអាចធានាការពារមហារីកក្រពេញប្រូស្តាតដោយផ្ទាល់ទេ ដូច្នេះគួររួមបញ្ចូលជាមួយការរស់នៅមានសុខភាពល្អ និងការពិនិត្យសុខភាពតាមភាពសមស្រប៕